Juan 14:12 - Biblia Yanowamö

¹² ’Cafä wamacö nija ei ya wa̦ lä cui, bejedi lä ya wa̦ —a cuu co̦oma—. Wale a̦ bejedi lä bufii wejei bä lä cuinö, Yai Bada ya mayo wawämaö lä cuaaö weinaja bä nia cuaaö mö feduo. ¿Ö̦jö tawä? Fayä nija ya co̦o yalo, bä nia yai cuaaö.

Juan 14:12 Iomraidhean Croise

Mateo 21:21

Abinaja Jesús a cuma. —Wedinaja mlai. Yai Bada a nofi yai shino da mölaboje, ö̦jö lä. Cafä wamacö nija ei ya wa̦ lä cui, bejedi lä ya wa̦. Wamacö bufi ujudublou mlai ja, Yai Bada wama a nofi mölabolanö wamacö a̦ faö däjä, tä nia cublou. Ico ya fi lä tablamalufenaja bädawä mlai, quiji a jefu ma cui, wama a nowa taö ja, a nia majöblou. “¡Jefu a da ucäblalufälö! ¡Modu u jamö, a da shäyablamobalu!”, wama a nowa taö däjä, a nia jefu queamamou.

Marcos 11:13

Ö̦jö däjä, tä möö balömou fa cuaanö, ico fi jenabä shi̦co ca̦i blajawä fa dalalönö, a ajedeblaleyoluma, ico bä nia cua fa mönö. A fa icuicunö, fi bloque dalalema. Fi jenabä shino shi̦co buoma. Ico bä showadi lä lalou wei tä cuonomi showawä yalo, fi blocooma.

Marcos 16:17

Wale a̦ bejedi lä bufii wejei bä lä cuinö, tä nö lä quilijii tä nia wawämaö cuaaöje, Yai Bada a mayo lojode dablabeje. Fecula bä nia ca̦i yashuuje. Shomi bä caficö a̦ ma cui ja, bä a̦ ca̦i nia faö.

Juan 14:28

Ya nia lä co̦o wei, ya nia obi ca̦i juu lä co̦o wei, cafä wamacö nija ya wa̦fa wäyämou waiquia. Wamale yai nofimaö fa cunoja, Fayä nija ya nia lä co̦o wei tä ja, wamacö bufi nö yai doblalobö wei. Ö̦jö a shino yai Bada malä cui.

Juan 16:7

Wamacö bufi ma wa̦lidii ma cui, wamale a̦ da ji̦lilä. Bejedi lä ya wa̦. Ya nia lä co̦o wei tä ja, wamacö nia yai bayeliblamou. Ya co̦o mlao fa cunoja, cafä wamacö nija Bayeliawä a nö waloobö ma mlai ma cui, ya co̦o däjä, cafä wamacö nija ya nia shömadayou.

Juan 4:37

Abinaja bä showadi lä cuu wei, bä a̦ nö malä bejediaö wei. “Ai bänö mobä döaöje, ai bä mö feduwä lä cuinö nii bä taöje”, bä cuu.

Juan 5:20

’Fayänö bä Ijilubö wale nofimaö dodijia yalo, a lä cuaaö wei camiyä nija tä bluca wawämaö. Ya lä cuaafenaja bädawä mlai, tä yai lä lojode wei tä nia wawämaö cuaaö. Camiyä nija tä fa wawämalönö, inaja showawä, yanowamö wamacö nija ya etä nia wawämaö cuo mö feduo, wamacö bufi yai shädayaimobä.

Juan 7:33

Ö̦jö däjä, judio bä nija abinaja Jesús a cuma. —Cafä wamacö nija ya nö dedejedou fa bälonö, wale lä shömöleno wei nijamö ya nia juu co̦o.

Juan 7:39

¿Ö̦jö tawä? Cama a wa̦ bejedi lä bufii wejei bä lä cui nija, Yai Bada tä Bufi nia lä jöböamou wei tä a̦fa yai tama. Fedu jamö a doblaodayobä a ösönomi showao yalo, a Bufi jöböamou showaono malä mlai.

Hechos 10:46

Bä caficö a̦ lä shomiblaliyono wei tä a̦ malä ji̦lileno wejei, Yai Bada tä nofi doablaöje ja. Ö̦jö däjä, Pedro a wa̦ falayoma.

Hechos 16:18

Einaja a cuaaö showao däjä, tä nö dedejedaliyoma. A wa̦ faö wa̦lioblodii nojaaö ja, ya̦cumö Pablo a mö fa yabadalunö, a fecula lä bälöono wei a nija a wa̦ fama. —Jesucristo a wa̦ lojodenö, bäfä shömaö lä cule. A suwä da dacöfälö—a cuma. Einaja a fa cunö, a suwä daa showadaquefälöma.

Hechos 19:12

Pablonö camishi cäcö lä labou wei cäcö ma cui, cäcö lä yojobou wei cäcö ma cui, jalili bä nijamö ö̦jö cäcö ca̦i jumaje. Ö̦jö ecö camishi bäwä ma cuinö, bä lä jaliliono wei bä bluca jalolaliyoma. Bä lä feculaböono wei bä ma cui, bä fecula fa yashublamolunö bä ca̦i jaloa co̦laliyoma.

