Juan 10:25 - Biblia Yanowamö

²⁵ Abinaja Jesús a cuma. —Bämacö yömölaö waiquiwä ma cui, wamale a̦ bejedi bufiimi. Fayänö tä tamaö lä bufii wei ya tä taö yalo, ya bejedi dablamobä ya waiquiwä.

Juan 10:25 Iomraidhean Croise

Juan 10:32

Abinaja Jesúsnö bä nowa tama. —Fayänö dodijidawä tä wawämaö lä bufii wei, cafä wamacö nija bluca ya tä wawämalema. ¿Wedi jamö tä nowa yai ja, maa mabänö bei wamale nia li shäyäö? —bä nowa tama.

Juan 10:37

’Fayänö tä bluca tamaö lä bufii wei ya tä taimi ja, wamale a̦ bejedi bufi dijä, ö̦jö lä.

Juan 10:38

Ö̦jö ma cui, ya tä yai taö däjä, camiyä wamale a̦ bejedi bufii ma mlai ma cui, ya tä bluca lä taö wei tänö, bä bufi juducua fe da yadiicu. Camiyä nija Fayä a lä cule, wama tä daö fe yadiobä. Cama nija camiyä ya ca̦i lä cule, wama tä ca̦i dabä. Ö̦jö yafäcö —Jesús a cuma.

Juan 11:47

Ö̦jö cudeenö, nofi bäyäalewä blowäjäwä bä lä cuinö, faliseo bä mö ca̦i feduwä lä cuinö, bada bä yododoblamalemaje, bä a̦ wayobä. Abinaja bä nowa tayoma. —¿Wedinaja bämacö yai cuaabä, ö̦jö lä? Yai Bada e nö nia fa ö̦jöböamonö, quiji a lä cuinö, tä nö lä quilijii bluca tä wawämadii.

Juan 12:37

Täbä mamo showao däjä, bejedi lä Jesús a nö quiliama. Yai Bada e nö ö̦jöböamobä, tä nö lä quilijii tä bluca ma wawämano wei ma cui, a wa̦ bejedi bufinomije.

Juan 14:11

Fayä nija ya lä cule, camiyä nija Fayä a ca̦i lä cule, tä a̦ bejedi da bufije. Ö̦jö lä yafäcö. ¿Ö̦jö tawä? Camiyä wamale a̦ bejedi bufii ma mlai ma cui, ya tä bluca lä taö wei tänö, bä bufi jaducua fe da yadiicu, wamale a̦ bejedi bufii fe yadiobä.

Juan 20:30

¿Ö̦jö tawä? Inaja lä tä cuoma. Camiyänö ya tä lä dalaleno wei, ya tä a̦fa wäyäö. Yai Bada e nö ö̦jöböamobä, tä nö lä quilijii, Jesúsnö bluca tä wawämaö cuaama. Ei sibä jamö tä a̦ oni bluca wäyämamou. Yamalecö lä nocamabono wei yamacö mamo showao däjä, tä nö lä quilijii, ai tä bluca wawämaö showao mö feduoma, ei sibä jamö tä a̦ cua lä mlai.

Juan 3:2

Ö̦jö a lä cui, didi däjä Jesús nija a icua fe fa jaluicunö, abinaja e cuma. —Tä a̦ wäyäle. Yamalecö yömölayolubä, Yai Bada tänö wa shömölema. Ö̦jö yama tä daö. Ö̦jö wa e nö ö̦jöböamobä, tä nö lä quilijii bluca wa tä wawämaö. Yai Bada tänö wa ca̦i cuo mlao fa cunoja, inaja wa nö cuaabö mlai —e cuma.

Juan 7:31

Ö̦jö ma cui, ai bä bluca lä cuinö a wa̦ bejedi bufia fe yadilemaje. Abinaja bä cuma. —Yai Bada tänö a shömabä a lä yaileno wei a lä cui, fei a waiquiwä. ¿Wedi tabä ai bäma tä nö li dabou nomöjöquei? Yai Bada e nö ö̦jöböamobä, fei a lä cuinö, tä nö lä quilijii tä bluca wawämaö malä waiquii—bä cuma.

Juan 8:12

Judio bä nija Jesús a wa̦ faö co̦o ja, abinaja a cuma. —Yanowamö ya täbä wacacamabobä, camiyä ei ya shi̦i. Camiyä nija bä lä nocao wei bä lä cui, mö didi jamö bä nia juimi. Camiyä ya shi̦i wacacaobä jamö bä cuo ja, ba̦limi bä nia cuo —a cuma.

Juan 8:24

Wa̦lidiwä showawä wamacö nia lä nomablou wei tä ja, bämacö yömölalema. ¿Ö̦jö tawä? “Yai Bada tänö a nia lä shömano wei, fei a waiquiwä”, wamale nofi taboimi ja, wamacö wa̦lidiwä showai wamacö nia malä nomablou wei —a cuma.

Juan 8:56

Wamacö nö badabö Ablaamö a lä cuinö, a bufi doblalolanö wale nö daboma. Ya nia lä wawäblou wei tä daa fa balölalönö, a bufi doblao dodijioma —a cuma.

Juan 8:58

Abinaja Jesús e cuma. —Cafä wamacö nija ei ya wa̦ lä cui, bejedi lä ya wa̦. Ablaamö a cua showaa mlai ja, ya cuo lä balöono wei, ei ya —e cuma.

Hechos 10:38

Ö̦jö Nasaleteli Jesús a lä cui, Yai Bada tänö a bayelibou ja, bei Bufinö a jödödöboma. A nö ca̦i wa̦lojomaboma. ¿Ö̦jö tawä? Täbä shino bayeliblaö cuaama. Fecula bada tänö bä nö lä bleaamano wei, bä bluca ca̦i jalomaö cuaama. Yai Bada tänö a ca̦i malä cuono wei.

Hechos 2:22

Isaeli cä wama ecö. Nasaleteli Jesús ya wa̦fa wäyäö ja, wamale a̦ da ji̦lilä. Yai Bada tänö cafä wamacö nija Jesús a fa shömölönö, a nö wa̦lojoblamalema, wamacö bufi jaducublobä. Yai Bada tänö a nia lä shömano wei, “Fei a waiquiwä”, wama a nofi tabobä. ¿Ö̦jö tawä? Cafä wamacö nija a da cuoblei däjä, Yai Bada a lä cui, ¡bejedi a lojode damalalema! Tä nö lä quilijii tä bluca wawämalema. Jesús nija Yai Bada a lojode damoa dodijilaliyoma. ’¿Ö̦jö tawä? —a cuma—.

Hebreos 2:3

bämacö bufi yai da jaducäblo, ö̦jö lä, camiyä bämalecö nö bleaamaö nomöjöo mlaobä. Bämacö nia lä fucäamou wei tä a̦ lä cui, cama Bada tä showawänö, tä a̦ wäyäö balöoma. Ö̦jö däjä, camiyä bämacö lija a wa̦ lä ji̦liano wejei bänö, walalawä a wa̦no wäyäö nomöjöomaje.