Juan 12:25 - Biblia Yanowamö

²⁵ Inaja showawä, yanowamö bä ma cui, eja bä demi nia lä cudio wei tä ja, bä bufi mö lä blucao wei bä lä cui, bä ba̦limi nia cuodayoimi. Eja bä demi nia lä cudio wei tä ja, bä bufi mö blucao lä mlai bä lä cui, ö̦jö bä nia shino ba̦limi cuo ayao.

Juan 12:25 Iomraidhean Croise

Mateo 10:39

Eja bä demi nia lä cudio wei tä ja bä bufi mö lä blucao wei bä lä cui, bä ba̦limi nia cuoimi. Ö̦jö ma cui, camiyä ya nowa ja bä shämou lä ojodao wei bä lä cui, ö̦jö bä nia shino ba̦limi cuo ayao.

Mateo 16:25

Eja bä demi cudiobä wale nofi jole lä mojodubou wejei bä lä cui, bä ba̦limi nia cuodayou malä mlai. Ö̦jö ma cui, camiyä ya nowa ja bä shämou lä ojodao wei bä lä cui, ö̦jö bä nia shino ba̦limi cuo ayao.

Mateo 19:29

’Camiyä nija wamacö bufi mö blucao yalo afä wama täbä daaö ja, wamacö nö bleaaö mlaicätä —a cuma—. Wamacö yafibö ma daamamou wei ma cui, wamacö mashi ma damoquei wei ma cui, faafä, naafä wama bä bluca ma daquei wei ma cui, ijilufä wama bä ma daaö wei ma cui, wamacö ulifibö ma daamamole ma cui, ö̦jö lä täbä bluca showawä ja, wamacö nia dobämamou mö yabao co̦o. Afä wama täbä daa lä tacöfenaja bädawä mlai, bluca täbä ja wamacö nia yai dobämamou fe biyäjäo majöo. Wamacö nia ca̦i ba̦limiblamaö.

Marcos 8:35

Bita ja bä nia demi lä cudio wei tä ja, bä bufi mö lä blucao wei bä lä cui, bä ba̦limi nia cuodayou malä mlai. Ö̦jö ma cui, camiyä ya nowa ja bä shämou lä ojodao wei bä lä cui, iba dodjidawä tä a̦ wäyäö quilii lä mlajei, ö̦jö bä nia shino ba̦limi cuo ayao.

Lucas 14:26

—Camiyä nija a nocao bufi lä doblao wei a lä cuinö, wale nofi yaiboimi ja, a doblou mlaicätä. Bä fö̦ö e ma cui nija, bä nöö e ma cui nija, bä suwäbö e ma cui nija, ö̦jö bä nija a bufi mö blucao dicoo ja, a nö nocaobimi waiquiwä. Bä ijilubö ebä ma cui, cama ebä mashi ma cui, inaja showawä. Cama a ma cui, a nia demi lä cuo wei tä ja a bufi mö blucao dicoo ja, a dobloimi waiquiwä.

Lucas 17:33

’Bita ja bä nia demi lä cudio wei tä ja bä bufi mö lä blucao wei bä lä cui, bä ba̦limi nia cuoimi —a cuma—. Ö̦jö ma cui, camiyä ya nowa ja bä shämou lä ojodao wei bä lä cui, ö̦jö bä nia shino ba̦limi cuo ayao.

Hechos 20:24

Ö̦jö ma cui, ya demi cuobä tä nowa cuami. Ya nofi jo̦lijiomi. Bada tä Jesucristonö wale nowa li taö lä cadidou wei tä ja, ö̦jö tä lä cui ya tä nofi shino li yaibou. Cama dodijidawä ya etä a̦ wäyäbä ya nabä cadidou, Yai Bada tänö täbä nofi lä ojodabou wei tä a̦ lä cui.

Hechos 21:13

Ö̦jö däjä, Pablo a wa̦ juo ja, abinaja yamalecö nowa taö nomöjöoma. —¿Wedi wama tä tabä wamacö li ö̦cöblalou? ¿Wedi tabä wamale bufi li wajäblalamaö? Jelusale jamö Bada tä Jesús ya wa̦fa wäyäö tä nowa ja, yale nia ma o̦cablaö wejei ma cui, ya ojode fe yadiwä. Yale nia yai ma shäö wejei ma cui, ya quiliimi —Pablo a cuma.

Hebreos 11:35

Ai bä suwä lä cuinö, Yai Bada a wa̦ nofi mölabomaje yalo cama ebä nomöa lä bono wejei ebä demi jocädou co̦oma. ¿Ö̦jö tawä? Ai bä mö feduwä lä cuinö, Yai Bada tä a̦ nia fa joyamajenö, bä nö ninili ma bleaamano wejei ma cui, tä a̦ daanomije. Bä bufi bejedio waiquioma yalo, bä fujeblabeje etä ma cuono wei ma cui, “Ma, ya tä a̦ nö joyabimi”, bä cuma. ¿Ö̦jö tawä? Bä nia lä doblaodayou wei tä bufibou waiquiomaje yalo, bä nö bleaamamou ojodaoma.

Apocalipsis 12:11

¿Ö̦jö tawä? Oweja a wa̦fa ocalo lä jilamou wei i̦yäbönö, fecula bada a nö bleaamamaje, bejedi tä a̦ lä wäyäno wejei tä a̦ ca̦inö. Bä shämobä tä ma cui ja bä quilino malä mlai.