Juan 11:39 - Biblia Yanowamö

³⁹ Abinaja Jesúsnö bä nowa tama. —Maa ma da blajamalöje —bä nowa tama. Inaja a cuu ja, Marta a wa̦ lämoma, bä a̦iyobö e bufi lä mlaqueno wei a lä cui. Abinaja e cuma. —Bada tä. Tä ni ji̦tali waiquiwä cätä. A nomawä maquea lä waiquile, 4 tä mö didi cublou waiquia —e cuma.

Juan 11:39 Iomraidhean Croise

Génesis 3:19

Wa wa̦quefe falanö, wa nia iyaö. Wa demio däjä, inaja wa fa cuaadaloimadunö, ya̦cumö mashita a ja, wa nia co̦cablou co̦o. Mashita a ja, wa tablamolayoma yalo, ö̦jö wa cublou co̦obä wa malä cui —Yai Bada a cuma.

Marcos 16:3

Bä lä juimadi jamö, abinaja bä nowa tayofälöma. —Ö̦jö ma cui, maa maca jamö bämacö lucäbä, maa manö yoca lä lale, ¿wedinö ma li jilulublabä? —bä nowa tayofälöma.

Juan 11:17

Bei. Maa maca jamö, Lasalo a nomawä maquebou waiquioje däjä, 4 tä mö didi cublou waiquilayono wei ja, Jesús a co̦blou jälayoma.

Hechos 13:36

’¿Ö̦jö tawä? —Pablo a cuma—. Einaja tä a̦ cuu. David a lä cuinö, cama ebä ca̦i cuo showao däjä, Yai Bada tänö a tamaö lä bufino wei tä ja, a cadidoma. Ö̦jö däjä, a bufi fa mlaicunö, a nomawä didiquemaje, cama showadi ebä nomawä lä taamaö wejeinaja showawä. A nomawä fa didicöjenö sicö jodelayoma.

Hechos 2:27

Bä lä nomaö wei bä cuobä jamö, wale noshi nia ö̦jödabou malä mlai. Camiyä wale lä yaileno wei ya lä cui, wale sicö nia jodemaimi.

2 Corintios 2:16

Bä nia nomaö shi lä wa̦lijio wei bä lija tä a̦ nö u̦cucamou wa̦li. Tä a̦ bejedi bufiimije yalo, bä malä nomaö wei. Bä nia lä ba̦limio wei bä lä cui bä lija tä a̦ nö shi̦lo u̦cucamou cle̦deli ayawä. Tä a̦ bejedi bufiije yalo bä malä ba̦limiblou wei. ¿Ö̦jö tawä? ¡Tä a̦ yai wayu! Tä a̦ fulimou buobä, tä a̦mi.

Filipenses 3:21

Cama a lofotenö, bei bämacö sicö lä ujudi wei bämacö sicö fa shomiblamalönö, cama sicö dodijidawä lä culenaja, bämacö sicö nia tablamodayou. Cama Jesucristo a lofotenö tä bluca tamobä a malä cui.