23 —A̦iyofä a demi nia jocädou co̦o —Jesús e cuma.
Fei däjä ma cui, Yai Bada tänö cafä wa wa̦ lä ji̦liaö wei ya tä daö. Wa tä bayeli nacaö lä bädao wei tä ma cui, tä nia bayeli shömaö —e cuma.
Abinaja Marta e cuma. —Awei, ö̦jö ya tä daö. Tä lä jödödöblole däjä, Yai Bada tänö täbä demi bluca jocäcamaö co̦o däjä, ö̦jö däjä a demi nia jocädou co̦o —e cuma.
Abinaja Jesús e cuma. —Wale a̦ bejedi bufii ja, Yai Bada wa tä doblao dablaö wä. ¿Inaja bäfä nowa tanomi daanö, ö̦jö lä? —e cuma.