Hechos 2:33

’¿Ö̦jö tawä? —a cuma—. A nö Bada ö̦jöböamobä, cama Yai Bada jayu boco mashi jamö, a döcämabou lä culadi. Ö̦jamö a Bada lä döcämaqueno wei däjä, bä Fö̦önö a dobälema. Cama a Bufi a̦fa wäyämamou lä balöono wei tä ja, a dobälema. Ö̦jö tä ja, cama a fa dobämamoludunö, camiyä yamalecö dobäa fe dolea nomöjölema. Ei wama tä lä möle, wama tä a̦ lä ji̦liale, ö̦jönö tä wawäblamalei lä cufe.

Hechos 2:41

Ö̦jö cudeenö, Pedro a wa̦ fa ji̦liläjenö, tä a̦ dädaö lä showalayono wejei bä lä cui, bä fe bluca fa ojoblamolunö, Jesucristo ebä nija bä yädäblou showadalayoma. Bä lä yädäblaliyono wei bä lä cui, jai 3.000 bä cuoma.

Hechos 4:16

Abinaja bä nowa tayoma. —¿Wedinaja bei bäma cäcöbö li taamabä tawä? Ei cäcöbö a̦ lä fafe cäcöbönö, tä nö lä quilijii tä malä wawämaböno wei. Bäma cäcöbö a̦fa jolemou tabä tä cuami waiquiwä. Jelusaleteli bä blucanö, ö̦jö tä daö malä waiquilajei.

Hechos 4:33

Jesucristonö bä lä shömöleno wei bä lä cuinö, Bada tä Jesús a wa̦fa demi jocädou wäyäöje däjä, Yai Bada a lojode damoa dodijia showadalaliyoma. Yai Bada tänö wawädowä bä bayeliblaö cuaama.

Hechos 4:4

Ö̦jö ma cui, Pedro, Juan sho cäcöbö nija tä a̦ lä ji̦lileno wejei ai bä bluca mö feduwä lä cuinö tä a̦ bejedi bufiblaö fa showadalojenö, Jesucristo ebä bluca cublaliyoma. Ö̦jö däjä, Jesucristo ebä lä cui, jai 5.000 bä wa̦lo cublou majölayoma.

Hechos 5:15

Jalili bä jalomaö fa dalalöjenö, bä shi fa jalimolunö, cama jalili ebä ca̦i bluca sibolayomaje. Pedro a jayuabä jamö, bei yo casö jamö bä jalili blaaquemaje. Täbä maqueobä täbä ja, bä maqueaquemaje. ¿Ö̦jö tawä? Ö̦jamö lä Pedro a jayuaö däjä, “Bei a malashinö bä fa jo̦yablamafälönö bä jalobä”, a nofi tabomaje.

Hechos 6:7

Inaja bä fa cuaanö, Yai Bada tä a̦ ji̦limou blaucou cuaama. Ö̦jö däjä, Jelusale jamö, Jesucristo nija bä nia lä nocao wei ebä blucablou dodijilayoma. Nofi bäyäalewä ai bä bluca ma cuinö, Jesucristo etä a̦ fa julejenö, a bufilemaje.

Hechos 8:7

Bä bluca malä jalolaliyono wei. ¿Ö̦jö tawä? Bä lä feculaböono wei bä jalomama. Fecula ebä fa si̦lalamooblonö, bä docuoblofälöma. Ai bä mö feduwä lä cui, bä lä ya̦toliböono wei bä ma cui, bä juno lä mlai bä ma cui, ö̦jö bä bluca ca̦i jalomaö mö feduo showaoma.

Hechos 9:34

Ö̦jö nija Pedro a wa̦ fama. —Eneasi. Jesucristonö wa jalomaö lä cule. Wa fa jocäblaluno, wa lä maquele täcö da cofublalö —a cuma. Inaja Pedro a fa cunö, a jalili jocädou showalayoma.

Hechos 9:40

Pedronö sibo jamö bä bluca fa shömölönö, Yai Bada nija a nö bayeli nacabä, a dijoblaquema. A nö bayeli fa nacalänö, nomawä a lä cui nija a mamo showadou nomöjölayoma. A mamo fa showadalunö abinaja e cuu nomöjöoma. —Dabida, wa fa jocädalunö, a ublaa da co̦lu —e cuma. Einaja a cuu ja, ö̦jö a suwä lä nomalayono wei a mamo casö jocädaliyoma. Pedro a fa dalalönö, a loquema.

Romanos 15:19

Yai Bada tä Bufi lofotenö tä nö lä quilijii ya tä bluca wawämaö, Yai Bada tä mayo dablabeje. Inaja ya cuaalanö, Jelusaleteli bä ulufibö jamö ya fuu cuaaö fa balöonö, ya tä a̦ ca̦i fuu shoqueaö cuaaö fa showadaofälönö, Ililico tä ulufi ma cui jamö Cristo dodijidawä ya etä a̦ wäyäö jödödou cuaama.