Juan 14:3 - Biblia Yanowamö

³ Cafä wamacö bälöobä, ya tä dodijidablaö fa balölonö, bämacö nabä nia juimaö. Camiyä ya cuobä jamö wamacö cuo mö feduobä, bämacö nia co̦ablaö.

Juan 14:3 Iomraidhean Croise

Juan 12:26

Wale a̦ juaö lä ojodao wejei bä lä cui, camiyä nija bä nocaobä ö̦jö bä li. Camiyä ya cuobä jamö, ö̦jö bä nia shino cuo. Wale a̦ juaö lä ojodao wejei bä lä cui, Fayänö bä nofi nia dodijidawä tamabou —a cuma.

Juan 14:28

Ya nia lä co̦o wei, ya nia obi ca̦i juu lä co̦o wei, cafä wamacö nija ya wa̦fa wäyämou waiquia. Wamale yai nofimaö fa cunoja, Fayä nija ya nia lä co̦o wei tä ja, wamacö bufi nö yai doblalobö wei. Ö̦jö a shino yai Bada malä cui.

Juan 14:4

Ya nia lä juu wei jamö, wama yo daö waiquia —a cuma.

Juan 17:24

’Fabe —a cuma—. Camiyä ya cuobä jamö, iba wa bä lä jöböbeno wei bä ca̦i cuo mö feduobä ya nacou, wale doblao dabladayobeje. Cafänö wale nofimama yalo, ei bita a colo cua showaa mlai ja, wale doblamabou lä showaono wei, wale dablabeje.

Hechos 1:11

Abinaja bä nowa taböma. —Calilea tä ulifi jamö wamacö lä bälöle, ¿wedi tä tabä, bei wamacö mö li nonodia cule? Ö̦jö Jesús a lä cui, fedu jamö a lä ösölöfe, wamacö lä dacöfe a lä cui, a nia itou co̦oyoluu. Cafä wamacö mamo showao däjä, fedu jamö a ösöa lä culufenaja, inaja a nia cublou co̦o.

Romanos 8:17

Bä ijilubö bäma ecö waiquiwä ja lä, bämalecö befi lä taboladi täbä ja bämacö nia dobämodayou, Cristo a nia lä dobämou weinaja showawä. Cristo a nö bleaamaö lä cuaano wejeinaja bämacö nö bleaamaö mö feduoje ja, ö̦jö sho bämalecö nia bluca doblamabodayou.

Filipenses 1:23

Ya tä yaiabä ya tä daimi. Eja ya fa nomalönö, ¿Cristo lija ya yai cuodayobä daanö? Ö̦jö tä shi̦lo yai dodijidawä.

2 Tesalonicenses 1:12

Inaja wamacö dodijidawä fa cuonö, bluca täbä lija cama Bada tä Jesucristo a nofi doblao doablamobä. Cama wama ecö yalo, inaja showawä, Yai Bada lija cafä wamacö nofi ca̦i doablamou mö feduobä. Yai Bada bäma a lä bufiblaö wei a lä cuinö, Bada tä Jesucristo a ca̦i lä cuinö, täbä nofi shi̦lo malä ojodaboböö wei.

2 Timoteo 2:12

Bämacö nö wa̦lojaö fe yadio ja, ö̦jö lä showawänö bämalecö nia ca̦i bada läo. Bäma a nofi mojodubou dicoo ja, camiyä bämacö ma cui, bämalecö nofi nia mojodubou mö feduo.

Hebreos 9:28

Inaja showawä, täbä bluca doblou lä mlai etä nowa mladamabä, Cristo moli a dodomoa waiquiquema yalo, a nia bädou co̦o. A nia fuu lä co̦o wei däjä, wa̦lidiwä tä nowa mladamaö co̦obä a nia fuimi. Ma, bufi doblalolanö a nö lä dabou wejei bä lä cui, ö̦jö bä nabä nia li fuu, bä fucäabä.

Apocalipsis 3:21

Bä nö wa̦lojaö lä ayao wei bä lä cui, bada ya bä nia tablamaö. Camiyä ya lä döcäo wei täcö ja bä nia döcäo ajedeblou. Camiyä ya nö ca̦i wa̦lojaö fa ayaonö, Fayä a lä döcäo wei etäcö ajede jamö wale döcämabou lä culenaja showawä.