Juan 14:6 - Biblia Yanowamö

⁶ Abinaja Jesús a cuma. —Camiyä ö̦jö ya yoca waiquiwä. Bejedi tä lä cui, ö̦jö ya ca̦i. Täbä ba̦limi cuobä, ö̦jö ya showawä. Camiyä nija bä juu lä mlai, Fayä nija bä waloo daomi.

Juan 14:6 Iomraidhean Croise

Mateo 11:27

’Jödödöwä täbä nija ya Bada läobä, Fayänö wale tablamalema —a cuu nomöjöoma—. ¿Ö̦jö tawä? Yanowamö täbänö wale daimije. Fayä a lä culadinö, bä Ijilubö ya e lä cui wale shino daö ayawä. Inaja showawä, Fayä a daö ma mlajei ma cui, camiyä bä Ijilubö ya enö ya shino daö ayawä. Fayä ya dablamaö bufi lä doblao wei bä lä cui nija ya fa damalalönö, ö̦jö bä ma cuinö a daö mö feduweje.

Juan 1:14

Awei. Ö̦jö bei tä a̦ jaba cuo lä showaono wei tä a̦ lä cui, ya̦cumö tä a̦ yanowamöblaleyoluma. A fa yanowamöblalunö, ö̦jönö yamalecö ca̦i bälöoma. Yama a doblao dalalema. Bä Ijilubö moli e cuoma yalo, bä Fö̦ö enö a doblamabou dodijioma. Bejedi lä. Täbä jödödöwä nofi showadi ojodaboma. Showadi a bejedimoma.

Juan 1:17

Yai Bada tänö tä tamaö lä bufii wei, Moisesi nija tä a̦ ma jöbäqueno wei ma cui, täbä nofi nia yai lä ojodabou wei tä lä cui, Jesucristo nija ö̦jö tä shino yai wawälayoma, tä a̦ yai lä bejedii tä a̦ ca̦i.

Juan 1:4

Täbä lä ba̦limiblamaö wei, ö̦jö a cuoma. Ö̦jö ba̦limiblamodima tä shi̦i lä cuinö, täbä bufi nia bluca wacacamaboma.

Juan 10:28

Ö̦jö bä lä cui ya bä ba̦limiblamaö. Bä nia ca̦i nomaimi. Camiyä nija ö̦jö bä nia lä jucäaö wei, moli ma cui a ca̦i cuami.

Juan 10:7

Tä a̦ ji̦liaö möblanomi cudeejenö, abinaja Jesús a cuma. —Cafä wamacö nija ei ya wa̦ lä cui, bejedi lä ya wa̦. Oweja bä lä faö wei, camiyä bei ya yoca.

Juan 10:9

Camiyä ö̦jö bei cä ya yoca. Camiyä nija bä lä faö wei, bä nia jucäamou. Bä iyabä, quilii mlai ja bä nia fadii.

Juan 14:19

Tä nö dedeblou mlai ja, yanowamö täbänö wale nia dablaö co̦o ma mlajei ma cui, cafä wamacönö wamale nia shino yai dablaö. Camiyä ba̦limi ya cua waiquia yalo, inaja showawä wamacö nia ba̦limi cuo mö feduo.

Juan 15:1

Jesús a wa̦ faö co̦oma. —Fayä ficali etäca jamö, camiyä too bei ya toto colo yai. Uba comi bä lalobä, too totobä lä dodijidablaö wei, ö̦jo Fayä bei a.

Juan 18:37

—Ö̦jö waiquiwä —Bilado e cuma—. Bada wa wa̦fa jilou malä waiquiofe. —Cafänö wale a̦fa shino bada jilaö lä cufe —Jesús e cuma—. Bejedi ya tä a̦ wawämabä ya oshe tablamolayoma. Inaja ya cuaabä ya bita jamö waloqueyoluma. Bejedi tä a̦ nofi lä yaibou wejei bä blucanö, wale a̦ ji̦liaöje —e cuma.

Juan 5:21

Bä lä nomaö wei, Fayänö bä demi jocädamaö lä co̦o weinaja, inaja showawä, bä Ijilubö ya e cuaaö mö feduo. Ya bä demi jocädamö lä ojode wei, ya bä li jocädamaö.

Juan 6:33

Yai Bada tänö cäcö nii lä jöböaö wei cäcö lä cui, fedu jamö cäcö cuoma cäcö itolayoma. Yanowamö täbä ba̦limi cuobä, ö̦jö cäcö nii yai —Jesús e cuma.

