Juan 11:26 - Biblia Yanowamö

²⁶ Bä demi lä cublai bä lä cuinö, wale a̦ bejedi bufiije ja, bä nomaö mlaicätä. ¿Ö̦jö tawä? ¿Wale a̦ bejedi bufii cule? —a cuma.

Juan 11:26 Iomraidhean Croise

Mateo 26:53

“A nö bayeliblamobimi waiquiwä”, ¿bei wale nofi tabou dicoa da culanö? Ma. Fayä nija ya nö bayeli nacao fa cunoja, a̦jele bluca fe balojowä bä lä yododoladi, bä nö shömöa showadalebö wei.

Mateo 9:28

Ö̦jö däjä, yafi jamö a lä lucälayono wei jamö cäcöbö lucäa yaua jäa fe yadilayofälöma. Jesús nija cäcöbö fa ajedeicunö, cäcöbö wa̦lima. —“Feinö yafälecö jalomaö wei dao”, ¿bei wafäle nofi tabou? —Jesús a cuma. —Awei, Bada tä. Inaja bäfä nofi tabou dodijia lä cule —a nowa taböma.

Marcos 9:23

Abinaja Jesús e cuma. —¿Wedi tabä “Wamalecö bayeliblaö dao ja”, bei wale nowa li taö dicoa cule? Yai Bada a bejedi bufibouje ja, tä bluca tamou malä dao wei —e cuma.

Juan 10:28

Ö̦jö bä lä cui ya bä ba̦limiblamaö. Bä nia ca̦i nomaimi. Camiyä nija ö̦jö bä nia lä jucäaö wei, moli ma cui a ca̦i cuami.

Juan 14:10

Fayä nija ya lä cule, camiyä nija Fayä a ca̦i lä cule, ¿wama tä a̦ bejedi bufii yailawä? Cafä wamacö nija ya tä a̦ lä wäyäö wei, camiyä ya wa̦ bädawämi. Fayä ya wa̦no wäyäö. Ya ma cuaaö wei ma cui, camiyä nija Fayä a yai culanö, ö̦jönö tä taö.

Juan 4:14

camiyänö ya u lä jöbäaö wei u co̦aöje ja, bä amishaö co̦daaö mlaicätä. Ubä fe lä jojoblai jamö ubä fadii shi wa̦lii lä cuaaö weinaja, ba̦limiblamodima ya u nia lä jöbäaö wei, inaja u fa cuaadinö, ba̦limi bä nia cuo shi wa̦lii —a nowa tama.

Juan 5:24

’Cafä wamacö nija ei ya wa̦ lä cui, bejedi lä ya wa̦—a cuma—. Wale a̦ fa ji̦liajenö, wale lä shömöleno wei a wa̦ bejedi lä bufii wejei bä lä cui, ba̦limi bä cuobä bä li waiquiwä. Bä dobloimi jömamobä bämi. Ö̦jö bä lä cui, bä nomabä bä ma cuono wei ma cui, bä ba̦limiblou nomöjöa lä cule.

Juan 6:47

’Cafä wamacö nija ei ya wa̦ lä cui, bejedi lä ya wa̦ —a cuma—. Wale a̦ bejedi lä bufii wejei bä lä cui, ba̦limi bä cuobä bä li waiquiwä.

Juan 9:35

Mamocu lä jalolayono wei, Jesúsnö a wa̦fa jilulamou ji̦lilema. Ö̦jö däjä, a fa dayäblalönö, abinaja e cuma. —A lä yanowamöblaleyoluno wei a lä cui, cafänö ¿wa wa̦ bejedi bufii cule? —e cuma.

Romanos 8:13

Yanowamö täbä showadi lä cuaaö wei wama tä bufiblaö ja, wamacö nia nomaö shi wa̦lijio. Ö̦jö ma cui, yanowamö täbä showadi lä cuaaö wei tä lä cui, Yai Bada tä Bufinö wama tä mladamaö ja, ba̦limi wamacö nia yai cuo.