Juan 15:1 - Biblia Yanowamö

¹ Jesús a wa̦ faö co̦oma. —Fayä ficali etäca jamö, camiyä too bei ya toto colo yai. Uba comi bä lalobä, too totobä lä dodijidablaö wei, ö̦jo Fayä bei a.

Juan 15:1 Iomraidhean Croise

Mateo 15:13

Abinaja Jesús a cuu nomöjöoma. —Fayä a lä culadinö fibä döano lä mlai, fibä nia bluca ucäblamou majöo.

Mateo 20:1

Jesúsnö ei tä a̦ ca̦i wäyäö yaclämoma. —Yai Bada tänö cama ebä ca̦i lä cuo wei tä lä cui, abinaja tä ca̦i cuwä. Ficali etäca jamö bä shömabä, bada anö bä dayäaö cuaaö fenaoma.

Mateo 21:33

Nofi bäyäalewä bada bä ma cui nija, judio ai bä bada ma cui nija, abinaja Jesús a cuma. —Ei ya tä a̦ wäyäö lä yacläo wei tä a̦ ca̦i da ji̦liläje. Ai anö uba totobä bluca fa döalalönö, tä ji̦coloblalema. Ö̦jö däjä, uba bä nia wacä lä cadicaö wejei, täca ca̦i tablaö nomöjölayoma. Tä möö cuaabeje, yafi ösöwä a ca̦i tablaö fa nomöjölonö, cama ficali ca jamö shomi täbä bälömaquefälöma, etäca nowamaö juobeje. Ö̦jö däjä, shomi täbä ulifibö jamö a aa nomöjölayoma.

Marcos 12:1

Bluca täbä nija, shominaja Jesúsnö tä a̦ wäyäö yaclämou ja, abinaja a cudaliyoma. —Ai anö uba totobä bluca fa döalalönö, etäca ji̦coloblalema. Ö̦jö däjä, uba bä nia wacä lä cadicaö wejei täca tablaö nomöjölayoma. Tä möö cuaabeje yafi ösöwä a ca̦i tablaö fa nomöjölonö, cama ficali etäca jamö shomi täbä bälömaquefälöma, etäca nowamaö juobeje. Ö̦jö däjä shomi tä ulifi jamö a aa nomöjölayofälöma.

Lucas 13:6

Bä bufi dayäamabä, Jesúsnö ico fi a̦fa wäyäö yacläoma. —Ficali etäca lä cuono wei anö, uba too tobä cuobä jamö ico fi ublamaboma. Ö̦jö fi ja a iyabä, nii bä ma bomano wei ma cui bä cuonomi.

Juan 1:17

Yai Bada tänö tä tamaö lä bufii wei, Moisesi nija tä a̦ ma jöbäqueno wei ma cui, täbä nofi nia yai lä ojodabou wei tä lä cui, Jesucristo nija ö̦jö tä shino yai wawälayoma, tä a̦ yai lä bejedii tä a̦ ca̦i.

Juan 1:9

Jödödöwä täbä bufi nia lä wacacamabou wei tä shi̦i bejedi lä cui, ö̦jö Jesús a li cuoma. Bita jamö a juu waiquiimama, yanowamö täbä nijamö.

Juan 15:2

Ai ya totobä boco lä cui jamö, uba bä laloimi. Ö̦jö totobä boco nia bloque joyamou. Ai ya totobä boco lä cui jamö, uba bä ma faö wei ma cui, totobä fa aublalönö totobä nia boco ola joyaö, uba bä bluca yai fabä.

Juan 6:32

Ö̦jö däjä, abinaja Jesús e cuma. —Cafä wamacö nija ei ya wa̦ lä cui, bejedi lä ya wa̦. Fedu jamö bä nii lä bläläno wei bä ja bä lä iyamano wei a lä cui, Moisesi a cuonomi. Ö̦jö lä Fayä a yai li cuoma, fedu jamö culanö, nii cäcö yai ja wamacö dobäö lä showale a lä cui.

Juan 6:55

Bei ya ya̦ji lä cui, ö̦jö nii cäcö yai malä cui. Bei ya i̦yäbö lä cui, bä amishi yai co̦obä, ö̦jö cäbä.

Romanos 11:17

Judio bä lä cui, jai oliba fi lä döbolajei bä cuwä. Ö̦jö fi bococu cäblamou lä culenaja bä ca̦i taamamoma. Cafä judio wamacö lä mlai, shomi tefi bococu diclämaö lä culajeinaja, Yai Bada tänö wamacö li tablamaö mö fedulayoma, oliba fi nasöcönö wamacö dodijidawä cuobä. Inaja wamacö yädäa tamaquema yalo,

1 Corintios 3:9

Yai Bada a lä cui jai a ficalimou a cuaaö. Cafä wamacö lä cui, jai Yai Bada ficali wama etäca cuwä. Cafä bei wamacö bufi jamö Yai Bada tä lä ojodamole jamö, ei camiyä yafäcö co̦caa. Jai Yai Bada tä yafi wama ecö ca̦i cuwä.

1 Juan 2:8

Ö̦jö ma cui, ei ya tä a̦ lä oniblale, tä a̦ jaba cuo ma balöono wei ma cui, tä a̦ ca̦i dude showawä. Ö̦jö tä a̦ ja, Jesucristo a cadidou. Cafä wamacö ma cui wamacö ca̦i cadidou. Mö didi tä lä cui tä malä mlaaimadi. Bejedi tä shi̦inö wamacö wacacamabou malä nomöjöle.