Juan 12:23 - Biblia Yanowamö

²³ Jesús abinaja a cuu mö feduoma. —Ya lä yanowamöblaleyoluno wei ya lä cui, Yai Bada tänö wale nia doblao dablamaö. Tä cublou ajedewä waiquia lä cule— a cuma.

Juan 12:23 Iomraidhean Croise

Mateo 25:31

Abinaja Jesús a cuma. —Camiyä ya lä yanowamöblaleyoluno wei ya lä cui, ya shi̦i wacacawä jamö a̦jele ya bä ca̦i lä itole däjä, ya döcäobä täcö lä doblale jamö ya nia döcäo.

Mateo 26:45

Ö̦jö däjä, cama ebä lä nocamabono wei bä nija a waloo lä co̦le däjä, abinaja bä nowa tadaleyoluma. —¡Uo! ¿Wamacö midia showaa cule? ¿Bei wamacö washimi jolou showawä tawä? Bei. Fei däjä, tä cublou waiquia lä cule. Ya lä yanowamöblaleyoluno wei wale nia nomojoliaö, täbä doblou lä mlai bä nija wale jöböabä.

Marcos 14:35

Jesús a bayäcäblou fa co̦lodunö, a blaaledayoma. Yai Bada nija a nö bayeli nacao ja, abinaja a cuma. —Fei däjä wale nö yai nia lä bleaamaö wejei tä lä cui, wa tä blajamabä tä cua ja, tä da blajamalö.

Marcos 14:41

Cama ebä nija 3 a waloo lä co̦le däjä, abinaja bä nowa tadaleyoluma. —¡Uo! ¿Wamacö midia showaa cule? ¿Bei wamacö washimi jolou showawä tawä? Inaja lä waiquiwä. Bei. Fei däjä tä cublou waiquia lä cule. Ya lä yanowamöblaleyoluno wei wale nia nomojoliaö, wa̦lidiwä talewä bä nija wale jöböabä.

Juan 12:16

Ö̦jö tä lä cublaliyono wei tä ja, cama ebä lä nocamabono wei ebä bufi jaducublou showadaonomi. Ö̦jö ma cui, fedu jamö Jesús a lä doblaquedayono wei däjä, Yai Bada etä a̦ oni jamö, a wa̦fa lä wäyämono wei, tä a̦ nofi jaducudaö jälayomaje. Yai Bada etä a̦ oni jamö, a wa̦fa bluca wäyäö lä balöono wejeinaja, a yai bejedi taamamaje. Ö̦jö tä ja, bä bufi yai jaducublou jälayoma.

Juan 12:27

Abinaja Jesús a cuma. —Ya bufi nofi jushublaa lä cule. ¿Wedinaja ya yai cubä? “Fabe. Fei däjä ya nö nia lä bleaaö wei tä ja, ¿wale noshi da umabo”, ya e cubä daanö? Ma, inaja ya taamamobä, ya malä waloqueyoluno wei —a cuma.

Juan 13:1

Yai Bada a waiteli lä jayuano wei tä nofi nia co̦camoaö jaödao co̦omaje. Bä Fö̦ö e nijamö a nia co̦o lä jaödaono wei, Jesúsnö tä daö waiquioma. Ei tä bita tabi nia feiaö co̦oma. Cama ebä bita jamö lä cule, bä showadi lä nofimadino wei, bä nofimaö mladonomi. A waicobä jamö ma cui bä nofimaö fe yadio showaoma.

Juan 7:39

¿Ö̦jö tawä? Cama a wa̦ bejedi lä bufii wejei bä lä cui nija, Yai Bada tä Bufi nia lä jöböamou wei tä a̦fa yai tama. Fedu jamö a doblaodayobä a ösönomi showao yalo, a Bufi jöböamou showaono malä mlai.