Juan 11:11 - Biblia Yanowamö

¹¹ Inaja a cuu fa balöonö, abinaja bä nowa taö nomöjöoma. —Bäma a lä nofimaö wei a Lasalo miquema ma cui, ya la̦maö co̦obä ya nia juu —bä nowa tama.

Juan 11:11 Iomraidhean Croise

Éxodo 33:11

Inaja showadi tä fa cuonö, Jeobaanö Moisesi a wa̦ wayoblaamama. Bä lä nofimayou wei bä a̦ wawädowä wayomayou lä cuaaö weinaja, inaja showawä Jeobaanö Moisesi a wa̦ wawädowä wayomaö cuaama. Ö̦jö däjä, bä lä bälöle bä nijamö Moisesi a shino jublaadima ma cui, a lä bayeliblano wei a fiya lä cui, Josué a lä cui, ö̦jamö lä bei a showadio juoma. Ö̦jö Josué a lä cui, Nuni bei ijilubö e cuoma.

Mateo 27:52

Nomawä bä lä didibono wejei macabä ma cui, macabä aca calolaliyoma. Yai Bada ebä nomablou lä balöono wei bä ma cui, ai ebä demi jocäcäa fa co̦lalunö

Mateo 9:24

—Bä siboa da co̦lufälö. Wama a moco nomöa lä bole, a nomaö cadidio malä mlai. A mia bädaa lä cule. Inaja bä nowa tama ma cui, a lä nomalayono wei tä daö waiquiomaje yalo, a noca i̦cablalamaje.

Marcos 5:39

Yafi jamö a fa lucälönö, abinaja bä nowa tama. —¿Wedi tabä wamacö a̦ nö li bleaaö cule? Wama a moco nomöa lä bole, a nomaö cadidionomi. A mia bädaa lä cule —bä nowa tama.

Juan 11:10

Ö̦jö ma cui, didi däjä täbä juu dicoo ja, tä lä wacacai etä cuami yalo, täbä wäcäblou si ijejewä —a cuu ja̦looma.

Juan 11:12

Cama ebä lä nocamabono wei bä lä cui, abinaja bä cuma. —Tä a̦ wäyäle. A miquema ja lä, a jalou co̦o weicätä —bä cuma.

Juan 11:13

A lä nomalayono wei, Jesúsnö tä a̦fa yai wayoama ma cui, showadi täbä modawä ca̦i lä mio wei tä a̦fa bufimaje.

Juan 11:3

Ö̦jö cudeenö, Jesús nija a wa̦fa wäyäbä, bä yaö ecöbönö, ai a shömöbölema. Abinaja a nowa nia tayoluma. “Tä a̦ wäyäle. Afä nofi a jalili tai”, a nowa nia tayoluma.

Juan 3:29

’¿Ö̦jö tawä? —Juan a cuma—. Wa̦lonö suwä a däaö ja, cama e li suwä. Ö̦jö a wa̦ ja, cama e nofi lä cui, e bufi nia doblalou mö feduo. Inaja showawä, ö̦jö a nö Bada ö̦jöböaöje ja, fei däjä ya bufi shino yai doblalou.

Hechos 7:60

Ö̦jö däjä, Esteban a fa diyäliicunö, moli a wa̦ i̦cali faa co̦layoma. —Bada tä. Ei wale lä shälajei bä nija, wale nö bäshölö tabo dijä —a fa cudalunö, a bufi mlaa showadaquema.

1 Corintios 15:18

Tä nowa cuo showao fa cunoja, Jesucristo ebä nomaa lä waiquilayono wei bä ma cui, bä nö dablou co̦obö mlai, bä nö bleaaö shi wa̦libö wei.

1 Corintios 15:34

Bä bufi da jaducäicu. Wa̦lidiwä wama tä taö dicoo mlai. “Yai Bada ya daö”, wamacö cuu ma cui, ai wamacö bejedimou malä mlai. Wamacö shädayaimobä ya wa̦.

1 Corintios 15:51

Wamale a̦ da ji̦li. Tä a̦ jaba lä jo̦yaono wei ya tä a̦ wawämaö lä cule. Ai bämacö nia nomaimi. Bämacö bluca nomaö ma mlai ma cui, bämacö nia bluca shomiblou.

Efesios 5:14

Ö̦jö cudeenö abenaja tä a̦ oni cuu. Wa lä mile, ¡a da la̦lö! Nomawä wa lä blale, ¡a da jocäblalu! Ö̦jö däjä Cristonö wamacö bufi nia yai wacacamabou. Einaja tä a̦ oni cuu.

1 Tesalonicenses 5:10

Bämalecö nowamabä, a Jesucristo nomaa lälayoma. A itou co̦oyoluu däjä, bämacö demi lä showai bämacö ma cui, bä nomaa lä waiquilayono wei bä ma cui, cama lija bämacö bluca cuo shi wa̦libä, a nomaa lälayoma.

Santiago 2:23

Yai Bada etä a̦ oni lä cuu weinaja tä cublaliyoma. Abinaja tä a̦ cuu. Yai Bada a wa̦ fa ji̦limolunö, Ablaamönö a wa̦ bejedi bufia showadaalema. Cama Yai Bada a wa̦ bufiblamou fa damolalunö, jai a cadejewä waiquiwä bei a nofi Ablaamö tadaö showadalayoma. Einaja tä a̦ oni cuu. Ablaamö a lä cui, Yai Badanö cama nofi e a̦fa jilaboma.