Juan 11:47 - Biblia Yanowamö

⁴⁷ Ö̦jö cudeenö, nofi bäyäalewä blowäjäwä bä lä cuinö, faliseo bä mö ca̦i feduwä lä cuinö, bada bä yododoblamalemaje, bä a̦ wayobä. Abinaja bä nowa tayoma. —¿Wedinaja bämacö yai cuaabä, ö̦jö lä? Yai Bada e nö nia fa ö̦jöböamonö, quiji a lä cuinö, tä nö lä quilijii bluca tä wawämadii.

Juan 11:47 Iomraidhean Croise

Mateo 26:3

Ö̦jö däjä showadawä, nofi bäyäalewä bada e yafi jamö, bada bä co̦camolayoma, Caifasi a wa̦fa lä cule e yafi ja. Ö̦jamö lä judio bä bada co̦camolayoma, nofi bäyäalewä bä blowäjäwä sho.

Mateo 5:22

Ö̦jö ma cui, abinaja bämacö nowa taö lä cule. Aifä wa shäö ma mlai ma cui, wa nofi wa̦libou dicoo ja, wa nö bleaamabä wa waiquiwä. Aifä wa shäö ma mlai ma cui, ö̦jö nija wa jushudou dicoo ja, wa jömamobä wa waiquiwä. Wa nö waiblaö dicoo ja, bä dobloimi lä jömaö wejei bä bada nija wa ca̦i jubeje wa. ¿Ö̦jö tawä? “¡Wa bufi jaducäwämi nö lä beblalole!”, aifä wa nowa taö dicoo ja, cafä shobali wacö jamö wa jubä wa.

Marcos 14:1

Judio bänö bolacabö tä mö didi fa cublalunö, Yai Bada a waiteli lä jayuano wei a nofi nia co̦camoaö co̦omaje. Ö̦jö däjä, nii bä juluu lä mlai bä ja, bä jaba iyaö lä cuaano weinaja bä nia ca̦i cuaaö co̦oma, bä jaba lä cuaano wei tä nofi jaducubou showaobeje. Ö̦jö tä nö dabolajenö, bada bänö Jesús a nofi washuamaje. Nofi bäyäalewä blowäjäwä bä ma cuinö, Moisesi etä a̦ ja täbä lä damaö wejei bä ma cuinö, bä bufi moyawälanö a nia fa juwäajenö, a nia shämamaje.

Lucas 22:2

Nofi bäyäalewä blowäjäwä bä ma cuinö, Moisesi tä a̦ ja täbä lä damaö wejei bä ma cuinö, Jesús a shäbeje a nofi washuamaje. Yanowamö täbä nö quili tamaje yalo, a wa̦fa wayoaö ja̦toomaje.

Juan 11:57

¿Ö̦jö tawä? Nofi bäyäalewä blowäjäwä bä ma cuinö, faliseo bä bada ma cuinö, ö̦jö bänö täbä nowa bluca taö waiquiomaje. Jesús a dablaö bädaoje ja, cama bä yömölaö showadaobeje bä a̦ fama, a juwäamaö showadaobeje.

Juan 12:19

Ö̦jö däjä, abinaja faliseo bä nowa tayoma. —Tä da möblaaje. Bäma a nö ja̦amabimi waiquiwä. Bluca bä lä bälöblai bänö, a bufii waiquiweje —bä nowa tayoma.

Juan 2:11

Inaja Jesús a cuaaö ja, tä nö lä quilijii tä jaba wawäblamalema, Yai Bada e nö ö̦jöböamobä. Inaja a doblao damoa fa culalunö, cama ebä lä nocamabono wei bä lä cuinö a wa̦ bejedi bufilemaje. Calilea tä ulifi jamö a cuo däjä, inaja a cuaama, Canaateli bä nijamö.

Juan 6:2

Ö̦jamö lä, Jesús nijamö bluca dodijiwä bä nocalayoma. Yai Bada e nö ö̦jöböamobä, jalili bä jalomaö nö lä quiliano wei tä fa dalalöjenö, bä bluca nocalayoma.

Juan 7:32

Jesús a wa̦fa wajado lä wayoaö wejei, faliseo bä bada lä cuinö bä a̦ fa ji̦liläjenö, cama bä ma cuinö, nofi bäyäalewä blowäjäwä bä ma cuinö, Yai Bada etä yafi jamö bä bada lä läono wei bä nija, Jesús a juwäamaö bufimaje.

Juan 7:45

Ö̦jö däjä, Jesús a juwäabeje, bada bä lä shömöleno wejei bä lä cui, shinoco bä waloa co̦quema. Nofi bäyäalewä bä lä blowäjäi bä ma cuinö, faliseo bä ma cuinö, abinaja ö̦jö bä nowa tamaje. —¿Wedi tabä bei wama a ca̦i li juu showadaonomi? —bä nowa tamaje.

Hechos 5:21

A̦jele a wa̦ fa ji̦liläjenö, Yai Bada etä yafi jamö bä lucäa fa fenalunö, tä a̦ wäyäö co̦o fenaomaje. Bei. Bä nia lä yododano wei jamö, nofi bäyäalewä a badanö, cama ebä ca̦i waloa fenaquema. Ö̦jö däjä, Isaeli ebä bada lä cui, bä bluca nacaa fenaalalema, bä a̦ wayobä. Bä bluca fa co̦cablalunö, Jesucristo ebä nia co̦aö fa fenaojenö, ai ebä shömölemaje, bä fe lä lamaqueno wejei jamö.

Hechos 5:24

Ö̦jö däjä, ö̦jö tä a̦ fa ji̦liläjenö, bä bufi wedinajamolayoma. Yai Bada etä yafi nowamabeje bä ca̦i lä cule a bada ma cui, nofi bäyäalewä blowäjäwä bä ma cui, “Shädayai. ¿Wedinaja bei tä nia cublou nomöjöo, ö̦jö lä?”, bä bufi cudaliyoma.