Juan 11:40 - Biblia Yanowamö

⁴⁰ Abinaja Jesús e cuma. —Wale a̦ bejedi bufii ja, Yai Bada wa tä doblao dablaö wä. ¿Inaja bäfä nowa tanomi daanö, ö̦jö lä? —e cuma.

Juan 11:40 Iomraidhean Croise

Éxodo 16:7

’Jeobaa wama a wa̦fa da tablei, wamacö a̦ ji̦lilema. Ö̦jö cudeenö, fena ja Jeobaa wama tä shi̦i nia dablaö fenao. Camiyä yafäcö nija wamacö a̦ ma fano wei ma cui, cama nija wamacö yai jushuoma. Camiyä yafäcö nija wamacö jölabä tä malä mlai. Jeobaa cama yafä a wa̦no yai wäyäö mada cublei —bä nowa taböma.

Mateo 17:20

Abinaja Jesúsnö bä nowa tama. —Yai Bada wama a nofi lä mölabole, jai wamacö ujudi wamacö cuaaö fa dicoonö, wamacö nö wa̦loblonomi. Cafä wamacö nija ei ya wa̦ lä cui, bejedi lä ya wa̦. Yai Bada wama a nofi lä mölabole, wamacö bufi nö wiisibö wa̦lojolanö wama a nofi bejedi mölajadaö bädao ja, cafä wamacö ma cui nija tä nia cublou. Nana shimono wai wiisibö ma cui, shifibä malä badaö wei. Ö̦jö däjä, quiji a jefu ma cui, Yai Bada wama a nofi yai mölabolanö wama a nowa taö ja, a nia majöblou. Inaja Yai Bada wama a nofi mölabou cuo ja, wamacö doblou mlaobä tä nia cuomi.

Marcos 9:23

Abinaja Jesús e cuma. —¿Wedi tabä “Wamalecö bayeliblaö dao ja”, bei wale nowa li taö dicoa cule? Yai Bada a bejedi bufibouje ja, tä bluca tamou malä dao wei —e cuma.

Juan 1:14

Awei. Ö̦jö bei tä a̦ jaba cuo lä showaono wei tä a̦ lä cui, ya̦cumö tä a̦ yanowamöblaleyoluma. A fa yanowamöblalunö, ö̦jönö yamalecö ca̦i bälöoma. Yama a doblao dalalema. Bä Ijilubö moli e cuoma yalo, bä Fö̦ö enö a doblamabou dodijioma. Bejedi lä. Täbä jödödöwä nofi showadi ojodaboma. Showadi a bejedimoma.

Juan 11:4

Ö̦jö ma cui, Jesúsnö a wa̦fa jalili ji̦liaö däjä, abinaja a cuma. —A lä jaliliale tä wayunö, a nia nomawä cudiomi. Yai Bada a wa̦fa doblao tamobä tä li, Yai Bada ya Ijilubö doblao dablamobä —a cuma.

Juan 12:41

¿Ö̦jö tawä? Jesús a nia lä doblaodayou wei a daa showalalema yalo, Isaianö a wa̦fa wäyäö balöoma.

Juan 9:3

Abinaja Jesúsnö bä nowa tama. —Ma. Fei a lä jubäbö wei, cama etä nowanö mlai. Bä nöö e ma cui, bä fö̦ö e ma cui, ö̦jö cäcöbö mayonö ca̦i mlai. Cama nija Yai Bada etä lojode nia yai fa dablamonö, ö̦jö a waiquiwä.

Romanos 6:4

¿Ö̦jö tawä? Bämalecö fa yädämacönö, Cristo a nomabä jamö bämacö nomaa yädälayoma. A nomawä lä didiqueno wejei jamö ma cui, bämacö ca̦i didio yädäoma, a demi lä jocädono wei tä jamö bämacö ca̦i yädäblou mö feduo showaobä. ¿Ö̦jö tawä? Bä Fö̦ö e lä doblale etä lofotenö a demi jocädamaö lä culayono weinaja, inaja showawä camiyä dude bämalecö ca̦i tablamaö mö fedulayoma, bämacö showadi lä cuaano wei bäma tä bufiblaö co̦o mlaobä.

2 Corintios 3:18

¿Ö̦jö tawä? Bämacö quilii mlai ja, Bada tä lä doblale jamö bämacö mö yaidalou ja, cama a lä culenaja bämacö yanöcö nia cublou mö feduo. Bada tä Bufinö, inaja lä showadi bämalecö taamaö malä cui, Cristo a lä culenaja bämacö cublou mö feduobä.

2 Corintios 4:6

Tä mö didiobä jamö, cama a wa̦nö tä jaba lä wacacadamaleno wei a lä cuinö, ö̦jö a showawänö, yamalecö bufi malä wacacamabole. Cristonö Yai Bada tä doblao lä damalaleno weinaja, inaja showawä yama tä dablamaö cuo mö feduobä. ¿Ö̦jö tawä? Tä mö ma dödöono wei ma cui, abenaja a jaba cuu malä balöono wei. Bei. Tä da wacacablalu. Einaja a cuma.