Juan 14:10 - Biblia Yanowamö

¹⁰ Fayä nija ya lä cule, camiyä nija Fayä a ca̦i lä cule, ¿wama tä a̦ bejedi bufii yailawä? Cafä wamacö nija ya tä a̦ lä wäyäö wei, camiyä ya wa̦ bädawämi. Fayä ya wa̦no wäyäö. Ya ma cuaaö wei ma cui, camiyä nija Fayä a yai culanö, ö̦jönö tä taö.

Juan 14:10 Iomraidhean Croise

Juan 10:30

Fayä sho, ö̦jö yafäcö waiquiwä —a cuma.

Juan 10:38

Ö̦jö ma cui, ya tä yai taö däjä, camiyä wamale a̦ bejedi bufii ma mlai ma cui, ya tä bluca lä taö wei tänö, bä bufi juducua fe da yadiicu. Camiyä nija Fayä a lä cule, wama tä daö fe yadiobä. Cama nija camiyä ya ca̦i lä cule, wama tä ca̦i dabä. Ö̦jö yafäcö —Jesús a cuma.

Juan 11:26

Bä demi lä cublai bä lä cuinö, wale a̦ bejedi bufiije ja, bä nomaö mlaicätä. ¿Ö̦jö tawä? ¿Wale a̦ bejedi bufii cule? —a cuma.

Juan 12:49

Camiyä ya bufi lä cuu weinaja ya tä a̦ wäyäö bädao malä mlai. Fayänö wale lä shömöleno wei a showawä lä cuinö wale nosiemaö ja ya wa̦. Cama a wa̦nö ya wa̦ cadidou.

Juan 14:11

Fayä nija ya lä cule, camiyä nija Fayä a ca̦i lä cule, tä a̦ bejedi da bufije. Ö̦jö lä yafäcö. ¿Ö̦jö tawä? Camiyä wamale a̦ bejedi bufii ma mlai ma cui, ya tä bluca lä taö wei tänö, bä bufi jaducua fe da yadiicu, wamale a̦ bejedi bufii fe yadiobä.

Juan 14:20

Ö̦jö däjä, wamacö bufi nia yai jaducublou. Fayä nija camiyä ya lä cule, wama tä nia daö wawädoo. Camiyä nija cafä wamacö lä cule, wama tä ca̦i nia daö. Cafä wamacö nija camiyä ya cua mö lä fedule tä ca̦i.

Juan 14:24

Wale nofimaö lä mlajei bänö wale a̦ nofi cadidiboimije. ¿Ö̦jö tawä? Cafä wamacö nija ya tä a̦ lä wäyäle, camiyä ya wa̦ bädawämi, Fayänö wale lä shömöleno wei ya wa̦no taö.

Juan 17:8

Cama bä nija, cafä bäfä a̦no malä wäyäno wei. Wa wa̦no ji̦liamaje. Cafä nijamö ya cuoma ya lä waloqueyoluno wei tä lä cui, ö̦jö tä bejedi ca̦i daöje. Cafänö wale lä shömöleno wei tä ma cui, ö̦jö tä a̦ ca̦i bejedi bufiije.

Juan 3:2

Ö̦jö a lä cui, didi däjä Jesús nija a icua fe fa jaluicunö, abinaja e cuma. —Tä a̦ wäyäle. Yamalecö yömölayolubä, Yai Bada tänö wa shömölema. Ö̦jö yama tä daö. Ö̦jö wa e nö ö̦jöböamobä, tä nö lä quilijii bluca wa tä wawämaö. Yai Bada tänö wa ca̦i cuo mlao fa cunoja, inaja wa nö cuaabö mlai —e cuma.

Juan 5:17

Ö̦jö ma cui Jesús a nofi bäyäo ja, abinaja bä nowa tama. —Fayä a yanöcöblao mlai ja, showadi täbä bayeliblaö ojodao. Inaja showawä, camiyä ya ca̦i cuaaö mö fedua —bä nowa tama.

Juan 5:19

Abinaja Jesúsnö bä nowa tama. —Cafä wamacö nija ei ya wa̦ lä cui, bejedi lä ya wa̦. Yai Bada bei Ijilubö ya e lä cui, camiyä ya cuaaö bufi lä doblao wei tänö ya cuaaimi. Fayä a lä cuaaö wei ya tä möö yalo, inaja camiyä ya e ca̦i cuaaö mö fedua. Fayänö tä lä taö wei, bä Ijilubö ya enö ya tä cai̦ taö mö fedua. ¿Ö̦jö tawä?

Juan 7:16

Ö̦jö däjä, abinaja Jesúsnö bä nowa tama. —Ya tä a̦ lä wäyäö wei, camiyä ya wa̦ bädawämi. Wale lä shömöleno wei, ö̦jö lä ya wa̦no li wäyäö.

Juan 8:28

Ö̦jö cudeenö, abinaja Jesúsnö bä nowa taö nomöjöoma. —Ya lä yanowamöblaleyoluno wei ya lä cui, wamale befi ca̦i i̦tamaö waiquio däjä, ö̦jö lä däjä, wamale nö nia bejedi ö̦jöböaö. “Ö̦jö lä a waiquiwä cuoma, a da cubleinaja showadawä”, wamale nofi nia tabou. “Cama a bufi cuu lä bädao weinaja, a cuaanomi. Bä Fö̦önö tä a̦ wäyäö ja, a wa̦ yai cuoma”, wamale nofi nia tabou.

Juan 8:38

Fayä nijamö ya tä lä möno wei ya tä a̦fa wäyäö. Inaja showawä, cafä wamacö yai lä fö̦ömou wei nija wama tä a̦ lä ji̦lileno wei, wama tä li taö dicoo —bä nowa tama.

Juan 8:40

Ö̦jö ma cui, inaja wamacö cuaaimi dicowä. Yai Bada nijamö ya wa̦ lä ji̦lileno wei, cafä wamacö nija ya tä a̦ bejedi ma wäyäö wei ma cui, wamale shäö bufi doblaa dicoa lä cule. Inaja Ablaamö a cuaano malä mlai.

Hechos 10:38

Ö̦jö Nasaleteli Jesús a lä cui, Yai Bada tänö a bayelibou ja, bei Bufinö a jödödöboma. A nö ca̦i wa̦lojomaboma. ¿Ö̦jö tawä? Täbä shino bayeliblaö cuaama. Fecula bada tänö bä nö lä bleaamano wei, bä bluca ca̦i jalomaö cuaama. Yai Bada tänö a ca̦i malä cuono wei.

2 Corintios 5:19

¿Ö̦jö tawä? Yai Bada tänö yanowamö täbä ajedeblamabä, Cristo a shäa lämalema, täbä doblou lä mlai täbä lija etä nowa tabou mladobä. Ö̦jö yama tä a̦ wäyäö cuaabä, yamalecö lämabou.

Colosenses 1:19

Bä Ijilubö e lija, cama Yai Bada tä owämobou bufi malä doblaono wei.

Colosenses 2:9

Bä möla dijä. Cristo a ma yanowamöblaleyoluno wei ma cui, Yai Bada a cuwä lä dodijiinaja a cuwä mö feduwä showaoma.

1 Juan 5:7

Yai Bada tä Bufinö, ö̦jö tä a̦ ca̦i bejedi wäyäö. Tä a̦ lä bejedi wei tä a̦ wäyäbä, ö̦jö Yai Bada tä Bufi malä waiquii.