Juan 10:27 - Biblia Yanowamö

²⁷ Iba oweja bä yai lä cuinö wale a̦ yai ji̦liaöje. Ya bä ca̦i daö. Camiyä nija bä ca̦i yauo.

Juan 10:27 Iomraidhean Croise

Juan 10:16

’Ai ya bä oweja ca̦i tabou, fei ya bä lä ji̦colobole mlai. Ö̦jö ya bä blacämaö mö feduobä ya. Ö̦jö bänö wale a̦ ca̦i nia ji̦liaöje. Ö̦jö ya bä fa co̦lönö, oweja moli bä nia shino yododoo. Ya bä nowamabä, moli ya nia shino läo.

Juan 10:14

Abinaja Jesús a cuu co̦oma. —Oweja ya bä yai lä nowamaö wei, ö̦jö bei ya. Fayänö wale daö lä culenaja, cama ya ca̦i daö cuwä mö lä fedulenaja, inaja showawä, iba ya bä daö cuwä mö feduwä. Iba bä lä cuinö camiyä wale cai̦ daö mö fedua lä culajei. ¿Ö̦jö tawä? Oweja ya bä nowamabä, ya nia lä shämou wei tä ma cui ja, ya ojode.

Apocalipsis 3:20

¿Ö̦jö tawä? Bei yoca lä jolele jamö ya nö dadia lä cule. Wale famabeje ya tä ca̦i cloocaö. Wale a̦ fa ji̦lilänö, ai tänö yoca caloblaö ja ya nia faö. Ö̦jö sho yafäcö nia iyalayou.

1 Corintios 8:3

Ö̦jö ma cui, Yai Bada tä lä bufibou wei a lä cui, Yai Bada tänö ö̦jö a nofi ibabou.

Hebreos 3:7

Ö̦jö cudeenö, Yai Bada a Bufi lä cui, abenaja a cuma. Ei däjä, Yai Bada wamale a̦ ji̦liaö ja,

Juan 5:25

’Cafä wamacö nija ei ya wa̦ lä cui, bejedi lä ya wa̦ —a cuma—. Abinaja tä nia cuo. Tä cua waiquia a lä cule. Bufi nomawä bä lä cuinö, camiyä Yai Bada bei Ijilubö wale a̦ nia ji̦liaöje. Wale a̦ fa ji̦liläjenö, ba̦limi bä nia cuo.

Juan 8:12

Judio bä nija Jesús a wa̦ faö co̦o ja, abinaja a cuma. —Yanowamö ya täbä wacacamabobä, camiyä ei ya shi̦i. Camiyä nija bä lä nocao wei bä lä cui, mö didi jamö bä nia juimi. Camiyä ya shi̦i wacacaobä jamö bä cuo ja, ba̦limi bä nia cuo —a cuma.

Gálatas 4:9

Ö̦jö ma cui fei däjä Yai Bada wama a daö. Ma, camanö cafä wamacö li yai daö. ¿Ö̦jö tawä? Ö̦jö wama a daö ma waiquile ma cui, ¿fecula wama bä nia bufijaö co̦o daanö? Ö̦jö bä ujudi. Ö̦jö bänö täbä bayeliblamoimi. Ö̦jö bä lija wamacö jaba nosiemamou nö ma bleaano wei ma cui, ¿wamacö nia jibäamou mö yabao co̦o dicoo daanö?

Juan 10:8

Ya juu showao mlao däjä, bä bluca waloo lä baloöno wei bä lä cui, bä lä tomömou wei, ö̦jö lä bä li cuoma. Shomi etäbä lä lämaö wejei, ö̦jö lä bä showawä. Ö̦jö ma cui, ö̦jö bä nija oweja bä a̦ juonomi.

Juan 12:26

Wale a̦ juaö lä ojodao wejei bä lä cui, camiyä nija bä nocaobä ö̦jö bä li. Camiyä ya cuobä jamö, ö̦jö bä nia shino cuo. Wale a̦ juaö lä ojodao wejei bä lä cui, Fayänö bä nofi nia dodijidawä tamabou —a cuma.

Juan 8:43

¿Wedi tabä wamale a̦ ji̦lia möblaimi ö̦jö lä? Wedi tabä mlai. Wamale a̦ ji̦liaö moji waiquiwä yalo, wamale a̦ ji̦lia möblaimi.

1 Reyes 18:21

Ö̦jö däjä, bä bluca lä co̦camono wei bä lija, Elia a icua fa ajedeicunö, abenaja e cuma. —Bei. ¿Wamacö bufi nia shedecou shi wa̦lii waiquiwä daanö? Jeobaa ö̦jö a bufiblamobä a waiquiwä ja, ö̦jö lija bä bufi mö shi̦lo da blucaicu. Ö̦jö ma cui, “Ma, a yai bufiblamobä, ö̦jö Baala a waiquiwä”, wamacö bufi cuu dicoo ja, ö̦jö lija waiquiwä —a cuma. A cuma ma cui, bä a̦ fuonomi dodijiwä.

