Juan 14:16 - Biblia Yanowamö

¹⁶ Fayä nija cafä bämacö nö bayeli fa nacalänö, cafä wamacö nija Bayeliawä ai a nia shömaö. Ö̦jönö wamacö ca̦i nia cuo shi wa̦lii.

Juan 14:16 Iomraidhean Croise

Mateo 28:20

Cafä wamacö nija ya tä tamaö lä bufino weinaja bä cuaaö mö feduo showaobä, bä damaö da cuaaje. ¿Ö̦jö tawä? Yai Bada tänö täbä jödödöwä waicaö showao mlao däjä, showadi bämacö ca̦i nia cudio —bä nowa tama.

Juan 14:14

¿Ö̦jö tawä? Camiyä ya wa̦nö, wamacö nö bayeli nacao lä bädao wei tä ma cui ja, ya tä nia taö —Jesús e cuma.

Juan 14:18

’Bämacö ma daquei wei ma cui, bämacö nö nia beblalamaimi —a cuma—. Bämacö nabä nia juu co̦imaö.

Juan 14:26

Ö̦jö ma cui camiyä ya wa̦nö, Fayänö Bayeliawä a nia shömaö, cama a Bufi showawä lä cui. Ö̦jö a lä cuinö, bluca tä lä cule tä ja wamacö nia yömölabodii juo. Cafä wamacö nija ya tä a̦ bluca lä wäyäno wei tä a̦ ja, wamacö bufi nia jaducuamaö juo.

Juan 15:26

¿Ö̦jö tawä? Ö̦jö ma cui, Fayä nijamö Bayeliawä a lä culadi, cafä wamacö nija ya nia shömadayou, tä a̦ bejedi lä wäyäö wei a lä cui. Fayä nija a culanö eja a waloo däjä, wale a̦fa nia wäyäö.

Juan 16:22

Inaja showawä, fei däjä wamacö bufi nia ma cublou wei ma cui, bämacö wäyäcu möyou co̦a yalo, wamacö bufi nia shino doblalou co̦o. Ö̦jö lä däjä, wamacö taamaö ma bälajei ma cui, wamacö bufi nia doblalou fe yadio.

Juan 17:15

’Bita jamö iba bä lä cublai wa bä co̦aö showadaobä ya nacoimi —a cuma—. Ma. Fecula bada a yai lä wa̦lidii a lä cui nija wa bä noshi yai umabobä ya wa̦.

Juan 17:20

’Fei iba bä waiquiwä lä cui, ya bä nö bayeli nacaö ayaomi —a cuma—. Cama bä a̦nö wale a̦ nia bejedi lä bufiaö wejei, ö̦jö ya bä nö ca̦i bayeli nacaö.

Juan 4:14

camiyänö ya u lä jöbäaö wei u co̦aöje ja, bä amishaö co̦daaö mlaicätä. Ubä fe lä jojoblai jamö ubä fadii shi wa̦lii lä cuaaö weinaja, ba̦limiblamodima ya u nia lä jöbäaö wei, inaja u fa cuaadinö, ba̦limi bä nia cuo shi wa̦lii —a nowa tama.

Juan 7:39

¿Ö̦jö tawä? Cama a wa̦ bejedi lä bufii wejei bä lä cui nija, Yai Bada tä Bufi nia lä jöböamou wei tä a̦fa yai tama. Fedu jamö a doblaodayobä a ösönomi showao yalo, a Bufi jöböamou showaono malä mlai.

Hechos 1:4

¿Ö̦jö tawä? Jesúsnö bä ca̦i cuo showao däjä, bä juu wasöma. —Äyämö, Jelusale jamö bä da yanöcöicu —a cuma—. Fayänö tä a̦fa wäyäö lä balöono wei tä ja, bä nö da daicu, cafä wamacö nija ya tä a̦fa da wäyäblei tä lä cui.

Hechos 13:52

Ö̦jö ma cui, Adioquia jamö Jesucristo nija bä nocao bufi lä doblaono wei bä lä cui, bä bufi yai doblaloma. Yai Bada tä Bufinö bä fa jödödöblalönö, ö̦jö nija bä luluamou bufi doblaoma.

Hechos 9:31

Ö̦jö däjä, Judea jamö ma cui, Calilea jamö ma cui, Samalia jamö ma cui, Jesucristo ebä bluca lä yododoblai bä yanöcöblou jälayoma. Bä nö bleaamaö co̦daaö jaöonomije. Bä bufi lojodoblaliyoma. Bada tä nija bä fa quilinö, bä bejedimoma. Yai Bada tä Bufinö bä bayeliboma. Inaja bä dodijidawä fa cuaanö, bä blucablaliyoma.

