Juan 12:13 - Biblia Yanowamö

¹³ Ö̦jö cudeenö, jai lasha si jenabä cuwä jenabä fa däabodujenö, bä a̦ noshi fa jalilaimadunö, Jesús a nabä aa mö balayomaje. Abinaja bä cufälöma. —¡Yai Bada a nofi shino yai da doablaje! Bada a wa̦nö a lä juimi, ¡ö̦jö a shino yai bayeliblamobä a! ¡Isaeli nodiwä bäma ecö nija a Bada läobä a! —bä cuma.

Juan 12:13 Iomraidhean Croise

Levítico 23:40

’Wamacö jaba co̦camou däjä, fii fibä yai lä dodijidai fibä ja, fimo fimo wama bä nia jucaö —a cuma—. Dodijidawä wama si jenabä nia ca̦i doaö. Ai fibä boco lä tetei wama jenabä befi ca̦i nia bou. Ö̦jö wama bä fa däalalönö, camiyä Jeobaa nija wamacö bufi doblalolanö wama bä bobä. Cafä wamacö nija ya bufiblamobä ya. Inaja wamacö cuaalanö 7 wama tä mö nia didi tablamaö.

Mateo 23:39

Abinaja bämacö nowa ca̦i taö showadao. Wamale nofi doaö mö bao showao mlao däjä, wamale nia dablaö co̦daaimi. Abinaja wamacö cuolanö wamale nia shino yai dablaö co̦o. “Yai Bada a wa̦nö a lä juimi a lä cui, Yai Bada nija, ¡ö̦jö lä a shino yai bayeliblamobä a!” ¿Ö̦jö tawä? Einaja wamacö cuolanö wamale nia shino yai dablaö co̦o —bä nowa tama.

Mateo 27:42

—Ai täbä jo̦wa bayeliblaö ma cuaano wei ma cui, ¿wedi tä tabä cama bei a li bayeliblamou mlaa cule? Judio bä nija a bada cuobä a waiquiwä ja, fii balitama defi jamö a basudio dicoo mlai ja, a yai itou showadaobä. Bäma a itou fa dalalönö, ö̦jö däjä bäma a wa̦ bejedi yai bufiblaö showadaobä, ¿ö̦jö tawä?

Juan 1:49

Nataniel abinaja e cuma. —Tä a̦ wäyäle. Cafä Yai Bada wa e Ijilubö waiquiwä. Isaeli bäma ecö nija wa Bada nia lä läo wei, ¡ö̦jö wa dodijiwä!

Juan 12:14

Jesúsnö bulo a ji̦ima fa dälänö a döcäquema, a befi ca̦i jubä, Yai Bada etä a̦ oni lä cuu weinaja showawä. Abinaja tä a̦ cuu.

Juan 12:15

Sionoteli wamacö. Bä quili dijä. Bulo a ocalo ja a döcälanö, ¡cafä wamacö nija a Bada läobä, a juu lä cuimi! ¿Ö̦jö tawä? Einaja tä a̦ cuu.

Juan 19:15

Bä a̦ i̦cali faö ja, abinaja bä cuma. —¡A befi ca̦i da i̦tamacö! ¡A befi ca̦i da i̦tamacö! ¡Fii balitama defi jamö a da basumacö! Bilado abinaja a cuma. —Cafä wamacö nija a bada läobä a lä cui, ¿fii balitama defi jamö, ya basuamabä a daanö? Nofi bäyäalewä blowäjäwä bä lä cui, bä a̦ juoma. —Yama a nofi badabobä, Lomateli bada Sesa a lä cui, ö̦jö a waiquiwä —bä cuma.

Apocalipsis 15:3

Yai Bada a nosie juamobä a Moisesi lä cuinö, ö̦jönö tä a̦ amowa taö lä balöono wei tä a̦ taö co̦omaje, Oweja a wa̦fa ocalo lä jilamou wei tä a̦ ca̦i lä tano wei tä a̦ lä cui. Abinaja bä amowabö a̦ cuma. Cafä Yai Bada wa Bada lä cuinö, wa nö yai lä wa̦lojaö wei wa lä cuinö, wa tä lä taö wei tä nö bluca lojode quilijiwä. Bä bälöjou lä yaiblai bä nija wa Bada läo shi lä wa̦lii wei wa lä cui, showadi wa dodijaö. Showadi wa ca̦i bejedimou.

Apocalipsis 19:16

A lä didile ecö labe jamö a wa̦fa oni cua, bei wacu jamö ca̦i. Abinaja tä a̦ oni cuu. “A nö shino lä wa̦lojaö wei a Bada. A shino Bada lojode lä ayai.” Einaja tä a̦ cuu.

Apocalipsis 7:9

Ö̦jö ya tä daa fa balölalönö, ai ya tä möö co̦oma. Yanowamö bluca ya täbä co̦cablou dalalema, bä nö wabamobö lä mlai. Bluca bä bälöblawä lä yaiblai bä mashi coyocomoma. Bluca bä yaiablalou lä nodiaö wei bä ca̦i. Shomi bä bluca lä bälöblai bä ca̦i. Bluca bä caficö a̦ lä bou wejei bä ca̦i. Bada tä döcäobä etäcö mashi jamö bä bluca ublajaoma, Oweja a wa̦fa ocalo lä jilamou wei a mashi showawä jamö. Camishi labe shuducaje bä ja bä didioma. Lasha si jenabä lä culenaja si jenabä cuwä, si jenabä showabomaje.