Juan 13:34 - Biblia Yanowamö

³⁴ Cafä wamacö nija ya tä tamaö lä bufii wei, ya tä a̦ dude wäaö lä cule. Bä da nofimayo. Cafä bämacö nofimaö lä waiquilenaja, inaja showawä, bä nofimayou da cuo.

Juan 13:34 Iomraidhean Croise

Mateo 5:44

’Einaja bä jaba ma cuno wei ma cui, abinaja bämacö nowa taö lä cule —a cuma—. Wamacö nofi lä wa̦libou wejei bä ma cui, bä da nofimaje. Wamacö nö lä bleaamaö wejei bä ma cui, Yai Bada nija bä nö bayeli da nacaje,

Juan 15:17

¿Ö̦jö tawä? Bämacö yai taamaö lä bufii weinaja, ei ya wa̦ waiquiwä, wamacö nofimayobä, ö̦jö lä —Jesús a cuma.

Juan 17:21

Jai moli bä bluca cublobä ya wa̦. Fabe. Camiyä nija cafä wa lä culenaja, cafä nija camiyä ya cua mö lä fedulenaja, inaja showawä camiyä bäfäcö nija ö̦jö bä cuo mö feduobä. Ö̦jö bämacö bluca cublobä. Inaja lä bämacö lä cuaaö wei tänö, yanowamö täbä bufi jaducublobä ya wa̦. Cafänö wale lä shömöleno wei tä lä cui, tä a̦ bejedi bufiabeje.

Romanos 12:10

Cama täbä bluca nofimayou lä culenaja, bä nofimayou da cuo. Dodijidawä täbä nofi ca̦i wawädowä da taboje. Inaja lä wamacö yai showadi taamayobä.

Romanos 13:10

¿Ö̦jö tawä? Aifä wama bä yai nofimaö däjä, wama bä nia yabäcaimi. Ö̦jö cudeenö, aifä wama bä yai nofimaö däjä, Moisesi wama tä a̦ nofi cadidibou.

Romanos 13:8

Wama tä nowa co̦amabä tä cua ja, tä nowa co̦amaö da showadaoje. Ai tä nowa läa mlai ja, dodijidawä wamacö shi̦lo yai nofimayobä. Cama ai ebä yai lä nofimaö wejei bä lä cuinö, Moisesi etä a̦ nofi bluca cadidibou waiquiweje.

Gálatas 5:22

Ö̦jö ma cui, Yai Bada tä Bufi ja bä lä luluamou wei bä lä cui, abenaja bä cuaaö. Bä bufi nofio. Bä bufi ca̦i doblalou. Yanöcöwä bä bufi ca̦i cuo. Bä shi jalimoimi. Täbä ca̦i bayeliblaö bufi doblaoje. Dodijidawä bä ca̦i cuoje. Bä ca̦i li cadidou.

Gálatas 5:6

Bämacö mosi sicö ma joyamou wei ma cui, bämacö mosi sicö joyamou ma mlai lä ma cui, ö̦jö lä tä nowa cuami waiquiwä. Jesucristo bäma a nofi lä mölabou wei, ö̦jö lä tä nowa shi̦lo yai cua, cama lija bämacö yädäobä. Ö̦jö bäma a nofi yai lä mölabou wei däjä, yanowamö bäma täbä yai nofiablaö.

Gálatas 6:10

¿Ö̦jö tawä? Dodijidawä bäma tä tabä tä cua ja, bäma tä taö showadaobä, ö̦jö lä. Yanowamö jödödöwä bäma bä ma bayeliblaö däjä, Jesucristo a nofi lä mölabou wejei, ö̦jö bäma bä yai bayeliblabä.

Gálatas 6:2

Aifä a lä cui a bufi nö bleaaö ja, a da bayelibla. Inaja wamacö taamayou ja, Cristo wama a nosie yai fuaö malä cui.

Efesios 5:2

Wama täbä nofimalanö bä ca̦i da cuoje, Cristonö bämalecö nofimaö lä culenaja showawä. Bämalecö bayeliblabä a nomaa lälayoma. Yai Bada lija täbä wa̦queshi nö li̦yoli lä u̦cucamou wei täbä dodobou lä cuaaö wejeinaja, inaja showawä, Cristo cama a jibäamou bufi doblao cuoma, Yai Bada a bufi doblamabobä.

Colosenses 1:4

Jesucristo wama a nofi jo̦wa lä mölabole, bämacö a̦fa malä ji̦libou wei. Yai Bada cama wama ebä bluca ca̦i jo̦wa nofimaö. ¿Ö̦jö tawä?

1 Tesalonicenses 3:12

Wamacö nofimayou balafälöbä, Bada tä lija ya wa̦ ca̦i faö. ¡Bejedi lä wamacö nofimayou fe balojoobä! Inaja showawä, shomi täbä ma cui wama täbä nofimaö blaucobä. Cafä bämacö nofimaö fe balojoo lä culenaja, wamacö taamayobä.

2 Tesalonicenses 1:3

Iba cä wamacö. Wamacö dodijaö yalo yamacö bufi doblalou. Yai Bada lija showadi yamacö bufi a̦fa doblalou wäyämobä lä, wamacö malä dodijaö wei. Jesucristo lija fei däjä wamacö mölaö malä balaimadi. Wamacö nofimayou ca̦i balaö lä cuimadi.

Hebreos 13:1

Jesucristo wama ecö nofimayou lä cuaaö weinaja, inaja showawä bä shi̦lo yai da cuaa.

Santiago 2:8

Yai Bada tänö tä nabä yai lä shömöqueno wei, ei tä a̦. Cafä wa nofi jo̦lio lä culenaja, inaja showawä aifä wa bä nofi tabolanö wa bä nofimabä. Einaja Yai Bada etä a̦ cuu. Inaja wamacö yai cuaaö ja, wamacö nia shino dodijaö cuquei.

1 Pedro 1:22

Jesucristo nija tä a̦ bejedi lä cule, wama tä a̦ julema. Wama tä a̦ lä juleno wei tänö wamacö bufi aublaliyoma, cama wama ebä nofimabä. ¿Ö̦jö tawä? Bufi cadidilanö bä da nofimayo, ö̦jö lä.

2 Pedro 1:7

Yai Bada nija bufi shaliliwä wamacö culanö, cama bä mashi nofimayou lä culenaja bä da taamayo. Inaja wamacö cuaaö waiquiwä ja, bei bä bufi yai da nofio.

1 Juan 3:11

Wama tä a̦ jaba lä ji̦lileno wei tä a̦ lä cui, bämacö nia lä nofimayou wei, ö̦jö tä a̦ showawä malä cui.

1 Juan 3:23

Ja̦o. ¿Wedi tä tamaö bufii, ö̦jö lä? Yai Bada bei Ijilubö Jesucristo bäma a bejedi bufibä, ö̦jö waiquiwä. Bämacö nofimayobä tä ca̦i, bämalecö nowa lä taleno weinaja showawä.

1 Juan 4:21

Camiyä bämacö nija, Yai Bada tänö ei tä lä cui tä nabä yai shömaö, Yai Bada bäma a lä nofimaö wei bämacönö, aiyä bäma bä ca̦i nofimaö mö feduobä.

2 Juan 1:5

Wamale a̦ da ji̦lilä, ¿ö̦jö tawä? Bämacö yai da nofimayo, Jesús bäma a jaba bufiblaö däjä, bämalecö taamaö lä bufino weinaja showawä. Tä a̦ dudemi.