Juan 12:1 - Biblia Yanowamö

¹ Bei. Yai Bada a waiteli lä jayuano wei, 6 tä mö jalu cublou däjä tä nofi nia co̦camoaö co̦omaje. Bä iyaö showaa mlai ja, Bedaniateli bä nijamö Jesús a waloa balöquedayoma. Ö̦jamö Lasalo a bälöoma, Jesúsnö a demi jocädamaö lä co̦layono wei a lä cui.

Juan 12:1 Iomraidhean Croise

Mateo 21:17

Inaja bä nowa fa talöfälönö, shabono jamö a faa co̦layofälöma. Bedania jamö a fe jalulayoma.

Marcos 11:11

Jelusale jamö Jesús a fa yafilönö, Yai Bada etä yafi jamö a lucäa showalayoma. Ö̦jamö lä täbä bluca möa fa balöabafälönö, tä weyaaö waiquia ja a faa co̦layofälöma. Ö̦jö däjä, Bedania jamö cama 12 ebä ca̦i aa mö yabaa co̦layofälöma.

Lucas 24:50

Ö̦jö däjä, bä ca̦i faa fa co̦lufälönö, Bedania tä shabono ajede jamö bä lululefälöma. Bococu fa lelejeicunö, Yai Bada nija bä bayeliblamaö bufima.

Lucas 7:37

Faliseo e yafi jamö Jesús a wa̦fa iyaö fa ji̦lilänö, ö̦jöteliyoma a doblou lä mlai a waloquema. ¿Ö̦jö tawä? Toubä nö lä cle̦deli wei toubä ca̦i besi waloquema, toubä nowa bluca lä dodijii.

Juan 11:1

Bedaniateli a Lasalo cuoma. Bä yaö ecöbö ca̦i bälöoma. Marta ai e a̦fa cuoma, María ai e a̦fa cuo mö feduoma. Ö̦jö María a lä cui, toubä nö lä cle̦deli wei toubänö, Bada tä Jesús mamicö fe lä löblaleno wei a suwä cuoma, cama fe̦ta ucunö, mamicö ya̦jöblaö lä majölayono wei a suwä lä cui. ¿Ö̦jö tawä? María bä a̦iyobö Lasalo e lä cui, e jalilioma.

Juan 11:43

Inaja a cuu fa balöonö, a wa̦ i̦cali falayoma. —¡Lasalo! ¡Fäyämö a da fabo!

Juan 11:44

A lä nomalayono wei, a demi jocädou fa co̦lonö, a faa showalayoma. Bei imicö ma cui, bei mamicö ma cui, camishi acadafu bänö a o̦camaoma. Ai cäcönö a mö jo̦yao mö feduo showaoma. Jesúsnö a nabä shimöquema. —A da cushäblalöje, a jubä —a cuma.

Juan 11:55

Yai Bada a waiteli lä jayuano wei, judio bänö a nofi nia co̦camoaö jaödao co̦omaje. Ö̦jö cudeenö, bluca bä lä bälöjöi Jelusale jamö bä juma. Bä iyaö showao mlao däjä, bä nia dodijidablamou balöoma, Moisesinö tä tamaö lä bufino weinaja showawä.

Juan 12:12

Ö̦jö tä fena ja, bä iyaö ca̦i co̦camobä bä bluca lä yododano wei bä lä cuinö, Jelusale jamö Jesús a wa̦fa juu ji̦lilemaje.

Juan 12:20

Jelusale jamö bä iyaö ca̦i co̦camobä bä lä juno wei bä nija, clieco bä ca̦i co̦yocomoma. Yai Bada nija bä möfe bolanö, a wa̦fa ca̦i nia Bada doblao fa tajenö, bä juma.

Juan 12:9

Bedaniateli bä nijamö Jesús a jo̦wa cuoma yalo, Jelusale jamö bä judio lä co̦camono wei bä lä cui, Bedania jamö bä lobe aa balölayofälöma. Jesús a shino möbeje mlai. Lasalo a ma cui, ö̦jö a ca̦i möö bufi doblaomaje, Jesúsnö a jo̦wa demi jocädamaö lä co̦layono wei a lä cui.