Lucas 9:23

Ö̦jö däjä, abinaja bä nowa bluca tama. —Camiyä nija bä nia lä nocao wei bä lä cui, cama bä cuaaö bufi lä doblao wei tä ja, showadi bä nia yai wasöo. Wale bufiije yalo bä ma shäöje däjä, bä nia ojode cudio fe yadio. Bä nia nocao fe yadio.

Mateo 17:5

A wa̦ faö showai ja, ölajashi a bada au fa itolunö, bä jo̦yablalema. Ö̦jö däjä, ölajashi jamö culanö a wa̦ bädaliyoma. —Ei Ijiluyä a, ya lä nofimaö wei. Wale bufi lä doblamabou wei a. A wa̦ da ji̦liläje —a cuma.

2 Timoteo 2:19

Ö̦jö ma cui, Yai Bada tänö cama ebä lofotomabou fe yadio, dodafi bänö yano bä lofotobou lä culajeinaja showawä. Abenaja etä a̦ oni cuu. Bada tänö cama ebä daö waiquiwä. Einaja tä a̦ cuu. Abenaja ca̦i. Bada ebä a̦fa lä jilou wei bänö, wa̦lidiwä tä taö mladobeje, ö̦jö bä li waiquiwä.

Juan 21:22

Jesús abinaja e cuma. —Äyämö ya juu co̦o showao mlao däjä, ya demi tabou ojodao ja, ya nia tamabou. Cama a nia lä taamamou wei tä ja, a bufi cuaa dijä. Camiyä nija a yai da nocaicu —e cuma.

Lucas 13:27

abinaja a nia cuu. “Bämacö nowa taö waiquia lä cule. Bämacö daimi. Shomi wamacö. Wa̦lidiwä talewä wamacö lä cui, bä da alufälö”, a nia cuu.

Marcos 8:34

Ö̦jö däjä, bä bluca lä co̦camono wei bä lä cui, bä nacaa co̦alalema, cama ebä lä nocamabou wei bä ca̦i. Abinaja bä nowa tama. —Camiyä nija bä nia lä nocao wei bä lä cui, cama bä cuaaö bufi lä doblao wei tä ja, bä nia yai wasöo. Wale bufiije yalo, bä ma shäöje däjä, bä nia ojode cuo fe yadio. Bä nia nocao fe yadio.

Mateo 25:12

a wa̦ lämoma. “Ma”, a cuma. “Cafä wamacö nija ei ya wa̦ lä cui, bejedi lä ya wa̦. Bämacö daimi”, a cuma.

Mateo 16:24

Ö̦jö däjä, bä lä nocamabono wei bä lä cui, abinaja Jesúsnö bä nowa tama. —Camiyä nija bä nia lä nocao wei bä lä cui, cama bä cuaaö bufi lä doblao wei tä ja, bä nia yai wasöo. Wale bufiije yalo, bä ma shäöje däjä bä nia ojode cuo fe yadio. Bä nia nocao fe yadio.

Mateo 7:23

Ö̦jö däjä, ö̦jö bä nija ya wa̦ nö wäo ja, abinaja ya nia cuu. “Bämacö daimi. Shomi wamacö. Bä da alufälö, wa̦lidiwä talewä wamacö lä cui”, ya nia cuu. ¿Ö̦jö tawä? —Jesús a cuma.

Apocalipsis 14:4

Ö̦jö bä lä cui, suwä bä nija bä shamiano lä mlai ö̦jö bei bä. Bä jubaö dao malä mlajei. Oweja a wa̦fa ocalo lä jilamou wei a lä cui, a juu ma bädao wei jamö ma cui ebä yauaö. Bluca bä lä bälöblai bä nijamö bä jaba nowa lä co̦wamamono wei, ö̦jö bä li. Yai Bada tänö bä nofi ibabou. Oweja a wa̦fa ocalo lä jilamou wei a ma cuinö bä nofi ca̦i ibabou. Nii bä jaba lä lalou wei, Yai Bada tänö bä nofi lä ibabou weinaja showawä.

Hechos 3:23

Ö̦jö Yai Bada a wa̦no wäyälewä a nia lä shömaö wei a lä cui, ai anö a wa̦ ji̦liaimi ja, Yai Bada ebä nija a nia co̦caomi. A nia nomamaö. ’¿Ö̦jö tawä? —Pedro a cuma—. Einaja tä a̦ cuu.

Marcos 10:21

Jesúsnö a nofimalanö a möö shalilioma. Abinaja a nowa tama. —Ei moli wa tä yai taö fa cunoja, wa nö dodijaö cuquebö wei. Wa täbä bluca lä tabole, blada bä ja wa täbä fa nomöjöacönö, ö̦jö lä bä blada ja, täbä nö jo̦lili lä bleaaö wei täbä da dobälalö. Inaja wa yai cuaaö ja, afä täbä nowa lä bluca wei wa täbä nia tabodayou. Ö̦jö däjä, camiyä nija a nocaa da showadaiquiyo —a nowa tama.