Juan 10:4 - Biblia Yanowamö

⁴ Sibo jamö, cama ebä ca̦i bluca fa falönö, a balöafälöö. A wa̦ nö fa ö̦jöböajenö, ö̦jö nija oweja bä li yauquei.

Juan 10:4 Iomraidhean Croise

Mateo 16:24

Ö̦jö däjä, bä lä nocamabono wei bä lä cui, abinaja Jesúsnö bä nowa tama. —Camiyä nija bä nia lä nocao wei bä lä cui, cama bä cuaaö bufi lä doblao wei tä ja, bä nia yai wasöo. Wale bufiije yalo, bä ma shäöje däjä bä nia ojode cuo fe yadio. Bä nia nocao fe yadio.

Juan 10:16

’Ai ya bä oweja ca̦i tabou, fei ya bä lä ji̦colobole mlai. Ö̦jö ya bä blacämaö mö feduobä ya. Ö̦jö bänö wale a̦ ca̦i nia ji̦liaöje. Ö̦jö ya bä fa co̦lönö, oweja moli bä nia shino yododoo. Ya bä nowamabä, moli ya nia shino läo.

Juan 10:27

Iba oweja bä yai lä cuinö wale a̦ yai ji̦liaöje. Ya bä ca̦i daö. Camiyä nija bä ca̦i yauo.

Juan 10:3

Ö̦jö a faö bufio ja, yoca lä jolemabou wei a lä cuinö e yoca caloblaö showadao. ¿Ö̦jö tawä? Oweja bänö ö̦jö a wa̦ ji̦lileije. Oweja bä a̦fa jayumalanö, sibo jamö bä lululefälöö.

Juan 10:5

Shomi nija bä yauomi, bä shino doculayou. Shomi bä a̦ nö ö̦jöböaö malä mlajei —a cuma.

Juan 10:8

Ya juu showao mlao däjä, bä bluca waloo lä baloöno wei bä lä cui, bä lä tomömou wei, ö̦jö lä bä li cuoma. Shomi etäbä lä lämaö wejei, ö̦jö lä bä showawä. Ö̦jö ma cui, ö̦jö bä nija oweja bä a̦ juonomi.

Juan 12:26

Wale a̦ juaö lä ojodao wejei bä lä cui, camiyä nija bä nocaobä ö̦jö bä li. Camiyä ya cuobä jamö, ö̦jö bä nia shino cuo. Wale a̦ juaö lä ojodao wejei bä lä cui, Fayänö bä nofi nia dodijidawä tamabou —a cuma.

Juan 13:15

Wamale owämabä ya tä malä tafe, cafä bämacö taamaö lä cuaafenaja wamacö taamayou mö feduobä.

Juan 18:37

—Ö̦jö waiquiwä —Bilado e cuma—. Bada wa wa̦fa jilou malä waiquiofe. —Cafänö wale a̦fa shino bada jilaö lä cufe —Jesús e cuma—. Bejedi ya tä a̦ wawämabä ya oshe tablamolayoma. Inaja ya cuaabä ya bita jamö waloqueyoluma. Bejedi tä a̦ nofi lä yaibou wejei bä blucanö, wale a̦ ji̦liaöje —e cuma.

Juan 3:29

’¿Ö̦jö tawä? —Juan a cuma—. Wa̦lonö suwä a däaö ja, cama e li suwä. Ö̦jö a wa̦ ja, cama e nofi lä cui, e bufi nia doblalou mö feduo. Inaja showawä, ö̦jö a nö Bada ö̦jöböaöje ja, fei däjä ya bufi shino yai doblalou.

1 Corintios 11:1

Cristo ya owämaö lä cuaaö weinaja, wamale owämaö cuaaö mö da feduo.

Efesios 5:1

Ö̦jö cudeenö, Yai Bada bei ijilubö wama ecö yalo, ö̦jö a shi̦lo yai da owämaje. Wamacö nofimaö fe balojowä.

Hebreos 12:2

Jesús lija bämacö bufi mö shi̦lo yai da cudio, bämalecö lä lulubou wei a lä cui lija. Bämacö mölaö showaobä bämalecö bufi lofotomabou. Fii balitama tefi ja a nö bleaabä etä ma cuono wei ma cui, a bufi nia doblao ca̦i cuo lä majöono wei tä bufiboma yalo, a ojodao fe yadioma. Jai wa̦lidiwä talewä a nia mömou ma cuono wei ma cui, a bufi quilinomi. Inaja a cuaaö fe yadioma yalo, fei däjä Yai Bada jayu boco mashi jamö a dicäadayoa.

Hebreos 6:20

Nofi bäyäalewä a Bada cuo shi wa̦libä Jesús a fa cublalunö, ö̦jamö lä a fua waiquia balölayoma. Mequisedeco a lä cuinö täbä nofi bäyäbou cuo lä balöono weinaja, bämalecö nofi bäyäbou cuo nomöjöodayobä.

1 Pedro 2:21

Inaja wamacö cuaabä wamacö. ¿Ö̦jö tawä? Inaja Yai Bada tänö wamacö taamaö bufi fa doblaonö, wamacö malä nacaleno wei. Cristo a ma cui, inaja cama a ca̦i cuaaö malä balöono wei. Cama a doblou lä mlaono wei tä nowa ja mlai, camiyä bämacö doblou lä mlaono wei tä nowa ja a nö yai bleaamamaje. ¿Ö̦jö tawä? Ö̦jö bäma a owämabä lä a waiquiwä, cama a bufi yanöcöwä ca̦i cuo fe lä yadiono weinaja bämacö cuaaö nodiablalobä.

1 Pedro 4:1

Cristo a lä cui yanowamö a cuo däjä, a nö nini li bleaaö balöoma. Inaja a cuaaö ojodaoma yalo, cafä wamacö ma cui, inaja showawä bä nö ca̦i bleaaö ojodao cuo mö da feduo. Jesucristo a nowa ja bä nö bleaaö lä ojode wei bä lä cui, wa̦lidiwä tä ja bä yabäcamou si ijejeo malä mlai.

1 Pedro 5:3

¿Ö̦jö tawä? Wama bä nosiemaö fe blacäjou mlai ja, dodijidawä wama bä yai nia lulubou. Wamacö dodijaö fa möjenö wamacö owämabeje wamacö yai cuobä.