Juan 11:42 - Biblia Yanowamö

⁴² Showadi wale a̦ shino lä ji̦liaö wei, ya tä daö waiquiwä ma cui, ei bä ublaa lä ajedele bä bufi jaducublobä ya wa̦. Cafänö wale lä shömöleno wei, tä a̦ yai bejedi bufibeje —a cuma.

Juan 11:42 Iomraidhean Croise

Mateo 26:53

“A nö bayeliblamobimi waiquiwä”, ¿bei wale nofi tabou dicoa da culanö? Ma. Fayä nija ya nö bayeli nacao fa cunoja, a̦jele bluca fe balojowä bä lä yododoladi, bä nö shömöa showadalebö wei.

Juan 11:22

Fei däjä ma cui, Yai Bada tänö cafä wa wa̦ lä ji̦liaö wei ya tä daö. Wa tä bayeli nacaö lä bädao wei tä ma cui, tä nia bayeli shömaö —e cuma.

Juan 11:31

¿Ö̦jö tawä? María yedu a fa jocädalunö, a sibolayofälöma. A nofi ojode tabeje, yafi jamö a ca̦i lä loono wejei bä judio lä cuinö a juu dalalemaje. “A nomawä maquebobeje jamö a ö̦cödayobä”, a nofi fa tabojenö, bä yaua showalayofälöma.

Juan 11:43

Inaja a cuu fa balöonö, a wa̦ i̦cali falayoma. —¡Lasalo! ¡Fäyämö a da fabo!

Juan 12:11

¿Ö̦jö tawä? Lasalo a demi lä jocädamaleno wei tä nowanö, Jesús nija bä bufi mö blucablou fa nomöjölonö, judio bä blucanö a bejedi malä bufileno wejei.

Juan 12:17

¿Ö̦jö tawä? Lasalo a nomawä lä maquebono wejei jamö, Jesúsnö a demi famaö lä co̦ono wei däjä, bä mamo bluca lä showaono wei bä lä cuinö tä a̦fa wäyädimaje.

Juan 17:21

Jai moli bä bluca cublobä ya wa̦. Fabe. Camiyä nija cafä wa lä culenaja, cafä nija camiyä ya cua mö lä fedulenaja, inaja showawä camiyä bäfäcö nija ö̦jö bä cuo mö feduobä. Ö̦jö bämacö bluca cublobä. Inaja lä bämacö lä cuaaö wei tänö, yanowamö täbä bufi jaducublobä ya wa̦. Cafänö wale lä shömöleno wei tä lä cui, tä a̦ bejedi bufiabeje.

Juan 17:25

’Fabe, cafä wa lä cadidou wei wa. Yanowamö täbänö wa daö ma mlajei ma cui, camiyänö bäfä daö. Iba bä lä cuinö, eja wale lä shömöleno wei, wale ca̦i daöje.

Juan 17:8

Cama bä nija, cafä bäfä a̦no malä wäyäno wei. Wa wa̦no ji̦liamaje. Cafä nijamö ya cuoma ya lä waloqueyoluno wei tä lä cui, ö̦jö tä bejedi ca̦i daöje. Cafänö wale lä shömöleno wei tä ma cui, ö̦jö tä a̦ ca̦i bejedi bufiije.

Juan 20:31

Ö̦jö ma cui, Jesús wama tä a̦ bejedi bufibä, ya tä a̦ oni taaö lä cule. “Yai Bada tänö a shömabä a lä yaileno wei, ö̦jö Jesús a waiquiwä”, wama a nofi yai tabobä. “Yai Bada bei Ijilubö e”, wama a nofi ca̦i tabobä. Inaja wama a nofi tabolanö, cama a wa̦nö ba̦limi wamacö cuobä.

Juan 3:17

Yai Bada tänö bita jamö bä Ijilubö wale lä shömöleno wei ya lä cui, yanowamö ya täbä nö bleaamabä wale shömano malä mlai. Ya täbä yai jucäabä wale shömölema.

Juan 8:16

Ö̦jö ma cui, ya täbä jömaö ma bädao wei, bejedi lä ya wa̦. Ya täbä jömaö cadidobä, camiyä ya bufi lä cuu weinaja ya nia cuu bädao malä mlai. Wale lä shömöleno wei a lä cuinö, wale a̦ fa bayelibonö ya wa̦ faö malä cui.

Juan 8:29

Wale lä shömöleno wei a lä cuinö wale ca̦i cua showaa lä cule. Wale daanomi. Ya yamimi. Showadi ya bufi malä doblamabou wei —bä nowa tama.

Juan 8:42

Abinaja Jesúsnö bä nowa tama. —Yai Bada wama ecö ijilubö cuo fa cunoja, wamale nö nofimabö wei. Ö̦jö lä Yai Bada nija ya cuoma ya malä juno wei. Camiyä ya juu bashio bufi fa doblaonö mlai, ö̦jönö wale yai shömölema.

Romanos 8:3

¿Ö̦jö tawä? Yanowamö bämacö showadi dobloimi yalo, Moisesinö tä a̦ ma lämaqueno wei ma cui, ö̦jö tä a̦ ja, bämacö nö bayeli cublobimi waiquiwä. Ö̦jö ma cui, Yai Bada tänö bämalecö bayeliblaö fe yadioma. Cama bä Ijilubö e fa shimölödunö, e yanowamöblaleyoluma. Bämacö doblou lä mlai tä nowa ja, a shämou läobä. Bä Ijilubö e lija tä nowa mladamabä, a shämalema,

Gálatas 4:4

Ö̦jö ma cui, Yai Bada tänö bä Ijilubö e shimabä tä yai lä cublaliyono wei däjä, suwä a lija a fa tablamolunö, a yanowamöblaleyoluma. Judio bä lija a cublaliyoma yalo, Moisesi etä a̦ ja a nosiemamobä a li cuo mö feduoma.

Hebreos 5:7

Eja Jesús yanowamö showawä a cuo däjä, Yai Bada lija a nö bayeli nacaoma. A nomaö mlaobä, a noshi umlabou lä dao wei a lä cui lija a ö̦cölanö a wa̦ i̦cali fama. Yai Bada tä nö quili tama yalo, a wa̦ ji̦limolayoma.

Hebreos 7:25

Ö̦jö cudeenö, Jesús a lä cuaano wei tänö, Yai Bada lija bä lä ajedou wei bä lä cui bä nia nowamaö. Bä nowamabä ö̦jö Jesús a waiquiwä. Showadi bä bayelimaö bufibä a ba̦limi cua malä waiquiladi.

1 Juan 4:14

Yanowamö täbä jucäabä, bämacö lä Fö̦ömou wei a lä cuinö, bä Ijilubö e shömölema. Yama a möma. Yama a wa̦fa bejedi ca̦i wäyäö.