Juan 13:19 - Biblia Yanowamö

¹⁹ Tä cublou showaa mlai ja, bämacö yömölaö balöa lä cule, tä bejedi cublou däjä wamacö bufi yai möblobä. Ya wa̦fa showadi lä wäyämamou wei, wamale a̦ bejedi bufibä.

Juan 13:19 Iomraidhean Croise

Mateo 11:3

Jesús a wa̦liije ja, abinaja ebä cuyoluma. —A jo̦wa nia lä juno wei, ¿ö̦jö cafä wa waiquiwä tawä? Ma, cafä mlai, ¿ai a nia yai lä juu wei yama a nö dabou showaobä daanö? —bä cuma.

Mateo 24:25

¿Ö̦jö tawä? Tä nia lä cublou wei tä ja, bämacö yömölaö waiquia lä cule.

Lucas 21:13

Ö̦jö ma cui, ö̦jö bä nija wamale a̦fa wäyäbä, ö̦jö tä nia cuo.

Juan 1:15

Fe ojomalewä Juan a lä cuinö, ö̦jö a wa̦fa wäyäö ja, abinaja a wa̦ i̦cali faö ja, a cuma. —Ya wa̦fa da wäyäblei, ei a waiquiwä. Abinaja bämacö nowa da tablei. “Camiyä ya nodi jamö, a juu lä jäimi, ö̦jö a shino Bada. Camiyä ya cuo mlao däjä, a cuo showao balöoma yalo, ö̦jö ya wa̦fa Bada wäyäö lä cule”, bämacö nowa da tablei —Juan a cuma.

Juan 14:29

¿Ö̦jö tawä? Tä cublou showao mlao däjä, fei bämacö nowa taö balöa lä cule. Tä yai cublou däjä wamale a̦ bejedi bufibä.

Juan 16:4

’Bämacö yömölaö balöa lä cule. Inaja cama bä yai cuaaö däjä, ya bä a̦fa lä wäyäfe wama tä a̦ nofi jaducubobä. Jaba däjä inaja bämacö nowa taö showadaonomi. Bämacö ca̦i nia cudioma yalo, ya wa̦ faö jaöonomi. Fei däjä, wawädowä bämacö nowa taö lä cule.

Juan 4:26

Ö̦jö däjä, abinaja Jesús e cuma. —Bäfäcö a̦ lä wayole, ö̦jö ei lä ya waiquiwä, ya cua shi lä wa̦lile —e cuma.

Juan 8:28

Ö̦jö cudeenö, abinaja Jesúsnö bä nowa taö nomöjöoma. —Ya lä yanowamöblaleyoluno wei ya lä cui, wamale befi ca̦i i̦tamaö waiquio däjä, ö̦jö lä däjä, wamale nö nia bejedi ö̦jöböaö. “Ö̦jö lä a waiquiwä cuoma, a da cubleinaja showadawä”, wamale nofi nia tabou. “Cama a bufi cuu lä bädao weinaja, a cuaanomi. Bä Fö̦önö tä a̦ wäyäö ja, a wa̦ yai cuoma”, wamale nofi nia tabou.

Juan 8:58

Abinaja Jesús e cuma. —Cafä wamacö nija ei ya wa̦ lä cui, bejedi lä ya wa̦. Ablaamö a cua showaa mlai ja, ya cuo lä balöono wei, ei ya —e cuma.