Juan 6:51

Bä ba̦limi cuobä cäcö nii lä cui, ö̦jö bei ya waiquiwä, fedu jamö culanö ya lä itolayono wei ya lä cui. Camiyä ya cö nii lä cui ja bä lä iyaö wei bä lä cui, ba̦limi bä nia cuo. ¿Ö̦jö tawä? Yanowamö täbä ba̦limi cuobä ya cö nii lä jöböaö wei, bei ya ya̦ji nia jöböamou —a cuma.

Juan 6:57

’Fayänö wale shömölema, täbä lä ba̦limiblamaö wei a lä cuinö —a cuma—. Ba̦limi ya cuobä, camanö wale tablalema. Inaja showawä, wale lä waö wejei bä lä cui, camiyänö ba̦limi ya bä nia tablamaö.

Juan 6:68

Simón Pedro abinaja e cuma. —Tä a̦ wäyäle. ¿Wedi jamö a lä cui nija yamacö juu nomöjöobä? Täbä nia lä ba̦limiblou wei, cafänö wa tä a̦ yai li tabou.

Juan 8:32

Yai Bada nija tä a̦ bejedi lä cule, wama tä a̦ bejedi fa dalalönö, ö̦jö tä a̦nö wamacö nia shino jujeblamolayou —a cuma.

Juan 8:51

Cafä wamacö nija ei ya wa̦ lä cui, bejedi lä ya wa̦. Wale a̦ nofi lä cadidibou wejei bä lä cui, bä nomaö mlaicätä —a cuma.

Hechos 3:15

¿Ö̦jö tawä? —a cuma—. Täbä lä demidamaö wei, wama a shäa dicomalema. Wama a ma shämaleno wei ma cui, Yai Bada tänö a demi jocädamaö co̦layoma. Camiyä yamacönö, yama a demi daa co̦lalema.

Hechos 4:12

Ai a nija bämacö nia lä jucäamou wei a cuami. Jödödöwä täbä lä bälöblai täbä ma cui nija, ai a wa̦fa wäyämamou malä mlai, bämacö jucäamobä —Pedronö bä nowa tama.

Hechos 9:2

si oniblamalema, Damaco jamö si oni ca̦i jubä. Ö̦jamö, judio bä yododabä yafi bä jamö, ö̦jö tä a̦ oni ca̦i fa co̦blalunö, bada bä nija tä a̦ nia oni mömaö cuaama. Ö̦jö tä a̦ oni fa möjenö, Jesucristo a wa̦ lä juaö wejei bä cublawä ja, bä jömabeje. Wa̦lo bä ma cui, suwä bä ma cui, Saulonö bä fa dalalönö, bä juwäa fa showadalönö, Jelusale jamö bä nia bococu o̦cama bälaö co̦oma.

Romanos 15:16

¿Ö̦jö tawä? Judio bä lä mlai bä lija, Jesucristo ya etä a̦ dodijidawä wäyäbä wale tablamalema. Yai Bada ya wa̦ dodijidawä wäyälanö, nofi bäyäalewä bänö täbä nowamaö lä cuaaö wejeinaja, ya bä nofi bäyäbou li cuobä. Yai Bada a dobäö lä cuaaö wejeinaja, inaja showawä, judio bä lä mlai bä ja, ya dobäö cuo mö feduobä. ¿Ö̦jö tawä? Cama ebä cuobä, Yai Bada tä Bufinö bä fa yaimacönö, dodijidawä bä nofi nia tabou.

Romanos 5:2

Ö̦jö a lä cuaano wei tä nowa ja, fei däjä Yai Bada tänö showadi bämalecö nofi ojodabou. Cama a doblao lä culenaja bämacö nia cuo mö lä feduo wei tä ja, bämacö bufi mölaö ca̦i cua yalo, bämacö bufi doblalou.

Romanos 5:21

bä bayeliblamou fe yadiobä. ¿Ö̦jö tawä? Wa̦lidiwä tänö täbä bluca jaba nomablou lä cuaano weinaja, inaja showawä täbä nofi lä ojodabou wei tänö, bä nia yai ba̦limi bluca cuo nomöjöoma. Bada tä Jesucristo a yai lä cuaano wei tänö, jai bä cadejewä waiquiwä, Yai Bada tänö bä nofi nia tabou fe yadioma.

1 Corintios 15:45

Abenaja tä a̦ oni cuu. Yanowamö a jaba cuo lä balöono wei, Adana a lä cui, a demi cublaliyoma. Einaja tä a̦ cuu. Yanowamö a cuo lä nodiono wei, Cristo a lä cui, täbä demi tamabou shi wa̦liobä bei a cublaliyoma.

