Juan 12:16 - Biblia Yanowamö

¹⁶ Ö̦jö tä lä cublaliyono wei tä ja, cama ebä lä nocamabono wei ebä bufi jaducublou showadaonomi. Ö̦jö ma cui, fedu jamö Jesús a lä doblaquedayono wei däjä, Yai Bada etä a̦ oni jamö, a wa̦fa lä wäyämono wei, tä a̦ nofi jaducudaö jälayomaje. Yai Bada etä a̦ oni jamö, a wa̦fa bluca wäyäö lä balöono wejeinaja, a yai bejedi taamamaje. Ö̦jö tä ja, bä bufi yai jaducublou jälayoma.

Juan 12:16 Iomraidhean Croise

Marcos 16:19

Ö̦jö däjä, Bada tä Jesúsnö bä yömölaa jödödöa fa balölönö, fedu jamö a co̦molayoma. Yai Bada boco jayu mashi jamö, a döcäaledayoma.

Marcos 9:32

Ö̦jö ma cui, cama a wa̦fa lä wäamono wei, a wa̦ ji̦lia möblanomije. Tä a̦ ca̦i wa̦lii quilimaje.

Lucas 18:34

Ö̦jö ma cui, Jesús a lä cuno wei tä ja bä bufi jaducuanomi dodijiwä. Yai Bada tänö tä a̦ jo̦yamaboma. Tä a̦ ji̦limou nofi fa mojoduonö bä bufi möblonomi.

Lucas 24:25

Abinaja Jesúsnö cäcöbö nowa tama. —¡Wafäcö bufi jaducuwä lä mlai! Yai Bada a wa̦no wäyälewä bänö tä a̦fa bluca wäyäö ma balöono wejei ma cui, ¡wafä tä a̦ bejedi bufii si ijejewämi!

Lucas 24:45

Ö̦jö däjä bä bufi jaducublamalema, Yai Bada etä a̦ ja bä bufi möblobä.

Lucas 9:45

Ö̦jö ma cui, cama a wa̦fa lä wäamono wei a wa̦ ji̦lia möblanomije. Yai Bada tänö tä a̦ nofi mojodumaboma, bä bufi jaducublou mlaobä. Tä a̦ ca̦i wa̦lii quilimaje.

Juan 12:23

Jesús abinaja a cuu mö feduoma. —Ya lä yanowamöblaleyoluno wei ya lä cui, Yai Bada tänö wale nia doblao dablamaö. Tä cublou ajedewä waiquia lä cule— a cuma.

Juan 14:26

Ö̦jö ma cui camiyä ya wa̦nö, Fayänö Bayeliawä a nia shömaö, cama a Bufi showawä lä cui. Ö̦jö a lä cuinö, bluca tä lä cule tä ja wamacö nia yömölabodii juo. Cafä wamacö nija ya tä a̦ bluca lä wäyäno wei tä a̦ ja, wamacö bufi nia jaducuamaö juo.

Juan 16:4

’Bämacö yömölaö balöa lä cule. Inaja cama bä yai cuaaö däjä, ya bä a̦fa lä wäyäfe wama tä a̦ nofi jaducubobä. Jaba däjä inaja bämacö nowa taö showadaonomi. Bämacö ca̦i nia cudioma yalo, ya wa̦ faö jaöonomi. Fei däjä, wawädowä bämacö nowa taö lä cule.

Juan 17:5

Fabe. Cafä wa lä cule jamö camiyä wale doblao da damalalö. Bita wa tablaö showao mlao däjä, cafä sho bäfäcö doblao lä cuono weinaja showawä.

Juan 2:22

¿Ö̦jö tawä? Jesús a fa nomalönö, a demi jocädou lä co̦layono wei däjä, cama ebä lä nocamabono wei ebä bufi jaducublaliyoma. Yai Bada tä yafibö a̦fa lä tamono wei tä nofi fa jaducubojenö, Yai Bada etä a̦ bejedi bufilemaje. Jesús a wa̦ bejedi ca̦i bufia showalemaje.

Juan 7:39

¿Ö̦jö tawä? Cama a wa̦ bejedi lä bufii wejei bä lä cui nija, Yai Bada tä Bufi nia lä jöböamou wei tä a̦fa yai tama. Fedu jamö a doblaodayobä a ösönomi showao yalo, a Bufi jöböamou showaono malä mlai.

Hechos 2:33

’¿Ö̦jö tawä? —a cuma—. A nö Bada ö̦jöböamobä, cama Yai Bada jayu boco mashi jamö, a döcämabou lä culadi. Ö̦jamö a Bada lä döcämaqueno wei däjä, bä Fö̦önö a dobälema. Cama a Bufi a̦fa wäyämamou lä balöono wei tä ja, a dobälema. Ö̦jö tä ja, cama a fa dobämamoludunö, camiyä yamalecö dobäa fe dolea nomöjölema. Ei wama tä lä möle, wama tä a̦ lä ji̦liale, ö̦jönö tä wawäblamalei lä cufe.

Hechos 2:36

Isaeli wama ecö bufi bluca jaducublobä ya wa̦. Ö̦jö Jesús a lä cui, fii balitama defi ja wama a lä shämaleno wei a showawä lä cui, Yai Bada tänö Bada bei a yai tablamalema. A shömabä a lä yaileno wei, ö̦jö a —a cuma.

Hechos 3:13

Bämacö nö badabö Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija a lä bufiblamou wei a lä cuinö, Jesús a doblao damalalema. ¿Ö̦jö tawä? Ö̦jö Jesús a lä cui, Yai Bada a nosie yai lä juaö wei a, bada bänö a shäbeje, wama a noshi lä ö̦jödabono wei a lä cui. Biladonö ö̦jö a nia ma jujeblano wei ma cui, ö̦jö a mamo mötale däjä, wama a waia dicolema.

Hebreos 12:2

Jesús lija bämacö bufi mö shi̦lo yai da cudio, bämalecö lä lulubou wei a lä cui lija. Bämacö mölaö showaobä bämalecö bufi lofotomabou. Fii balitama tefi ja a nö bleaabä etä ma cuono wei ma cui, a bufi nia doblao ca̦i cuo lä majöono wei tä bufiboma yalo, a ojodao fe yadioma. Jai wa̦lidiwä talewä a nia mömou ma cuono wei ma cui, a bufi quilinomi. Inaja a cuaaö fe yadioma yalo, fei däjä Yai Bada jayu boco mashi jamö a dicäadayoa.

Hebreos 8:1

Ö̦jö a lä cuinö, bämalecö nofi nia lä bäyäaö wei, ö̦jö a bada waiquiwä. Inaja bämacö nowa tabä, yama tä a̦ oniblaö lä cule. Fedu jamö a dicäa waiquiadayoa, Yai Bada tä lä doblaladi jamö. ¿Ö̦jö tawä? Yai Bada jayu boco mashi jamö a dicäa.