Romanos 14:17

Yai Bada tänö bämalecö dodijidawä ca̦i cuobä, nii bä a̦fa jayumamobä tämi. Toubä lä coaö wejei toubä ca̦i mlai. Ö̦jö täbä nowa cua malä mlai. Bämacö nia lä bejedimou wei, ö̦jö tä nowa shi̦lo yai bluca. Bämacö bufi nia ca̦i lä yanöcöo wei tä ca̦i. Yai Bada tä Bufinö bämacö bufi nia ca̦i lä doblalou wei tä ca̦i. Ö̦jö tä nowa shi̦lo yai bluca.

Romanos 15:13

Bämacö mölaö showaobä, showadi Yai Bada tänö bämalecö bufi yai bayelibou. Ö̦jö lija cafä bämacö nö bayeli nacaö. Wama a nofi mölabolanö, wamacö bufi shi̦lo yai doblalobä ya wa̦ faö, wamacö bufi shi̦lo ca̦i yanöcöobä. Yai Bada tä Bufi lofotenö, showadi wamacö shi̦lo yai mölaö fe yadio showaobä.

Romanos 5:5

Bämacö mölaö lä showale tä ja, bämalecö nia mölamaimi. Yai Bada tänö bämalecö malä nofimaö wei. Camiyä bämacö lija a Bufi lä jibämobeno wei tänö bäma a nofimou daö.

Romanos 8:34

Bämacö doblou lä mlaono wei tä nowa ja, ¿wedinö bämalecö nö nia li bleaamaö? Jesucristo a shämou malä läono wei. A demi jocädou co̦oma. Yai Bada jayu boco mashi jamö, a loadayoa. Bämalecö nofi bäyäbou culadi.

Gálatas 5:22

Ö̦jö ma cui, Yai Bada tä Bufi ja bä lä luluamou wei bä lä cui, abenaja bä cuaaö. Bä bufi nofio. Bä bufi ca̦i doblalou. Yanöcöwä bä bufi ca̦i cuo. Bä shi jalimoimi. Täbä ca̦i bayeliblaö bufi doblaoje. Dodijidawä bä ca̦i cuoje. Bä ca̦i li cadidou.

Filipenses 2:1

¿Ö̦jö tawä? Jesucristonö bämalecö bufi lofotomabou, bämalecö ca̦i nofimaö. Ö̦jö bäma a Bufi malä tabou wei. Ö̦jönö bämalecö bufi ca̦i malä bayelibou wei. Bämalecö nofi ca̦i malä ojodabou wei. Inaja bämalecö taamaö ja lä,

2 Tesalonicenses 2:16

Bei. Bada tä Jesucristo lä cui, cama lija showadi wamacö bayeliblamobä, Fayä Yai Bada lija ca̦i, bämalecö nofimaö fe lä balojoo wei a lija. Bämalecö nofi fa ojodadalönö, bämalecö bufi nia lofotomabou shi wa̦lii. Bäma a nofi mölabobä, bämalecö bufi taamaö.

Hebreos 7:25

Ö̦jö cudeenö, Jesús a lä cuaano wei tänö, Yai Bada lija bä lä ajedou wei bä lä cui bä nia nowamaö. Bä nowamabä ö̦jö Jesús a waiquiwä. Showadi bä bayelimaö bufibä a ba̦limi cua malä waiquiladi.

1 Juan 2:1

Ijilu bä. Wa̦lidiwä wama tä taö mlaobä, ei ya tä a̦ oniblaö lä cule. Ö̦jö ma cui, wa̦lidiwä bäma tä taö bädao ja, bämalecö nofi nia lä bäyäbou wei a cuadayoa. Bä Fö̦ö e nijamö Jesucristo a cuadayoa, a shino lä cadidou wei a lä cui.

1 Juan 2:27

¿Ö̦jö tawä? Jesucristo a wa̦nö, cafä wamacö nija Yai Bada a Bufi yanöcöa waiquia. Shomi täbä nija wamacö damamobä wamacömi. Wamacö nia lä damaö wei, ö̦jö lä a waiquiwä. Cafä wamacö nija a Bufi lä yanöcöle a lä cuinö, jödödöwä tä ja wamacö damaö. A jolemoimi. Tä a̦ lä wawämaö wei tä a̦ bejedi. Ö̦jö cudeenö, Jesucristo nija bä yanöcöwä da cuicu, Yai Bada tä Bufinö wamacö taamaö lä bufii weinaja showawä.

2 Juan 1:2

Camiyä bämacö nija, bejedi tä a̦ yanöcöwä cudia yalo, bämacö nofimayou. Ö̦jö bäma tä a̦ tabou shi wa̦lii waiquia.