Juan 14:2 - Biblia Yanowamö

² Fayä e yafi jamö, täbä nia lä bälöo wei bä yano bluca. Inaja tä cuo mlao fa cunoja, ya tä a̦ nö wäyäbö mlai. Ö̦jamö lä wamacö bälödiobä, bämacö yanobö nia dodijidabladayou.

Juan 14:2 Iomraidhean Croise

Lucas 14:22

’Ö̦jö däjä, bada a nosie juamobä e lä cui, a waloa fa co̦icunö, abinaja e cuma. “Bada tä. Wale nowa lä tano weinaja ya cuaaö bäa ma cule, bä oimi showawä”, a cuma.

Juan 13:33

’Ijiluyä wamacö —a cuu co̦oma—. Cafä wamacö nija lobe ya cublaa lä cule. Wamale nia dayäö. Judio bä nija ya lä cuno weinaja, cafä wamacö ma cui, bämacö nowa taö co̦a lä cule. Ya nia lä cuo wei jamö, wamacö juu daomi.

Juan 13:36

Abinaja Simón Pedro e cuma. —Bada tä. ¿Wedi jamö wa nia yai juu? Jesús abinaja a cuma. —Ya nia lä juu wei jamö, fei däjä wa yauo daomi. Ö̦jö ma cui, obi wa nia shino juu nomöjöo —e cuma.

Juan 14:28

Ya nia lä co̦o wei, ya nia obi ca̦i juu lä co̦o wei, cafä wamacö nija ya wa̦fa wäyämou waiquia. Wamale yai nofimaö fa cunoja, Fayä nija ya nia lä co̦o wei tä ja, wamacö bufi nö yai doblalobö wei. Ö̦jö a shino yai Bada malä cui.

Juan 16:4

’Bämacö yömölaö balöa lä cule. Inaja cama bä yai cuaaö däjä, ya bä a̦fa lä wäyäfe wama tä a̦ nofi jaducubobä. Jaba däjä inaja bämacö nowa taö showadaonomi. Bämacö ca̦i nia cudioma yalo, ya wa̦ faö jaöonomi. Fei däjä, wawädowä bämacö nowa taö lä cule.

Juan 17:24

’Fabe —a cuma—. Camiyä ya cuobä jamö, iba wa bä lä jöböbeno wei bä ca̦i cuo mö feduobä ya nacou, wale doblao dabladayobeje. Cafänö wale nofimama yalo, ei bita a colo cua showaa mlai ja, wale doblamabou lä showaono wei, wale dablabeje.

Hechos 9:16

Wale a̦fa wäyäö tä nowa ja, a nö nia lä bleaamaö wejei tä ja, camiyänö ya nia yömölaö —Jesús a cuma.

2 Corintios 5:1

Yanowamö bei bämacö lä cui, jai bei bämacö yafibö cuwä, bämacö bufi lä didile. ¿Ö̦jö tawä? Bämacö yafibö wa̦lioblou bädao ja, ai bämacö yafibö cua mö feduadayoa, Yai Bada tänö bämalecö yafibö lä taboladi. Ö̦jö lä bä yafi lä cui, yanowamö täbänö bä lä tablaö wejei mlai, ba̦limi bä yafi cuadayoa.

1 Tesalonicenses 5:9

Yai Bada tänö bämalecö nabä queobä bämalecö yaiano malä mlai. Bämalecö yai fucäabä bämalecö yailema. Bada tä Jesucristo lija bämacö fa yädäicunö, bämacö fucäamobä.

Tito 1:2

Bä nia lä ba̦limio wei tä ja bä nö daobä, ya bä yömölaö. Yedu ja, bämalecö nia lä ba̦limiblamaö wei, Yai Bada tänö tä a̦fa wäaö balöoma. A jolemoimi.

Hebreos 11:10

Ablaamö a lä cuinö, Yai Bada tänö a shabono lä tablaladi a malä bufibono wei, a colo lä lofotoboladi a lä cui.

Hebreos 13:14

Eja bämacö nia lä cudalou wei bämacö shabonobö cua malä mlai. Ma, tä shabono nia obi lä wawäblou wei, ö̦jö bäma tä nö shabono yai dabou.

Hebreos 6:20

Nofi bäyäalewä a Bada cuo shi wa̦libä Jesús a fa cublalunö, ö̦jamö lä a fua waiquia balölayoma. Mequisedeco a lä cuinö täbä nofi bäyäbou cuo lä balöono weinaja, bämalecö nofi bäyäbou cuo nomöjöodayobä.

Hebreos 9:8

Inaja bä lä cuaaö wei tänö, Yai Bada tä Bufinö bämalecö bufi shi̦lo yai jaducäblamaö. Yai Bada a wa̦ jaba lä wäono wei tä a̦ ca̦i läo showaoje däjä, Yai Bada lija täbä ajedobä etä cuami. ¿Ö̦jö tawä? Yai Bada etä yano i̦tabou showaoje däjä, e yano yai nowamaö lä dodijio wejei jamö bä lucäö dao malä mlai.

Apocalipsis 1:5

Jesucristonö wamacö nofi ca̦i ojodabobä, wamacö bufi ca̦i yanöcömabobä, Yai Bada a wa̦fa wäyäö lä cadidou wei a lä cuinö. A jaba demi jocädou lä co̦layono wei a showawä lä cuinö. Bita jamö bä bada lä cublai, ö̦jönö bä bluca nosiemaö. Ö̦jö Jesucristo a lä cuinö bämalecö nofimaö fe balojowä. Bämacö doblou lä mlai tä blucanö bämacö ma ja̦ono wei ma cui, ö̦jö a fa shämolunö, i̦yäbö fa falönö, bämalecö jujeblamalema.

Apocalipsis 21:2

Jelusale dude ya tä shabono ca̦i itou dalalema, Yai Bada etä shabono lä yaile a lä cui. Yai Bada tä lä cule jamö a cuoma a itolayoma. Bä fe̦yalobö nija a moco cuobä a baushiblaö lä cuaaö wejeinaja a shabono baushi fa tablamolunö, inaja a cuoma.

Apocalipsis 3:12

Bä nö wa̦lojaö lä ayao wei bä lä cui, ya bä nia bada tablamaö, Yai Bada ebä nijamö bä läobä. Yai Bada ya wa̦ lä juaö wei etä yafi jamö, jai codobö ya bä bada nia tamabou. Ö̦jamö bä nia cudio shi wa̦lii. Cama ebä yalo, ö̦jö bä nijamö, Yai Bada ya wa̦ lä juaö wei ya wa̦fa nia oniblaö. Yai Bada etä shabono lä cule, ö̦jö etä a̦fa ca̦i. Fedu jamö, Yai Bada ya wa̦ lä juaö wei a lä cule jamö culanö, etä nia shabono itou. Jelusale dude tä shabono lä cui. Camiyä dude ya wa̦fa nia ca̦i oniamou, ö̦jö bä nijamö.

Apocalipsis 3:21

Bä nö wa̦lojaö lä ayao wei bä lä cui, bada ya bä nia tablamaö. Camiyä ya lä döcäo wei täcö ja bä nia döcäo ajedeblou. Camiyä ya nö ca̦i wa̦lojaö fa ayaonö, Fayä a lä döcäo wei etäcö ajede jamö wale döcämabou lä culenaja showawä.