Juan 14:21 - Biblia Yanowamö

²¹ ’¿Ö̦jö tawä? Ya tä tamaö lä bufii wei tä nofi lä cadidibou wejei bä lä cuinö, ö̦jö bä lä cuinö wale yai nofimaöje. Wale lä nofimaö wejei bä lä cui, Fayänö bä nia nofimaö mö feduo. Camiyä ya ma cuinö ya bä nia ca̦i nofimaö. Ö̦jö bä nija ya nia dablamou —a cuma.

Juan 14:21 Iomraidhean Croise

Juan 14:15

Jesús a wa̦ faö co̦oma. —Wamale nofimaö ja, ya tä tamaö lä bufii wei wama tä nofi nia cadidibou.

1 Juan 5:3

Yai Bada bäma a nofimaö ja, tä tamaö lä bufii wei bäma tä a̦ nofi nia cadidibou. Bämacö bufi nö modawä bleaaö mlai ja, bämacö nia cadidou.

1 Juan 2:5

Ö̦jö ma cui, bäma a wa̦ nofi cadidibou ja, Yai Bada bäma a shino yai nofimaö fe balojoo. Bäma a wa̦ nofi lä cadidibou wei tänö, bämacö bejedimou nö ö̦jöböamou.

2 Juan 1:6

Yai Bada tänö tä tamaö lä bufii wei bäma tä taö ja, bäma a yai nofimaö. Showadi wamacö nofimayobä, Jesús wama a jaba bufiblaö däjä wamacö nowa lä tano wejeinaja showawä.

Juan 16:27

Cama Fayä a showawä lä cuinö wamacö malä nofimaö wei. Camiyä wamale nofimaö yalo, Fayänö wamacö nofimaö. Fayä nijamö ya cuoma ya lä waloqueyoluno wei wama tä a̦ bejedi bufii yalo, wamacö nofimaö.

Lucas 11:28

Ö̦jö ma cui, abinaja Jesús a cuma. —Ma. Yai Bada etä a̦ fa ji̦liajenö, tä a̦ nofi lä jaducubou wejei, ö̦jö bä bufi shino yai doblalobä bä li —a cuma.

Juan 15:14

Ya tä taamaö lä bufii wei wama tä taö ja, iba nofi lä wamacö.

Apocalipsis 3:20

¿Ö̦jö tawä? Bei yoca lä jolele jamö ya nö dadia lä cule. Wale famabeje ya tä ca̦i cloocaö. Wale a̦ fa ji̦lilänö, ai tänö yoca caloblaö ja ya nia faö. Ö̦jö sho yafäcö nia iyalayou.

Apocalipsis 22:14

Bä camishibö lä yaluu wejei bä lä cui, bä aublou cudeenö bä bufi nia yai doblalou. Inaja bä cuaaö yalo, Jelusale a shabono dude jamö bä li fablaabä bä li, bei yocabä lä cublai jamö. Ba̦limiblamodima fibä ja bä iyabä.

2 Corintios 4:6

Tä mö didiobä jamö, cama a wa̦nö tä jaba lä wacacadamaleno wei a lä cuinö, ö̦jö a showawänö, yamalecö bufi malä wacacamabole. Cristonö Yai Bada tä doblao lä damalaleno weinaja, inaja showawä yama tä dablamaö cuo mö feduobä. ¿Ö̦jö tawä? Tä mö ma dödöono wei ma cui, abenaja a jaba cuu malä balöono wei. Bei. Tä da wacacablalu. Einaja a cuma.

Apocalipsis 2:17

’Bä yömöcacö lä walalai bä yömöca dao dodijiobä —a cuma—. Yai Bada tä Bufinö iba bä lä yododoblai bä nowa lä taö wei tä a̦ ji̦liabeje. Bä nö wa̦lojaö lä ayao wei bä lä cui, ya bä nia iyamaö, nii manaa bä lä jo̦yale bä ja. Maa au ya mabä nia ca̦i oni jöbäö. Dude a wa̦fa ca̦i lä onile, ya mabä nia jöbäö, a wa̦fa daö lä mlajei. Mabä lä däaö wejei bä lä cuinö a wa̦fa nia shino daöje.

Juan 17:23

Cama bä nija ya culanö, camiyä nija cafä wa ca̦i cuobä. Ö̦jö däjä, cama bä ma cui, moli dodijiwä bä ca̦i cuo mö feduo showaobä. Yanowamö täbä bufi jaducublobä. Cafänö eja camiyä wale lä shömöleno wei wale dabeje. Cafänö camiyä wale lä nofimalenaja, iba wa bä nofimaö mö lä feduo wei tä lä cui, ö̦jö tä ca̦i dabeje.

1 Juan 3:1

Bämacö lä Fö̦ömou wei a lä cuinö, ¡bejedi lä bämalecö nofimaö! Bämalecö nofimaö dodijia ja lä, Yai Bada bei ijilubö bäma ecö a̦fa jilamobä bämalecö tablamalema. Ö̦jö bäma ecö waiquiwä malä cui. Yanowamö täbänö Yai Bada tä daö fa mlacujenö, camiyä bämalecö nö ca̦i ö̦jöböboimi mö feduweje.

2 Tesalonicenses 2:16

Bei. Bada tä Jesucristo lä cui, cama lija showadi wamacö bayeliblamobä, Fayä Yai Bada lija ca̦i, bämalecö nofimaö fe lä balojoo wei a lija. Bämalecö nofi fa ojodadalönö, bämalecö bufi nia lofotomabou shi wa̦lii. Bäma a nofi mölabobä, bämalecö bufi taamaö.

Juan 16:14

Bayeliawä a lä cuinö, camiyä wale nia doblao dablamaö. Camiyä wale a̦ fa ji̦lilänö, cafä wamacö nija tä a̦ nia malä wawämaö wei.

Juan 14:18

’Bämacö ma daquei wei ma cui, bämacö nö nia beblalamaimi —a cuma—. Bämacö nabä nia juu co̦imaö.

2 Timoteo 4:22

Bei, U̦asi. Bada tänö showadi wa bufi bayelibobä. Wamacö nofi bluca ojodabobä.

2 Corintios 3:18

¿Ö̦jö tawä? Bämacö quilii mlai ja, Bada tä lä doblale jamö bämacö mö yaidalou ja, cama a lä culenaja bämacö yanöcö nia cublou mö feduo. Bada tä Bufinö, inaja lä showadi bämalecö taamaö malä cui, Cristo a lä culenaja bämacö cublou mö feduobä.

Hechos 22:18

Wawädowä ya tä fa dalalönö, abinaja wale nowa tama. “Lobe wa fa shu̦luculonö, shomi jamö a da alufälö. Eja, Jelusale jamö wale a̦fa lä wäyäö wei tä a̦ bejedi nia bufiimije”, wale nowa tama.

2 Corintios 12:8

Tä casömabä, Bada tä lija 3 ya nö bayeli nacao cuoma ma cui,

Éxodo 33:18

Jeobaa nija abinaja Moisesi a cuma. —Cafänö tä shi̦i ca̦i da wawälö, ¿ö̦jö tawä? Camiyä nija a da mömo —a cuma.

Proverbios 8:17

’Camiyä Bufi Jaducäwä ya lä cuinö, wale lä nofimaö wejei ya bä nofimaö mö feduo. Wale lä dayäadii wejei bä lija ya nia dablamou.