Juan 13:20 - Biblia Yanowamö

²⁰ ’Cafä wamacö nija ei ya wa̦ lä cui, bejedi lä ya wa̦. Ya bä lä shömaö wei bä lä cui, dodijidawä bä co̦blamaöje ja, camiyä ma cui wale dodijidawä co̦blamaö mö feduoje. Inaja showawä, camiyä dodijidawä wale lä co̦blamaö wejei bä lä cuinö, wale lä shömöleno wei a ma cui, ö̦jö a dodijidawä co̦blamaö mö feduoje —a cuma.

Juan 13:20 Iomraidhean Croise

Mateo 25:40

’¿Ö̦jö tawä? —Jesús a cuma—. Ö̦jö lä däjä, Bada ya yai lä cui, abinaja ya nia cudou. “Cafä wamacö nija ei ya wa̦ lä cui, bejedi lä ya wa̦. Iba ai bä wai cua lä bädale bä ma cui, ö̦jö wama bä lä bayeliblaö wei däjä, jai camiyä wamale bayeliblama, bämacö nofi tabou showadaoma”, ya nia cudou.

Marcos 9:37

—Ei a lä culenaja a wai ijilu lä cui, a shomi ma cui, camiyä ya wa̦nö a wai nofimaö fe yadioje ja, camiyä ma cui wale nofimaö mö feduoje. Inaja showawä, camiyä wale nofimaöje ja, wale lä shömöleno wei a ma cui, ö̦jö a nofimaö mö feduo showaoje —bä nowa tama.

Lucas 10:16

Ö̦jö däjä, abinaja Jesús a cuma, cama ebä lä nocamabono wei bä nija. —Cafä wamacö a̦ ji̦liaöje ja, camiyä ma cui wale a̦ ji̦liaö mö feduoje. Wamacö a̦ waii dicooje ja, camiyä ma cui wale a̦ waii mö feduoje. Inaja showawä, camiyä wale a̦ lä waii wejei bä lä cuinö, wale lä shömöleno wei a ma cui, ö̦jö a wa̦ waii mö feduoje —a cuma.

Lucas 9:48

Ö̦jö däjä, abinaja bä nowa tama. —Ei ijilu a lä cui, a shomi ma cui, camiyä ya wa̦nö a wai nofimaö fe yadioje ja, camiyä ma cui wale nofimaö mö feduoje. Inaja showawä, camiyä wale nofimaöje ja, wale lä shömöleno wei a ma cui, ö̦jö a nofimaö mö feduo showaoje. ¿Ö̦jö tawä? Cafä wamacö nijamö a jömöo lä mlai a lä cui, a nofi bada tabou lä mlajei, ö̦jö a lä cui, Yai Bada tänö bada bei a nofi shino yai tabou.

Gálatas 4:14

Wamale jalili bayeliblaö ja, wamacö nö bleaablaloma ma cui wamale nö waiblanomi. Ma, wamale nofi wa̦libou mlai ja, Yai Bada a̦jele wama etä dodijidawä bälömabou nö lä cuobö weinaja, inaja showawä camiyä lija wamacö ca̦i cuaama. Jesucristo wama a nofi nö lä tabobö weinaja showawä.

Colosenses 2:6

Jesucristo a wa̦fa Bada lä wäyämou wei, ö̦jö wama tä a̦ bejedi bufibou waiquia. Wama a nofi Badabou waiquia ja lä, ö̦jö a nosie shi̦lo yai da fuaje, ö̦jö lä.

1 Tesalonicenses 4:8

¿Ö̦jö tawä? Ei tä a̦ ja yamalecö a̦ ji̦liblaö lä mlai, camiyä yamalecö a̦ ji̦liblaimi bädawä mlai, Yai Bada wama a wa̦ yai ji̦liblaimi. Cafä wamacö lija a Bufi lä jibäamou wei wama a wa̦ li waii.