Efesios 2:18

Cafä wamacö ma cui, camiyä yamacö ma cui, Cristo a lä cuaano wei tänö, bä Fö̦ö e lija bämalecö bluca ajedamaö dao malä cui. Ö̦jö cama a Bufi showawänö bämacö ajedou.

Colosenses 2:17

Moisesinö ö̦jö tä a̦ jaba ma wäyäno wei ma cui, ö̦jö tä a̦ cuo balöblaobä tä a̦ li cuoma, tä nia yai lä cuono wei bäma tä nö e̦le dablabä. Fei däjä Cristo a yai wawäblaliyoma yalo, tä a̦ jaba lä läono wei tä a̦ nia bufiblamou co̦omi.

Colosenses 2:9

Bä möla dijä. Cristo a ma yanowamöblaleyoluno wei ma cui, Yai Bada a cuwä lä dodijiinaja a cuwä mö feduwä showaoma.

Colosenses 3:4

Cristo a bädodayou däjä, inaja showawä cafä wamacö nia ca̦i bädou cuo. Ba̦limi bämalecö yai lä tablamaö wei, ö̦jö a. Cama a doblao lä culenaja, wamacö ca̦i nia doblao cuo mö feduo.

Hebreos 7:25

Ö̦jö cudeenö, Jesús a lä cuaano wei tänö, Yai Bada lija bä lä ajedou wei bä lä cui bä nia nowamaö. Bä nowamabä ö̦jö Jesús a waiquiwä. Showadi bä bayelimaö bufibä a ba̦limi cua malä waiquiladi.

Hebreos 9:8

Inaja bä lä cuaaö wei tänö, Yai Bada tä Bufinö bämalecö bufi shi̦lo yai jaducäblamaö. Yai Bada a wa̦ jaba lä wäono wei tä a̦ ca̦i läo showaoje däjä, Yai Bada lija täbä ajedobä etä cuami. ¿Ö̦jö tawä? Yai Bada etä yano i̦tabou showaoje däjä, e yano yai nowamaö lä dodijio wejei jamö bä lucäö dao malä mlai.

1 Pedro 1:21

A fa wawäblalunö, cama nija wamacö bufi cuquema. Wamacö bufi fa cuicunö, Yai Bada wama a bufibou, a demi jocädamaö lä co̦layono wei a lä cui. Ö̦jönö a doblamaquedayoma. ¿Ö̦jö tawä? Yai Bada wama a nofi mölabobä inaja a taamama, showadi wama a bufiblabä. Wamacö bayelibou fe balojowä cudeenö, cafä dodijidawä wama ecö yai cuobä wamacö.

1 Pedro 2:4

Jesucristo nija bä da ajedeiquiyo. Ö̦jö nija wamacö ajedou däjä, maa ma lä ba̦limi wei ma wa̦fa lä jilabou wejei a nija wamacö yai ajedeblaliyo. Ö̦jö ma lä cui, ma yai demi. Täbä ca̦i demiblamaö. ¿Ö̦jö tawä? Yai Bada tänö ma yailema. Ma wa̦fa nowa bluca taö. Ö̦jö ma cui, yanowamö täbänö ma li wailemaje.

1 Pedro 3:18

Cristo a ma cui, nowa mlai ja a nö malä bleaamano wejei. Camiyä bämacö doblou lä mlai tä nowa ja, ö̦jö cä lä a moli shämoa malä showadalayono wei. A yai lä cadidou wei a lä cui, a shämoa lälayoma, bämacö cadidou lä mlai, Yai Bada nija bämalecö lulubobä. Bei a yai nomaa cadidilayoma ma cui, Yai Bada bei a Bufinö a demi jocädamaö co̦layoma.

1 Juan 1:8

“Iba tä cuami”, bämacö cuu ja, camiyä bämacö mölamamou bädaquei. Bejedi tä a̦ lä cui bäma tä a̦ taboimi.

1 Juan 2:23

Yai Bada bei Ijilubö e lä waii wejei bä lä cuinö, bä Fö̦ö e ma cui e taboimije. “Ö̦jö lä a waiquiwä”, Jesús a nofi tabolajenö, a nofi lä mölabou wejei bä lä cuinö, Jesús, bä Fö̦ö sho cäcöbä tabou bolacaaje.

1 Juan 5:20

Yai Bada a lä cui, ö̦jö a shino yai bejedimou. Ö̦jö bäma a dabä, bei Ijilubö e fa itoliyonö bämalecö bufi jaducumabou lä cule. Bä Ijilubö Jesucristo nija bämacö cua lä cule, a yai lä bejedi wei a lä cui nija. A bufiblamobä ö̦jö a shino yai bejedi cua ayaa. Ba̦limi bämacö cuobä, ö̦jö a waiquiwä.

