Juan 12:34 - Biblia Yanowamö

³⁴ Bä bluca lä co̦caono wei bä lä cui, abinaja bä cuma. —Yai Bada yama tä a̦ oni daö. A shömabä a lä yaileno wei a lä cui, a nia jo̦wa cudio. ¿Ö̦jö tawä? Wa lä yanowamöblaleyoluno wei wa lä cui, ¿wedi tabä wa befi ca̦i a̦fa i̦tao li wäyämamou dicoo? ¿Wedi jamö a lä cui, bei wa wa̦fa yanowamöblou li taö, ö̦jö lä? ¿Cafä mlai daanö? —bä cuma.

Juan 12:34 Iomraidhean Croise

2 Samuel 7:13

Ö̦jönö iba yafi a nia yai tablaö, ya wa̦fa wäyämou blaucou cuaabä. Cama nodiwä bä ma cui, bä bada läo nodiablalou juobä, ya bä nia taamaö shi wa̦lii.

Isaías 53:8

A nö bleaamabeje etä cuono ma mlai ma cui, a jimabeje etä cuo ma mlaono wei ma cui, a nomamabeje a öböa fe yadilefälömaje. Bä bufi jaducäa mlalanö a shämalemaje. Camiyäteli bämacö doblou lä mlai tä nowanö, a shämou läoma.

Isaías 9:7

A lofote lä bälöo wei etä nia yai balafälöö. Bä nia yanöcöwä ca̦i lä cudio wei etä nia mladoimi. Bada tä David a jaba nosiemou blaucou lä cuaano weinaja, a nia yai cuaaö nodio. Dodijidawä bä ca̦i fa cuonö, tä nia ulufi lofotomabou. Cama ebä bejedimobä bä nia taamaö. Bä nia dodijamaö. Inaja bä nia taamaö shi wa̦lii. ¿Ö̦jö tawä? Jeobaa a shi̦lo lofote lä ayai a lä cuinö tä nia taö. Cama ebä nofimaö fe balojoo yalo, inaja bä nia taamaö.

Mateo 16:13

Jesúsnö bä lä nocamabono wei, Filibo jamö bä ca̦i aa nomöjölayoma, Sesaleateli bä shabonobö lä cublai jamö. Ö̦ja bä ca̦i wawäblolanö bä wa̦lima. —Camiyä ya lä yanowamöblaleyoluno wei ya lä cui, ¿wedinaja bei wale nofi yai li tabou dodijiaje? ¿Camiyä wedi bei ya jo̦wa? —a cuma.

Mateo 21:10

Jelusale jamö Jesús a yafii däjä, ö̦jamö bä lä bälöle bä shi bluca jalimoma. —¿Fei, wedi bei a ca̦i li juu cuimajei? —bä cuma.

Mateo 8:20

Abinaja Jesús e cuu mö feduoma. —A möla dijä, ya yafibö cuami. Yalo bä bäcabö cublawä. Biyomö bä ma cui, bä yabäcabö cublawä mö feduwä. Ö̦jö ma cui, camiyä ya lä yanowamöblaleyoluno wei ya lä cui, ya yanobö cuami —e cuma.

Juan 10:34

Cama bä nija Jesús abinaja a cuma. —Yai Bada wama etä a̦ oni lä tabole jamö, ¿Yai Bada tänö cafä Isaeli wama ecö a̦fa bufiblamou wäyänomi daanö?

Juan 12:32

Camiyä ya lä cui, ya befi ca̦i nia i̦tao. Ö̦jö däjä, bluca bä lä bälöblai, camiyä nija ya bä nia ajedamaö —a cuma.

Juan 15:25

Moisesi tä a̦ oni lä tabou wejei sibä jamö, tä a̦ lä cuole tä a̦ bejedi wawäblou bufio yalo bä li cuaaö. Abinaja tä a̦ cuu. No mlai ja wale nofi wa̦libomaje. ’Einaja tä a̦ cuu —Jesús a cuma—.

Juan 8:28

Ö̦jö cudeenö, abinaja Jesúsnö bä nowa taö nomöjöoma. —Ya lä yanowamöblaleyoluno wei ya lä cui, wamale befi ca̦i i̦tamaö waiquio däjä, ö̦jö lä däjä, wamale nö nia bejedi ö̦jöböaö. “Ö̦jö lä a waiquiwä cuoma, a da cubleinaja showadawä”, wamale nofi nia tabou. “Cama a bufi cuu lä bädao weinaja, a cuaanomi. Bä Fö̦önö tä a̦ wäyäö ja, a wa̦ yai cuoma”, wamale nofi nia tabou.

Romanos 3:19

¿Ö̦jö tawä? Ei bäma tä daö. Moisesi etä a̦ lä cui, judio bä lija tä a̦ jibämoquema, tä a̦ fuabeje. Judio bä ma cui, judio bä lä mlai bä ma cui, wamicai bä bluca tabobä. Bä a̦ fuo mlai ja, Yai Bada lija bä bluca jimamobä.

Romanos 5:18

¿Ö̦jö tawä? Moli a lä cui a jaba doblou fa mlacunö, yanowamö täbä bluca waimolayoma. Inaja showawä, ai a moli mö feduwä lä cui a fa bejedimonö, täbä bluca bayeliblamou majöwä. Bä lä waimolayono wei etä nowa fa mladamalönö, bä bluca ba̦limiblamaö majöo.

Hebreos 7:24

Ö̦jö ma cui, Jesús a ba̦limi waiquiwä yalo, nofi bäyäalewä ö̦jö a nia shi̦lo läo shi wa̦lii.