Juan 10:29 - Biblia Yanowamö

²⁹ Iba oweja bä lä cui, Fayänö bä jöböbema. Ö̦jö a shino yai lojode ayawä. Fayä a ma cui nija bä nia ca̦i jucäamoimi. Ö̦jö nija bä jucäabä, moli ma cui a ca̦i cuami.

Juan 10:29 Iomraidhean Croise

Juan 10:28

Ö̦jö bä lä cui ya bä ba̦limiblamaö. Bä nia ca̦i nomaimi. Camiyä nija ö̦jö bä nia lä jucäaö wei, moli ma cui a ca̦i cuami.

Juan 10:30

Fayä sho, ö̦jö yafäcö waiquiwä —a cuma.

Juan 14:28

Ya nia lä co̦o wei, ya nia obi ca̦i juu lä co̦o wei, cafä wamacö nija ya wa̦fa wäyämou waiquia. Wamale yai nofimaö fa cunoja, Fayä nija ya nia lä co̦o wei tä ja, wamacö bufi nö yai doblalobö wei. Ö̦jö a shino yai Bada malä cui.

Juan 17:11

Fei däjä, ei bita a lä cui ya nia daaö. Iba bä cuo juo däjä, cafä nijamö ya nia co̦o. ’Fabe. Cafä yami wa yaia —a cuma—. Cafä sho bäfäcö moli lä culenaja bä molio mö feduobä, bä da nowama. Cafä wa lojodenö wa bä nowamabä, camiyä nija wa lojode lä wäyämono wei tä showawä lä cuinö.

Juan 17:2

Jödödöwä ya täbä juwäbobä, Bada wale malä tablamaleno wei, camiyä nija wa bä bluca lä jöböbeno wei, ba̦limi ya bä tablamabä.

Juan 17:6

’Fabe —a cuma—. Ei bita jamö afä wa bä lä tabono wei, camiyä nija wa bä jöböbema. Wa bä lä jöböbeno wei bä nija, cafä bäfä damalalema. Wa wa̦ nofi cadidibouje.

Juan 17:9

’Ö̦jö ya bä nö bayeli nacaö lä cule —a cuma—. Yanowamö ya täbä nö bayeli nacaö ma mlai ma cui, cafänö wa bä lä jöböbeno wei, ö̦jö ya bä shino yai bayelimaö. Afä bä malä cui.

Juan 6:37

’Camiyä nija Fayänö bä yanowamö lä jöböaö wei bä bluca lä cui, camiyä nija ö̦jö bä nia juu. ¿Ö̦jö tawä? Camiyä nija bä lä juu wei bä lä cui, ya bä waii mlaicätä.