Juan 15:10 - Biblia Yanowamö

¹⁰ Wamale a̦ nofi cadidibou ja, bämacö lä nofimale tä ja wamacö nia yanöcöo. Fayä ya wa̦ nofi cadidibolanö, camanö wale lä nofimale tä ja ya e yanöcöwä lä culenaja showawä.

Juan 15:10 Iomraidhean Croise

Éxodo 7:6

Inaja cäcöbö cuaaö showaoma. Moisesi, Aaloni cäcöbö nowa taö ja, Jeobaa a lä cuno weinaja, inaja showawä cäcöbö cuu cadidio showaoma.

Isaías 50:5

Ya wa̦ ji̦liaö walalaobä, Yai Bada tä Bada lä ayainö wale fa tablamalönö, “Ja̦o. Inaja lä waiquiwä”, ya e cudalioma. Ya wa̦ ca̦i shominajablou majöonomi.

Juan 10:18

¿Ö̦jö tawä? Cama bä lojodenö wale nia shäimije. Camiyä ya shämou li fa ojodaonö, ya nia li shämou. Ya shämou ojodaobä, Fayänö wale nö li wa̦lojomabou. Ya demi nia ca̦i jocädou lä co̦o wei, inaja showawä —Jesús a cuma.

Juan 12:49

Camiyä ya bufi lä cuu weinaja ya tä a̦ wäyäö bädao malä mlai. Fayänö wale lä shömöleno wei a showawä lä cuinö wale nosiemaö ja ya wa̦. Cama a wa̦nö ya wa̦ cadidou.

Juan 14:15

Jesús a wa̦ faö co̦oma. —Wamale nofimaö ja, ya tä tamaö lä bufii wei wama tä nofi nia cadidibou.

Juan 14:21

’¿Ö̦jö tawä? Ya tä tamaö lä bufii wei tä nofi lä cadidibou wejei bä lä cuinö, ö̦jö bä lä cuinö wale yai nofimaöje. Wale lä nofimaö wejei bä lä cui, Fayänö bä nia nofimaö mö feduo. Camiyä ya ma cuinö ya bä nia ca̦i nofimaö. Ö̦jö bä nija ya nia dablamou —a cuma.

Juan 14:23

Abinaja Jesús e cuma. —Wale lä nofimaö wejei bänö, wale a̦ nofi nia cadidibouje. Fayänö bä nia nofimaö. Ö̦jö bä nija yafäcö nia walooyoluu, yafäcö bälödiobä.

Juan 14:31

Fayänö wale lä nosiemaö wei tä ja ya li yai cadidou, yanowamö täbä bufi jaducublobä. Fayänö wale lä nofimaö wei tä dablabeje. ¿Ö̦jö tawä? Bei. Bämacö da jufälö —a cuma.

Juan 17:4

Bita jamö ya cua showalanö, camiyä nija wa tä tamaö lä bufino wei, ya tä jödödöblalema. Inaja ya lä cuaano wei tänö, cafä bäfä doblao damalalema.

Juan 4:34

Abinaja Jesúsnö bä nowa tama. —Yale lä shömöleno wei ya wa̦ juaö bufi doblao. Tä tamaö lä bufii wei ya tä jödödöblaö. Ö̦jö iba nii bä waiquiwä.

Juan 8:29

Wale lä shömöleno wei a lä cuinö wale ca̦i cua showaa lä cule. Wale daanomi. Ya yamimi. Showadi ya bufi malä doblamabou wei —bä nowa tama.

Juan 8:55

Ö̦jö ma cui, Fayä wama a daimi. Camiyänö ya shino daö. ¿Ö̦jö tawä? “Ya daimi”, ya cuu fa cunoja, cafä wamacö jolemou lä culenaja, ya nö cuo mö feduobö wei. Ö̦jö ma cui ya daö lä. Ya wa̦ nofi ca̦i cadidibou.

1 Corintios 7:19

Täbä mosi sicö lä joyamou wei tänö täbä bayelibloimi. Sicö joyamou lä mlai tä ma cuinö, ö̦jö tänö täbä ca̦i bayelibloimi mö feduwä. Yai Bada a nosie lä fuaö wejei tänö täbä shi̦lo bayeliblou.

1 Tesalonicenses 4:1

Iba wamacö. Ei moli yamacö a̦ fe blacäjou co̦o. Wamacö moyawäobä bämacö yömölaö. Bada tä Jesucristo lä cuinö wamacö yömölaö nö lä cuobö weinaja showawä. Wamacö dodijabä yamacö a̦, Yai Bada wama a bufi doblamabobä. Bämacö da yömölableinaja showawä. Wamacö dodijaö lä waiquilenaja, wamacö dodijaö balafälöbä.

Hebreos 7:26

Bämalecö nofi nia lä bäyäbou wei, ö̦jö Jesús a waiquiwä. Ö̦jö a lä cui, nofi bäyäalewä Bada a. A yaia. A wa̦fa ca̦i tamobä etä cuami. Etä ca̦i shami läami. Wa̦lidiwä talewä bämacö lä cui lijamö a coyocomabou mlai ja, fedu fe dole jamö Yai Bada tänö a yai doblamabodayou.

2 Pedro 2:21

Yai Bada tä daö mlaoje däjä bä mojodi li cuo lä balöono weinaja bä yai cuo showao fa cunoja, bä nofi nö nacao fe balojoobö mlai. Yai Bada nija bä ajedobä yo ma dano wejei ma cui, Yai Bada etä a̦ ja bä ca̦i ma damamono wei ma cui, tä a̦ waii majöo dicomaje yalo, fei däjä bä yai wa̦lidiwä cadidiwä.

1 Juan 2:3

Yai Bada tänö tä tamaö lä bufii wei bäma tä a̦ nofi shino cadidibou ja, bämacö bufi nia wedinajamoimi. “Yai Bada ya daö lä”, bämacö nia lojode cudou showadao.

1 Juan 2:5

Ö̦jö ma cui, bäma a wa̦ nofi cadidibou ja, Yai Bada bäma a shino yai nofimaö fe balojoo. Bäma a wa̦ nofi lä cadidibou wei tänö, bämacö bejedimou nö ö̦jöböamou.

1 Juan 2:6

“Ö̦jö nija ya cua”, bämacö lä cuu wei, Jesús a lä cuaano weinaja bämacö cuaaö mö feduobä bämacö.

1 Juan 5:3

Yai Bada bäma a nofimaö ja, tä tamaö lä bufii wei bäma tä a̦ nofi nia cadidibou. Bämacö bufi nö modawä bleaaö mlai ja, bämacö nia cadidou.

Apocalipsis 22:14

Bä camishibö lä yaluu wejei bä lä cui, bä aublou cudeenö bä bufi nia yai doblalou. Inaja bä cuaaö yalo, Jelusale a shabono dude jamö bä li fablaabä bä li, bei yocabä lä cublai jamö. Ba̦limiblamodima fibä ja bä iyabä.