Juan 11:41 - Biblia Yanowamö

⁴¹ Inaja a cuma yalo, ma blajaa fe yadimalemaje. Ö̦jö däjä, Jesús a mö fa nonoicunö, abinaja a cuma. —Fabe. Cafänö wale a̦ ji̦liaö ja, ya bufi doblao.

Juan 11:41 Iomraidhean Croise

Mateo 11:25

Ö̦jö däjä, abinaja Jesús a cuma, Yai Bada nija. —Fabe. Fedu jamö ma cui, bita jamö ma cui, cafä lä wa shino Bada cua ayaa. Ei ya tä a̦ lä wäyäfe, bä bufi a̦fa moyawä lä taö wejei bä nija wa tä a̦ nofi mojodumabou. Bä bufi a̦fa dao lä taö wejei bä ma cui nija, inaja showawä. Inaja ö̦jö wa bä ma taamabou däjä ma cui, jai ijilu täbä lä cule bä nija wa tä a̦ yai wawäblamalema.

Mateo 11:26

Awei, Fabe. No mlai ja, inaja wa bä taamaö bufi malä doblaono wei.

Mateo 27:60

Maa maca jamö, cama a nia obi nomawä lä didiano wejei maca jamö, Jesús a nomawä maquequema. ¿Ö̦jö tawä? Jesús a nomawä fa didicöfälönö, maca fe laobä, maa ma bada jiluluquefälöma. Ö̦jö däjä José a co̦layoma.

Marcos 15:46

Jesús a nomawä ja̦loblabä, Josénö camishi acadafu au cäcö lululema. Ö̦jö däjä, a nomawä fa i̦tomalönö, ö̦jö cäcö au dude ja a ja̦loblalema. Maa maca jamö a maquequema, nomawä bä maqueblaabeje maca lä tablaleno wejei jamö. Ö̦jö däjä, maca fe laobä, maa ma bada jiluluquefälöma.

Lucas 10:21

Ö̦jö däjä, Yai Bada tä Bufinö Jesús a bufi doblamabou fe fa balojoonö, bä Fö̦ö nija a wa̦ fama. —Fabe. Fedu jamö ma cui, bita jamö ma cui, cafä lä wa shino Bada cua ayaa. Ei ya tä a̦ lä wäyäfe, bä bufi a̦fa moyawä lä taö wejei bä nija wa tä a̦ nofi mojodumabou. Bä bufi a̦fa dao lä taö wejei bä ma cui nija inaja showawä. Inaja ö̦jö wa bä ma taamabou däjä ma cui, jai ijilu bä lä cule bä nija wa tä a̦ yai wawäblamalema. Awei, Fabe. No mlai ja inaja wa bä taamaö bufi malä doblaono wei.

Lucas 18:13

’¿Ö̦jö tawä? —Jesús a cuma—. Inaja cama a ma cuno wei ma cui, Lomateli bada bä befi bä blada lä doaö wei a lä cui, a ublaa bayäcälanö, Yai Bada tä lä culadi jamö a mö nonoo quilima. A bufi wa̦lidiwä yalo, a balöcö shäablamolanö a wa̦ fama. “Cafä Yai Bada wa lä cui nija ya wa̦ faö lä cule”, a cuma. “Camiyä wa̦lidiwä talewä ya lä cui wale nofi da ojodadalö.” Einaja a cuma.

Lucas 24:2

Maa maca jamö bä fa waloicunö, yoca lä laono wei ma bada jilulano dalalema ma cujei,

Juan 11:22

Fei däjä ma cui, Yai Bada tänö cafä wa wa̦ lä ji̦liaö wei ya tä daö. Wa tä bayeli nacaö lä bädao wei tä ma cui, tä nia bayeli shömaö —e cuma.

Juan 17:1

Inaja Jesús a fa culunö, fedu jamö a mö fa nonoicunö a wa̦ fama. —Fabe, Fabemi. Wale taamaö lä bufio wei, fei däjä tä cublou waiquia lä cule. Ijilufä wale doblao da damalalö, cafä bäfä ca̦i doblao dablamaö mö feduo showadaobä.

Juan 20:1

Domingo tä mö jalu lä cublole däjä, Madalateliyoma María a lä cui, a jocäblou fa fenablalonö, maa maca jamö a aa fenalayofälöma, motoca a jaba juimaö däjä. Bei täca jamö, maa ma bada lä läono wei, shomi jamö ma bada casöa dalalema.

Hechos 7:55

Ö̦jö ma cui, Yai Bada tä Bufinö Esteban a fa jödödöblalunö, fedu jamö a mö fa nonoicunö, Yai Bada bei tä shi̦i dalalema. Jesús a ca̦i ublaa dalalema, Yai Bada jayu boco mashi jamö.

Filipenses 4:6

Bä bufi jalujou dodijio dijä. Tä bluca cublou lä bädao wei tä ma cui ja, wamacö bufi jalujou mlai, Yai Bada a shi̦lo yai da wa̦lije. Bä nacou nosi da blacäco. Cama lija wamacö bufi a̦fa doblalou fa wäyämonö, bä nö shi̦lo bayeli da nacao.