Juan 13:14 - Biblia Yanowamö

¹⁴ Wamale nofi lä Badabou wei ya ja lä, ya tä a̦ ca̦i lä wäyäö wei ya ja lä, wamale nia owäbou. Cafä bämacö mamicö yaluu lä cuaafenaja, cafä wamacö ma cui, wamacö taamayou mö feduobä wamacö.

Juan 13:14 Iomraidhean Croise

Hechos 20:35

Camiyä ya lä cuaano wei tä ja, bämacö damaö waiquioma. Bämacö ojodamobä lä. Bada tä Jesús bäma a wa̦ nofi jaducubolanö, jalili bäma bä bayeliblabä. Abinaja a malä cuno wei, “Wamacö dobämou ja wamacö bufi ma doblao wei ma cui, cafä wamacönö ai wama bä yai dobäö ja, ö̦jö däjä bei wamacö bufi nia shino yai doblalou”, a Jesús cuma —Pablonö bä nowa tama.

Romanos 12:10

Cama täbä bluca nofimayou lä culenaja, bä nofimayou da cuo. Dodijidawä täbä nofi ca̦i wawädowä da taboje. Inaja lä wamacö yai showadi taamayobä.

Romanos 12:16

Dodijidawä bä ca̦i da cuoje. “Camiyä ya yai”, bä bufi ca̦i cuu dicoo dijä. “Ma, ö̦jö tä ja ya nö ojodamobimi”, bä nofi ca̦i tamobo dijä. Bä ca̦i jimamo dijä.

1 Corintios 12:3

Wamacö bufi jaba yacläma yalo bämacö cadidamaö lä cule, wamacö bufi wedinajamou mlaobä. ¿Ö̦jö tawä? Yai Bada tä Bufinö a wa̦ lä faö wei a lä cui, Jesús a wa̦fa nia wa̦lidiwä taimi. Inaja showawä, Yai Bada tä Bufi lija a bufi taamamou lä mlai a lä cui, “Jesús Bada cätä waiquiwä”, a nia cuimi.

1 Corintios 8:13

Ö̦jö cudeenö, abenaja camiyä ya bufi li cuu. “Ya lä iyaö wei tä bädawä ma cuinö, ö̦jö tänö aiyä ya bä bufi nia wa̦lidiamaö dicoo ja, yalo ya waö co̦daaö mlaicätä”, ya bufi cuu, ya bä bufi wa̦lidiamaö mlaobä.

2 Corintios 10:1

Cristo a wa̦ oquewä faö lä cuaano weinaja, camiyä Pablo ya wa̦ oquewä faö cuaaö mö fedua lä cule. Wamale a̦ ji̦liabä, ya wa̦ fe nia blacäjou. ¿Ö̦jö tawä? Ai wamacönö abenaja wamale nofi jo̦wa tabou. “Eja culanö a wa̦ Pablo faö ma quilii wei ma cui, blajai jamö a culanö, a wa̦ shi̦lo li faö waiteliblou.”

2 Corintios 8:9

Bada tä Jesucristo lä cuinö wamacö nofi lä ojodabou wei wama tä daö. Dodijidawä a ba̦limi cuodayoma ma cui, cafä wamacö bayeliblamobä, cama etä bluca fa dacönö a shi̦loco itolayoma. A fo̦liblou majölayoma. A lä fo̦liblaliyono wei tänö, cafä dodijidawä wamacö yai ba̦limi cuo majöodayobä.

Gálatas 5:13

Moisesi tä a̦ ja wamacö yai fujeblobä, wamacö malä nacaleno wei. Wamacö lä fujeblou wei wamacö lä cui, wamacö fa nofimayonö wamacö nia li yai bayeliblayou. ¿Ö̦jö tawä? Abenaja wamacö nia cuimi. “Ja̦o. Ö̦jö ya tä a̦ fuabä tä cuami majöwä waiquiwä cudeenö, ya cuaaö bufi lä doblao weinaja ya shi̦lo yai da cuaa, ö̦jö lä.” Ma. Inaja wamacö nia cuimi.

Filipenses 2:11

Bluca bä lä cublai bänö Jesucristo a wa̦fa Bada wäyäbeje. Fayä Yai Bada tä doblao ca̦i dablamobä. ¡Inaja lä tä yai cuobä!

1 Timoteo 5:10

Bä jo̦wa dodijama ja, bä bayeliblamobä. Dodijidawä bä ijilubö ebä ca̦i jo̦wa cuomaje ja, ebä bufi jo̦wa cadidamamaje ja, bä a̦fa nia onio. Fama bä jo̦wa iyamamaje ja, Yai Bada ebä jo̦wa bayeliblaö ojodaomaje ja, bä bayeliblamobä cäbä. Bä nö lä bleaaö wei bä nofi jo̦wa ojodabomaje ja, showadi bä jo̦wa dodijaö bufi doblaoma ja, inaja bä suwä yami cuwä, bä a̦fa nia onio.

Hebreos 12:2

Jesús lija bämacö bufi mö shi̦lo yai da cudio, bämalecö lä lulubou wei a lä cui lija. Bämacö mölaö showaobä bämalecö bufi lofotomabou. Fii balitama tefi ja a nö bleaabä etä ma cuono wei ma cui, a bufi nia doblao ca̦i cuo lä majöono wei tä bufiboma yalo, a ojodao fe yadioma. Jai wa̦lidiwä talewä a nia mömou ma cuono wei ma cui, a bufi quilinomi. Inaja a cuaaö fe yadioma yalo, fei däjä Yai Bada jayu boco mashi jamö a dicäadayoa.

1 Pedro 4:1

Cristo a lä cui yanowamö a cuo däjä, a nö nini li bleaaö balöoma. Inaja a cuaaö ojodaoma yalo, cafä wamacö ma cui, inaja showawä bä nö ca̦i bleaaö ojodao cuo mö da feduo. Jesucristo a nowa ja bä nö bleaaö lä ojode wei bä lä cui, wa̦lidiwä tä ja bä yabäcamou si ijejeo malä mlai.

1 Pedro 5:5

Fiya wamacö lä cuinö, bada wama bä a̦ ca̦i nia juaö. ¿Ö̦jö tawä? Bluca wamacö ma cui, wamacö a̦ dodijidawä juayobä wamacö. Cafä wamacö jömöo mlai, ai wama bä a̦ shino ji̦liabä. Abinaja tä a̦ malä cuu wei. Cama bä lä jömöo wei bä lä cui nija, Yai Bada a bufi lämou. Ö̦jö ma cui, bä jömöo lä mlai bä lä cui bä nofi yai ojodabou. ¿Ö̦jö tawä? Einaja tä a̦ cuu.