Juan 13:5 - Biblia Yanowamö

⁵ Madofi a jobocowä jamö ubä fa lölänö, cama ebä lä nocamabono wei bä mamicö yaluu ja, bä nabä jaba quequema. Bä mamicö fa yaludanö, cäcö lä a̦yobono wei cäcönö, bä mamicö ya̦jödaö nocamou showadaoma.

Juan 13:5 Iomraidhean Croise

Génesis 18:4

Mau ya ubä wajaquemi fa nacalänö, wamacö mamicö li yalumamou balöo mlai, ¿ö̦jö tawä? Wamacö mamicö ya̦lömou fa balölönö, fii defi lä ublale jamö, tä si lä ajile jamö, wamacö washimi jolou däjä,

Génesis 19:2

—Bada wafäcö. Cäcöbö jayublou showadao dicoo dijä. Camiyä nija wafäcö mio fe jalubä. ¿Ö̦jö tawä? Bäfäcö a̦ juabä ya waiquiwä. Wafäcö mamicö ca̦i fa yalumolunö, dodijidawä wafäcö cuobä. ¿Ö̦jö tawä? Wafäcö la̦a fa fenablalunö, wafäcö juu fenao co̦ofälöbä —a cuma. —Ma. Eja yafäcö cuo fe jaluu bädao weicätä —täcöbö cuma.

Génesis 43:24

José e yafi jamö a lä lämabono wei a lä cuinö, bä fa famalönö, bä mamicö yalumobä e ubä mau jöbäquema. Bä mamicö fa yalumolunö, José a lä lämabono wei a lä cuinö, bulo ebä ca̦i iyabä, ebä jöböquema. Ö̦jö däjä,

Lucas 7:38

Jesús matacö mö cuobä jamö a ublaqueyoluma. Ö̦jamö a ö̦cölanö a möfe boquema. Bei mabu ubänö Jesús mamicö jelemalalema. Ö̦jö däjä a fa loicunö, cama suwä fe̦ta ucu showawänö mamicö ya̦jöblalema. Mamicö buyucadima. Toubä nö lä cle̦deli wei toubänö mamicö fe löblalema.

Lucas 7:44

Ö̦jö däjä, suwä nija a mö fa yaiblalunö, Simón nija abinaja Jesús a cuma. —¿Ei wa suwä dablaö cule? Cafänö dodijidawä wale yafimabä, ya mamicö ya̦lömobä, mau wa ubä jöböabä wa ma cui, wa ubä jöböanomi. Ö̦jö ma cui, ei a suwä lä cuinö, bei mabu ubänö wale mamicö fa jelemalalönö, bei fe̦ta ucunö wale mamicö ya̦jöblalei lä cufe.

Juan 13:10

Abinaja Jesús e cuma. —A ya̦lömou lä waiquilayono wei a jödödöwä au waiquiwä. Bei mamicö nia shino ya̦lömou co̦o. ¿Ö̦jö tawä? Cafä wamacö au waiquiwä ma cui, moli ai wamacö lä cui a shino aumi —e cuma.

Juan 13:6

Simón Pedro nija a icua fa majöicunö, Pedro a wa̦ lämoma. —Bada tä. Camiyä wale mamicö yalubä yami —a cuma.

Juan 13:8

—Ma. Camiyä wale mamicö nia yaluimi —Pedro a cuu co̦oma. Jesús abinaja e cuma. —Bäfä yaluimi ja, camiyä nija wa nia yädäomi —e cuma.

Juan 19:34

Ö̦jö ma cui, sodado ai a lä cuinö, boo shi bada namonö, Jesús leboco diquibalejelayoma. Leboco fa diquibalujulunö, i̦yäbö falayoma, mau ubä ca̦i.

Hechos 22:16

¿Ö̦jö tawä? Bei. A fe da ojomamo. Bada tä nija wa nö bayeli fa nacaonö, wa doblou lä mlai, ö̦jö nija tä da mladamalö”, wale nowa tama —a Pablo cuma.

