Juan 10:6 - Biblia Yanowamö

⁶ Inaja a cuu yacläoma yalo, tä a̦ a̦fa yai lä wayoano wei, tä a̦fa ji̦liaö cadidionomije.

Juan 10:6 Iomraidhean Croise

Mateo 13:34

Täbä bluca lä co̦camono wei täbä nija, Jesúsnö ei tä a̦ bluca wäyäö yacläoma. A wa̦ ja̦loablalou mlai ja, täbä yömölanomi.

Mateo 13:51

Ö̦jö däjä, Jesúsnö cama ebä wa̦lima. —Ei ya tä a̦ bluca lä wäyäfe tä a̦ ja, ¿wamacö bufi jaducublou cule? —a cuma. —Awei —ebä cuma.

Marcos 4:34

¿Ö̦jö tawä? A wa̦ ja̦loablalou mlai ja, bä yömölanomi dodijiwä. Ö̦jö ma cui, cama ebä lä nocamabono wei bä ca̦i yamio däjä, cama bä nija tä a̦ bluca wawämama.

Juan 16:25

Abinaja Jesús a cuma. —Cafä wamacö nija ya tä a̦ wäyäö däjä, ya wa̦ faö yaclämou talei. Ö̦jö ma cui, ya wa̦ faö yaclämou mlai ja, wawädowä ya wa̦ nia lä faö wei tä cublou ajedewä waiquiwä. Fayä ya wa̦fa nia wawädowä wäaö.

Juan 16:29

Jesúsnö bä lä nocamabono wei, abinaja bä cuma. —Ja̦o. Fei däjä wa wa̦ faö yacläablalou mlai ja, wawädowä wa wa̦ faö.

Juan 6:52

Ö̦jö däjä, Jesús a wa̦ ja judio bä a̦ lafumayoma. Abinaja bä cuma. —¿Wedinaja bei ya̦ji nia li jöböamou cuo, bäma ya̦ji wabä?

Juan 6:60

Jesús nija bä lä nocaono wei ai bä lä cui, ö̦jö a wa̦ fa ji̦liläjenö, abinaja bä nowa tayoma. —Ö̦jö tä a̦ ji̦limamou nofi jaducuwämi. Tä a̦ ji̦lio nö möblobimi —bä cuma.

Juan 7:36

“Wamale nia ma dayäö wei ma cui, wamale nia dablaimi”, a cuma. “Ya nia lä cuo wei jamö, wamacö juu daomi”, a ca̦i cuma. ¿Ö̦jö tawä? ¿Wedinaja a bufi yai fa cunö, bei a wa̦ li cuo cufe? —bä cuma.

Juan 8:27

¿Ö̦jö tawä? Bä Fö̦ö e a̦fa yai lä wayoano wei tä ja, bä bufi jaducublonomi.

Juan 8:43

¿Wedi tabä wamale a̦ ji̦lia möblaimi ö̦jö lä? Wedi tabä mlai. Wamale a̦ ji̦liaö moji waiquiwä yalo, wamale a̦ ji̦lia möblaimi.

1 Corintios 2:14

Yai Bada tä Bufi tabou lä mlajei bä lä cuinö tä a̦ ji̦liaö möblaimije. Yai Bada lija bä bufi jaducäo fa mlacunö, tä a̦ ca̦i ji̦liaö bufiomije. Tä Bufi taboimije yalo, tä a̦ nö bejedi ö̦jöböblaimije.

2 Pedro 2:22

Täbä showadi lä cuu weinaja, cama bä nija etä bejedi cublaliyoma. Abinaja täbä lä cuu wei. “Ji̦ima bänö, nii bä ma joblalei wejei ma cui, bä waö mö yabao malä co̦o wejei.” Einaja täbä cuu. Abinaja ca̦i. “Coshino bä ma aublou wei ma cui, a̦ji a̦ji bä jamö yedu bä jö̦löcou mö yabablao malä co̦o wei.” Einaja täbä malä cuu wei. ¿Ö̦jö tawä? Mijamö tä a̦ jole lä wäyäö wejei bä lä cui, inaja bä cuaaö fa dicoonö bä nö bleaamamobä bä li waiquiwä.

1 Juan 5:20

Yai Bada a lä cui, ö̦jö a shino yai bejedimou. Ö̦jö bäma a dabä, bei Ijilubö e fa itoliyonö bämalecö bufi jaducumabou lä cule. Bä Ijilubö Jesucristo nija bämacö cua lä cule, a yai lä bejedi wei a lä cui nija. A bufiblamobä ö̦jö a shino yai bejedi cua ayaa. Ba̦limi bämacö cuobä, ö̦jö a waiquiwä.