1 Juan 5:6

Yai Bada bei Ijilubö a Jesucristo lä cui, yanowamö täbä nijamö a waloqueyoluma. Mau u jamö a fe ojoblamolayoma. A befi ca̦i lä i̦taono wei jamö a i̦yä nö ca̦i beblaloma. ¿Ö̦jö tawä? Mau unö a fe lä ojoblamono wei tä bädawänö mlai, bei i̦yäbö lä falayono wei tä ma cuinö a nö ca̦i ö̦jöböamou waiquiwä.

2 Juan 1:9

Jesucristonö tä a̦ lä wäyäno wei tä a̦ jamö, shomi tä a̦ coyocobou lä dicoo wejei bänö Yai Bada tä taboimije. Jesucristonö tä a̦ yai lä wäyäno wei tä a̦ jamö bä lä cadidou wei bä lä cuinö, bä Fö̦ö e ma cui, bä Ijilubö e ma cui, ö̦jö lä cäcöbö tabou bolacaaje.

Apocalipsis 1:5

Jesucristonö wamacö nofi ca̦i ojodabobä, wamacö bufi ca̦i yanöcömabobä, Yai Bada a wa̦fa wäyäö lä cadidou wei a lä cuinö. A jaba demi jocädou lä co̦layono wei a showawä lä cuinö. Bita jamö bä bada lä cublai, ö̦jönö bä bluca nosiemaö. Ö̦jö Jesucristo a lä cuinö bämalecö nofimaö fe balojowä. Bämacö doblou lä mlai tä blucanö bämacö ma ja̦ono wei ma cui, ö̦jö a fa shämolunö, i̦yäbö fa falönö, bämalecö jujeblamalema.

Apocalipsis 19:11

Ö̦jö däjä ya mamo showao däjä, fedu jamö judu mösö caloblaliyoma. ¿Ö̦jö tawä? Mösö fa caloblalunö, cabayo au ya dalalema. Ö̦ja a lä döcäono wei a lä cui, Tä a̦fa bejedi wäyäö lä shalilio wei, bei a wa̦fa cua. Täbä dobloimi jömaö ja a wa̦ cadidou showadao. A bejedimolanö a ishou.

Apocalipsis 20:15

Ba̦limi bä nia lä cudio wei bä a̦fa lä onibole si ja, bä a̦fa oni cua lä mlai bä lä cui, cowa wacö ca jamö bä ca̦i bluca quemabalema.

Apocalipsis 22:1

Ö̦jö däjä a̦jele a lä cuinö, camiyä nija ba̦limiblamamodima u damalalema. U mömou walalawä dodijidaoma. Yai Bada tä döcäobä etäcö cotä jamö culanö u fa falönö u caläma, Oweja a wa̦fa ocalo lä jilamou wei a ca̦i lä döcäo wei jamö.

Apocalipsis 22:17

Yai Bada tä Bufi a̦ faö. Oweja a wa̦fa ocalo lä jilamou wei bä suwäbö e a̦ ca̦i faö. Abinaja cäcöbö cuu. —¡Bä da jabo! —cäcöbö cuu. Ei wama tä a̦ lä ji̦lile wamacö ma cui, wamacö a̦ ca̦i fabä. —¡Bä da jabo! —wamacö cubä. Bä lä amishaö wei bä lä cui bä juimabä, ö̦jö lä. Bä lä bufio wei bä lä cuinö, no mlai ja ba̦limiblamodima u coayolubeje.

Apocalipsis 3:14

Ya tä lä möno wei, abinaja a cuu nomöjöoma. —Laodisea jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Yai Bada nija bä nacou ja, “Inaja lä tä cuobä”, bä ola lä cudou wei tä a̦ bejedi cublobä, camiyä ö̦jö lä ya. Ya tä a̦fa bejedi wäyäö lä shalilio wei, ö̦jö lä ya showawä. Yai Bada tänö täbä bluca lä tablaleno wei däjä, camiyä ya lä cuinö täbä bluca tablamolayoma. Ö̦jö ya lä cui wale wa̦no nia oniblaö.

Apocalipsis 3:7

Ya tä lä möno wei, abinaja a cuu nomöjöoma. —Filadefia jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Camiyä yami ya lä yaile ya. Ya lä bejedimou wei ya. Bada tä David a lojode jömaö ayaobä tä caloblamodima lä cui, camiyänö ya tä tabou nomöjöa lä cule. Camiyänö ya yoca calobou waiquia ja, yoca nia laaimije. Ya yoca labou ja, yoca nia ca̦i caloblaimije. Ö̦jö ya lä cui, wale wa̦no nia oniblaö.