1 Corintios 6:11

Inaja ai wamacö ca̦i jaba cuaaö ma balöono wei ma cui, wamacö aublaliyoma. Yai Bada wama ecö cublaliyoma. Bada tä Jesucristo lä cuaano wei tänö, jai wamacö dodijaö waiquiwä wamacö nofi tabou majöa. Yai Bada tä Bufinö inaja wamacö taamama, bäma a lä bufiblaö wei a Yai Bada lä cuinö.

Efesios 5:26

¿Ö̦jö tawä? Yai Bada lija bämacö yaiblamobä a noshi ö̦jödaoma. Mau unö täbä aublou lä culenaja bämalecö aublalema, cama a wa̦ lä wäyämono wei tänö.

1 Timoteo 5:10

Bä jo̦wa dodijama ja, bä bayeliblamobä. Dodijidawä bä ijilubö ebä ca̦i jo̦wa cuomaje ja, ebä bufi jo̦wa cadidamamaje ja, bä a̦fa nia onio. Fama bä jo̦wa iyamamaje ja, Yai Bada ebä jo̦wa bayeliblaö ojodaomaje ja, bä bayeliblamobä cäbä. Bä nö lä bleaaö wei bä nofi jo̦wa ojodabomaje ja, showadi bä jo̦wa dodijaö bufi doblaoma ja, inaja bä suwä yami cuwä, bä a̦fa nia onio.

Hebreos 10:22

bämacö bufi da bejedimo. Bäma a bufibolanö, Yai Bada lija bämacö icuobä. Bämacö lä cuaaö wei, bei bämacö bufi jamö tä läa mlai ja, jai mau ubänö bämacö aublamolayoma bämacö culanö, dodijidawä bämacö icuobä.

1 Juan 1:7

Ö̦jö ma cui, tä shi̦i lä wacacai jamö cama Yai Bada tä lä culenaja, ö̦jamö bämacö cudia mö fedua ja, dodijidawä bämacö nofi nia yai shino tamayou. Ö̦jö däjä Yai Bada bei Ijilubö Jesús i̦yäbönö, wa̦lidiwä bäma tä lä taö wei tä bluca ja, bämacö aublou co̦layou.

1 Juan 5:6

Yai Bada bei Ijilubö a Jesucristo lä cui, yanowamö täbä nijamö a waloqueyoluma. Mau u jamö a fe ojoblamolayoma. A befi ca̦i lä i̦taono wei jamö a i̦yä nö ca̦i beblaloma. ¿Ö̦jö tawä? Mau unö a fe lä ojoblamono wei tä bädawänö mlai, bei i̦yäbö lä falayono wei tä ma cuinö a nö ca̦i ö̦jöböamou waiquiwä.

Apocalipsis 1:5

Jesucristonö wamacö nofi ca̦i ojodabobä, wamacö bufi ca̦i yanöcömabobä, Yai Bada a wa̦fa wäyäö lä cadidou wei a lä cuinö. A jaba demi jocädou lä co̦layono wei a showawä lä cuinö. Bita jamö bä bada lä cublai, ö̦jönö bä bluca nosiemaö. Ö̦jö Jesucristo a lä cuinö bämalecö nofimaö fe balojowä. Bämacö doblou lä mlai tä blucanö bämacö ma ja̦ono wei ma cui, ö̦jö a fa shämolunö, i̦yäbö fa falönö, bämalecö jujeblamalema.

Apocalipsis 7:14

Abinaja ya e cuma. —Bada tä. Cafänö wa bä li daö —ya e cuma. Inaja ya cuu ja wale yömölama. —Fei bä lä cui, yanowamö täbä nö yai bleaaö nö lä quiliano wei däjä, bä demi lä feiblaliyono wei fei cäbä. Oweja a wa̦fa ocalo lä jilamou wei i̦yäbö ja esibä fa yalulalöjenö, esibä li aublaliyoma.