Juan 10:3 - Biblia Yanowamö

³ Ö̦jö a faö bufio ja, yoca lä jolemabou wei a lä cuinö e yoca caloblaö showadao. ¿Ö̦jö tawä? Oweja bänö ö̦jö a wa̦ ji̦lileije. Oweja bä a̦fa jayumalanö, sibo jamö bä lululefälöö.

Juan 10:3 Iomraidhean Croise

Éxodo 33:17

Abinaja Jeobaa a cuma, Moisesi nija. —Wa lä cufenaja, ya cuaaö weicätä. Wale bufi malä doblamabole. Cafä bäfä li daö malä waiquile —a Jeobaa cuma.

Juan 10:14

Abinaja Jesús a cuu co̦oma. —Oweja ya bä yai lä nowamaö wei, ö̦jö bei ya. Fayänö wale daö lä culenaja, cama ya ca̦i daö cuwä mö lä fedulenaja, inaja showawä, iba ya bä daö cuwä mö feduwä. Iba bä lä cuinö camiyä wale cai̦ daö mö fedua lä culajei. ¿Ö̦jö tawä? Oweja ya bä nowamabä, ya nia lä shämou wei tä ma cui ja, ya ojode.

Juan 10:16

’Ai ya bä oweja ca̦i tabou, fei ya bä lä ji̦colobole mlai. Ö̦jö ya bä blacämaö mö feduobä ya. Ö̦jö bänö wale a̦ ca̦i nia ji̦liaöje. Ö̦jö ya bä fa co̦lönö, oweja moli bä nia shino yododoo. Ya bä nowamabä, moli ya nia shino läo.

Juan 10:4

Sibo jamö, cama ebä ca̦i bluca fa falönö, a balöafälöö. A wa̦ nö fa ö̦jöböajenö, ö̦jö nija oweja bä li yauquei.

Juan 10:9

Camiyä ö̦jö bei cä ya yoca. Camiyä nija bä lä faö wei, bä nia jucäamou. Bä iyabä, quilii mlai ja bä nia fadii.

Juan 6:37

’Camiyä nija Fayänö bä yanowamö lä jöböaö wei bä bluca lä cui, camiyä nija ö̦jö bä nia juu. ¿Ö̦jö tawä? Camiyä nija bä lä juu wei bä lä cui, ya bä waii mlaicätä.

Juan 6:45

Yai Bada a wa̦no wäyälewä ai a wa̦ oni jamö, abinaja tä a̦ cuu. Yai Bada nija täbä nia bluca damamou. ’¿Ö̦jö tawä? —a cuma—. Einaja tä a̦ cuu. Fayä a wa̦no fa ji̦liläjenö, bä yai lä damamou wei bä lä cui, camiyä nija bä juu.

Romanos 8:30

Bä lä yaibono wei bä ca̦i nacama. Bä lä nacano wei, jai bä dodijidawä waiquiwä bä nofi ca̦i taboma. Ö̦jö bä nofi lä tabono wei bä lä cui, bä doblaodayobä bä ca̦i tablamalema.

1 Corintios 16:9

Eja walalawä ya etä a̦ wäyädibä, Yai Bada tänö tä tabou waiquia lä cule. Bluca täbänö wale a̦ ji̦liaö bufi doblaa lä culajei. Täbä a̦ lä lämou wei täbä ca̦i bluca mö feduwä.

Filipenses 4:3

Cafä lija ya wa̦ ca̦i faö lä cule, cafä sho dodijidawä bäfäcö shi̦lo lä ojodamou wei wa lä cui lija. Ei ya cöbä a̦fa suwä lä jayumafe cäcöbä nofimayou co̦obä, wa cöbä cadidamabä, ö̦jö lä. Dodijidawä wale mada bayeliblaböblei. Jesucristo yama etä a̦ dodijidawä wäyäö fe yadiobä, cäcöbä nö mada wa̦lojablei. Clemede sho, iba ai bä ca̦i bluca lä yädäono wei bä sho, bäma tä a̦ wäyäö fe lä yadiono wei däjä, cäcöbä nö suwä mada wa̦lojablei. Täbä nia lä ba̦limiodayou wei täbä a̦fa lä onibole sibä ja, Bada tänö täbä a̦fa bluca malä oniboladi.

