Juan 13:23 - Biblia Yanowamö

²³ ¿Ö̦jö tawä? Jesúsnö bä lä nocamabono wei ai e lä cui sho cäcöbö jö̦cöjöoma, a yai lä nofimano wei e lä cui sho.

Juan 13:23 Iomraidhean Croise

2 Samuel 12:3

Ö̦jö ma cui, a lä fo̦li wei a lä cuinö, moli a shi̦lo yalo wai fa lululänö, a taboma. Oweja a wai suwä cuoma. A badamaö ja, bä ijilubö ebä ca̦i lä cule jamö a ca̦i cuoma. Cama a iyaö däjä, bä nii shee lä jäblou wei bä ja, a iyamama. Cama caö efesi showawä ma cui ja, a amishi co̦amama. Cama a mio ca̦i lä maqueo wei jamö ma cui, a yacaboma. Bä tää ebä nofimaö lä culajeinaja, a wai oweja nofimaö cuoma.

Lucas 16:22

’¿Ö̦jö tawä? —Jesús a cuma—. A nö jo̦lili lä bleaano wei a fa nomalönö, Ablaamö a cuodayobä jamö Yai Bada etäbä a̦jele lä cuinö a bäladayomaje. A nö lä madofiböono wei a ma cui, a bufi ca̦i mlaa mö feduquema. A nomawä didiquemaje.

Juan 1:18

Yanowamö bämacö nija Yai Bada tä dablamoimi. Tä dablamou ma mlai ma cui, bä Ijilubö moli e lä cuinö, bä Fö̦ö e nija a lä ajedelenö, ö̦jönö tä damalalema.

Juan 11:3

Ö̦jö cudeenö, Jesús nija a wa̦fa wäyäbä, bä yaö ecöbönö, ai a shömöbölema. Abinaja a nowa nia tayoluma. “Tä a̦ wäyäle. Afä nofi a jalili tai”, a nowa nia tayoluma.

Juan 11:36

A ö̦cöma cudeenö, abinaja judio bä cuma. —¿Ö̦jö tawä? A malä nofimano wei —bä cuma.

Juan 11:5

Bei. Marta sho, bä fääshä María sho, bä a̦iyobö Lasalo sho, Jesúsnö ö̦jö bä bluca yai nofimaö dodijioma.

Juan 13:24

Jesús nija ö̦jö a ajedeoma yalo, bei imicönö Simón Pedronö a wa̦limaö bufima. Abinaja e cublaloma. —Wa wa̦ fa ji̦lilänö yamalecö da yömöla. ¿Wedi jamö a lä cui, bei a wa̦fa yai li taö? —a cuma.

Juan 13:25

Ö̦jö cudeenö, Jesús nija a loo lä jö̦cöjöono wei a lä cui, abinaja e cuma. —Bada tä. ¿Wedi jamö a lä cuinö bei wa nia jömaö dodijio?

Juan 19:26

Jesúsnö bä nöö e dalalema. A lä nocamabono wei ai e lä cui, e ca̦i ublao ajedeoma, a yai lä nofimano wei e lä cui. Cäcöbö fa dalalönö, abinaja bä nöö e nija a cuu balöoma. —Nabe, nabemi. Ijilufä wa nofi nö lä tabobö weinaja, miji wa nofi nia tabou —a cuma.

Juan 20:2

Ö̦jö tä fa dalalönö, tä a̦ wäyäbä a läläa co̦layoma. Simón Pedro a yömölajaloma, Jesúsnö bä lä nocamabono wei, ai a mö feduwä lä cui a ca̦i, a yai lä nofimano wei a lä cui. Abinaja cäcöbö nowa tama. —Bada tä nomawä lä maqueono wei täca jamö, a cuami tai. A nofi fa dälöjenö, a nomawä maquea lä nomöjöqueno wejei, yama tä daimi —cäcöbö nowa tama.

Juan 21:20

Pedro a mö fa lacödalunö, Jesúsnö bä lä nocamabono wei, ai a yaua dalalema, a yai lä nofimano wei e lä cui. Bä lä iyano wei jamö, Jesús sho cäcöbö lä jö̦cöjöono wei, ö̦jö a cuoma. Jesús a wa̦lii däjä, “Bada tä. ¿Wedi jamö a lä cuinö wa nia nomojoliaö?” e lä cuno wei a lä cui.

Juan 21:24

¿Ö̦jö tawä? Ö̦jö a wa̦fa yai lä wäyämono wei a lä cui, Jesúsnö bä lä nocamabono wei ai e mö feduwä lä cui, camiyä Juan, ö̦jö lä bei ya e. Ei ya tä a̦fa bluca lä wäyäle, ö̦jö lä ya showawä. Camiyänö, ö̦jö bei ya tä a̦ bluca oniblaö lä cule. Ya tä a̦ lä wäyäle, yama tä a̦ bejedi daö.

Juan 21:7

Jesúsnö bä lä nocamabono wei ai e lä cui, a yai lä nofimano wei e lä cui, abinaja Pedro nija ö̦jö a cuma. —Casö jamö quiji a lä ublale, ¡Bada cätä! —a cuma. ¿Ö̦jö tawä? Bä yulimobä jamö, Pedro a lä didiono wei ecö camishi jayublaö ma waiquilayono wei ma cui, “Bada cätä”, a wa̦ cuu fa ji̦lilänö, a lucäa co̦a showadaaliyoma. Ö̦jö däjä, modu u jamö a quea showadabaliyoma, lobe a washölöblou balöobä.