Juan 11:16 - Biblia Yanowamö

¹⁶ Jesúsnö bä nocamabou mö lä feduono wei bä lä cui nija, Tomás a wa̦ fama, Cäcöbä lä e̦lequeblaliyono wei a, a wa̦fa ca̦i lä jilabono wejei a lä cui. Abinaja a cuma. —Jabo. Bämacö ca̦i da ju. Jesús a nomabä jamö, bäma ecö nomaö yädäo mö feduo showadaobä —a cuma.

Juan 11:16 Iomraidhean Croise

Mateo 10:3

Felipe a ca̦i, Badolomei a ca̦i. Tomás a ca̦i. Mateo a ca̦i, Lomateli bada bä befi bä blada lä doano wei a lä cui. Afeo bä ijilubö Santiago e ca̦i. Tadeo a ca̦i.

Mateo 26:35

Ö̦jö ma cui, abinaja Pedro e cuu fe yadioma. —Ma. Cafä bäfä bayeliblaö ja, ya shämou mö feduobä tä ma cublole ma cui, bäfä nofi nia jole jole mojoduboimi —e cuma. Inaja showawä, cama ai ebä lä nocamabono wei bä bluca cublalou mö feduo showaoma.

Marcos 3:18

Andrés a ca̦i cuoma, Felipe a ca̦i, Badolomei a ca̦i. Mateo a ca̦i cuoma, Tomás a ca̦i, Afeo bä ijilubö Santiago e ca̦i, Tadeo a ca̦i. Simón a ca̦i, cama bä ulifibö jamö täbä shomi lämabou nofi lä wa̦libono wei a Simón lä cui.

Lucas 22:33

Abinaja Pedro a cuma. —Tä a̦ wäyäle. Bäfä nia daaimi. Täbä fe lä lamaö wejei jamö wa fe ma laquei wejei ma cui, wa shäö ma cujei, cafä nija ya nia nocao fe yadio showao —a cuma.

Lucas 6:15

Mateo a ca̦i. Tomás a ca̦i. Afeo bä ijilubö Santiago e ca̦i. Simón a ca̦i, cama bä ulifibö jamö täbä shomi lämabou nofi lä wa̦libono wei a Simón lä cui.

Juan 11:15

¿Ö̦jö tawä? Cama nijamö ya cuonomi yalo ya bufi doblalou, ya cuo lä mlaono wei tänö, wamacö bufi yai jaducublobä. Wamale a̦ bejedi yai bufibä. Bei. Cama nijamö bämacö da ju —a cuma.

Juan 11:8

Abinaja cama ebä cuma. —Tä a̦ wäyäle. Maa mabänö, judio bänö weyajada ja wa nia ma shäyäno wejei ma cui, ¿ö̦jamö bei wa mö nia li yabaö co̦ofälöö? —bä cuma.

Juan 13:37

Pedro abinaja e cuma. —Tä a̦ wäyäle. ¿Wedi tabä wale li yaumabou showadaomi? Cafä bäfä bayeliblabä, ya shämobä tä ma cui ja, ya ojodaa lä cule —e cuma.

Juan 14:5

Tomás abinaja e cuma. —Bada tä. Wa nia lä juu wei jamö yama tä daimi. ¿Wedinaja yama yo li daö cuobä?

Juan 21:2

Cama ebä lä nocamabono wei, ei 7 ebä li cuoma. Simón Pedro a cuoma, Tomás a ca̦i, Cäcöbö lä e̦lequeblaliyono wei a, a wa̦fa ca̦i lä jilamou wei a lä cui. Canaateli Nataniel a wa̦fa lä cule a ca̦i. Sebedeo bä ijilubö ecöbö ca̦i. Jesúsnö bä lä nocamabono wei ai ecöbö ca̦i.

Hechos 1:13

Bä fa yafilönö, bä bälöblao lä feyacaono wei jamö bä fa dubofälönö, bä lucälayoma. Abinaja bä bluca cuoma, Pedro, Juan, Santiago, Andrés, Felipe, Tomás, Badolomei, Mateo, ö̦jö bä bluca lucälayoma. Afeo bä ijilubö Santiago a ca̦i lä cui. Simón a ca̦i lä cui, Lomateli täbä lämabou nofi lä wa̦libono wei a lä cui. Santiago bä ijilubö Juda a ca̦i lä cui.