Colosenses 4:3

Camiyä yamacö ma cui, yamalecö nö bayeli ca̦i da naca, Yai Bada tänö tä tamabou ja, Cristo etä a̦ daö lä mlalajei jamö yama etä a̦ wäyäbä, etä a̦ jo̦yao lä balöono wei etä a̦ lä cui. Ö̦jö ya tä a̦ wäyäö nofi jushuaö yalo wale fe labou lä culajei.

2 Timoteo 2:19

Ö̦jö ma cui, Yai Bada tänö cama ebä lofotomabou fe yadio, dodafi bänö yano bä lofotobou lä culajeinaja showawä. Abenaja etä a̦ oni cuu. Bada tänö cama ebä daö waiquiwä. Einaja tä a̦ cuu. Abenaja ca̦i. Bada ebä a̦fa lä jilou wei bänö, wa̦lidiwä tä taö mladobeje, ö̦jö bä li waiquiwä.

1 Pedro 1:12

Ö̦jö däjä, Yai Bada tänö bä moyawäblamalema. Cama bä nia bayeliblamou lä showadaono wei tä a̦ cuonomi. Ma, cafä wamacö nia obi yai lä bayeliblamono wei tä a̦ yai jo̦wa cuoma. ¿Ö̦jö tawä? Inaja bä nowa tama. Bä nowa lä tano weinaja, inaja showawä tä bejedi cublaliyoma. Fedu jamö culanö Yai Bada tä Bufi fa shömöludunö, fei däjä ö̦jö tä lojodenö cafä wamacö nija tä a̦ yai wäyämaje. ¡Tä a̦ yai doblao! Yai Bada tänö bämalecö lä bayeliblaö wei tä a̦ lä cui ja, Yai Bada etäbä a̦jele lä culadi täbä ma cui täbä bufi ca̦i shino dayäodii. ¡Bämacö bufi doblalobä lä!

1 Juan 4:6

Camiyä bämacö mö feduwä lä cui, Yai Bada bei bäma ecö li. Yai Bada tä lä daö wejei bänö bämalecö a̦ ji̦liaö bufi doblaoje. Yai Bada ebä lä mlai bänö bämalecö a̦ ji̦lii bufiomije. Ö̦jö lä tänö Yai Bada tä Bufi lä tabou wejei bäma bä nö ö̦jöböaö. Bä lä jolemou wei bä ca̦i.

3 Juan 1:14

Bäfäcö dablayou fa jaödaonö, dodijidawä bäfäcö a̦ yai wayobä.

Apocalipsis 20:15

Ba̦limi bä nia lä cudio wei bä a̦fa lä onibole si ja, bä a̦fa oni cua lä mlai bä lä cui, cowa wacö ca jamö bä ca̦i bluca quemabalema.

Apocalipsis 3:20

¿Ö̦jö tawä? Bei yoca lä jolele jamö ya nö dadia lä cule. Wale famabeje ya tä ca̦i cloocaö. Wale a̦ fa ji̦lilänö, ai tänö yoca caloblaö ja ya nia faö. Ö̦jö sho yafäcö nia iyalayou.

Apocalipsis 7:17

Bada tä döcäobä etäcö ajede jamö, Oweja a wa̦fa ocalo lä jilamou weinö bä nia nowamöbou. Oweja bä ca̦i lä cuo wejei bänö bä yalo nowamaö lä cuaaö wejeinaja, inaja showawä bä nia taamaö. Ba̦limiblamodima ubä fe lä jojoblai jamö bä nia lulubou cuaaö. ¿Ö̦jö tawä? Ö̦jö bä lä cui, Yai Bada tänö bä mabuubö nia jödödöwä ya̦jöblaö —bada a cuma.