Juan 11:51 - Biblia Yanowamö

⁵¹ Cama a bufi lä cuu weinaja, a wa̦ bädao cuonomi. Nofi bäyäalewä ö̦jö däjä a bada läoma cudeenö, ö̦jö nijamö Yai Bada a wa̦no tamou ja̦tooma. Judio bä bluca bayeliblamobä, Jesús a nia shämou lä läono wei, ö̦jö tä a̦fa yai wäyäö ja̦tooma.

Juan 11:51 Iomraidhean Croise

Números 22:28

A shäa fa co̦lönö, yalo a ma cui, Jeobaanö a wa̦ famalema. Balaama nija abinaja bulo e cuma. —¿Wedinaja bäfä li taamaö ja, 3 wale li shäö dicoa cule? —a cuma.

Números 24:2

Tä möö fa cuaanö, Isaeli bä ijilubö ebä nija bä yaiablalou lä nodiano wei bä bälöjou yaiblamou dalalema. Ö̦jö däjä, cama nija Yai Bada tä Bufi fa yanöcöblaicunö,

Mateo 20:28

camiyä ya lä cuaaö weinaja showawä. Camiyä ya lä yanowamöblaleyoluno wei ya ma cui, ya nosiemobä ya junomi. Ya bä yai bayeliblabä, ya li waloqueyoluma. Yanowamö ai ya bä nowa ca̦i bluca co̦amabä, ya jöböamou mö juma —bä nowa tama.

Juan 11:49

Ö̦jö ma cui, cama ai a wa̦ bada fama, Caifasi a wa̦fa lä cuono wei. Nofi bäyäalewä ö̦jö a bada cuoma, ö̦jö däjä. Abinaja bä nowa tama. —Uo. Wiisibö ma cui wamacö bufi nofi jaducubloimi dodijiwä yai.

Juan 18:13

Ö̦jö däjä, Anasi a bada nija a öböa balöquemaje. Nofi bäyäalewä, ö̦jö däjä a bada lä cuono wei a Caifasi lä cui nija a fecamamoma.

1 Corintios 13:2

Jesucristo ebä lä yododaö wei jamö ya etä a̦ wäyäbä, Yai Bada tä Bufinö yale nö ma wa̦lojoablalamaö wei ma cui, ya bufi jaducäa ma jödödöi ma cui, ya bufi dao fe ma balojoi ma cui, Yai Bada ya nofi mölabolanö jefu ya tä balöcö majöblamaö ma daö wei ma cui, ya bufi nofiomi ja, ya no ojode co̦amamobä tä cuami waiquiwä.

2 Corintios 5:21

Cristonö wa̦lidiwä tä dano ma mlai ma cui, camiyä bämacö bayeliblamobä, bäma tä wa̦lidiwä lä tano wei Cristo lija tä yädämaquema. Camiyä bämacö lija, Cristo dodijidawä etä lä cui etä yädäo mö feduobä. Cristo lija bämacö bufi fa cuicunö, Yai Bada lija bämacö dodijidawä dablamou fe yadiobä.

Gálatas 3:13

Moisesi etä a̦ ja bämacö nö cadidobimi waiquiwä yalo, bämacö waimolayoma. Ö̦jö ma cui bämacö bayeliblamou fe yadiobä, Cristonö bämalecö nowa co̦maquema. Bämacö nö lä beblalole jamö a shämoa fa lälönö, cama a waimoa yaclälayoma. Abenaja tä a̦ oni malä cuu wei. Fii balitama tefi jamö bä lä basuo wei, bä bluca waimobä bä li waiquiwä. Einaja tä a̦ oni malä cuu wei.

1 Pedro 2:24

Cama mayo mlai ja, camiyä bämacö mayo ja a yai shämolayoma. Wa̦lidiwä bäma tä lä tano wei, cama nija tä bluca fa yädäblalunö, fii balitama defi jamö ö̦jö tä ca̦i bluca wa̦lidiwä yauoma. Wa̦lidiwä tä ja bämacö cuo co̦o mlaobä a li inaja cuaama. Nomawä bä yabäcäomi lä culenaja bämacö fa cuonö, tä lä dodijidai tä jamö bämacö shino yai cuo nomöjöobä. Cama a lä dusimalaleno wejei tänö, bämacö bufi malä jalolayono wei.

1 Pedro 3:18

Cristo a ma cui, nowa mlai ja a nö malä bleaamano wejei. Camiyä bämacö doblou lä mlai tä nowa ja, ö̦jö cä lä a moli shämoa malä showadalayono wei. A yai lä cadidou wei a lä cui, a shämoa lälayoma, bämacö cadidou lä mlai, Yai Bada nija bämalecö lulubobä. Bei a yai nomaa cadidilayoma ma cui, Yai Bada bei a Bufinö a demi jocädamaö co̦layoma.

1 Juan 2:2

Camiyä bämacö doblou lä mlai, ö̦jö nija Yai Bada tänö bämalecö nowa bluca mladamalema. ¿Ö̦jö tawä? Camiyä bämacö befi shino ayawä mlai, yanowamö täbä bluca lä cublai bä nowa ca̦i mladamaö mö feduobä, a shämou ojodaoma.