Juan 10:24 - Biblia Yanowamö

²⁴ Yai Bada etä yafi jamö a juma cudeenö, cama nija judio bä fa co̦camoliyonö, a wa̦lii cadidioyolumaje. —Bei. Cafä bäfä a̦ nö dabou showaa lä cule. ¿Wedi tabä yamalecö yömölaö cadidiomi? Yai Bada tänö a shömabä a lä yaileno wei a lä cui, ö̦jö lä wa waiquiwä ja, wawädowä a wa̦ da wämobo —bä cuma.

Juan 10:24 Iomraidhean Croise

1 Reyes 18:21

Ö̦jö däjä, bä bluca lä co̦camono wei bä lija, Elia a icua fa ajedeicunö, abenaja e cuma. —Bei. ¿Wamacö bufi nia shedecou shi wa̦lii waiquiwä daanö? Jeobaa ö̦jö a bufiblamobä a waiquiwä ja, ö̦jö lija bä bufi mö shi̦lo da blucaicu. Ö̦jö ma cui, “Ma, a yai bufiblamobä, ö̦jö Baala a waiquiwä”, wamacö bufi cuu dicoo ja, ö̦jö lija waiquiwä —a cuma. A cuma ma cui, bä a̦ fuonomi dodijiwä.

Mateo 11:3

Jesús a wa̦liije ja, abinaja ebä cuyoluma. —A jo̦wa nia lä juno wei, ¿ö̦jö cafä wa waiquiwä tawä? Ma, cafä mlai, ¿ai a nia yai lä juu wei yama a nö dabou showaobä daanö? —bä cuma.

Marcos 8:32

Cama a wa̦fa wäyämamou wawädooma. Ö̦jö däjä, Pedronö a ca̦i fa casöblalunö, a wa̦ wasöma.

Lucas 3:15

Bei. Yai Bada tänö a shömabä a lä yaileno wei a lä cui, bä shi jalimolanö a nö dabomaje. Juan a ma cui nija bä mölama. “Ö̦jö a ja̦towä waiquiwä daanö”, bä bufi bluca cuma.

Juan 1:19

Fe ojomalewä Juan a lä cui, a wa̦liije däjä, a wa̦ nö wäo shalilioma. Jelusale jamö nofi bäyäalewä ai bä lä cuono wei, Lewi nodiwä ai bä cuo mö lä feduono wei sho, Juan nijamö judio bänö ö̦jö bä shömölemaje. Abinaja Juan nija bä cuyoluma. —Ei wa lä cuaale, ¿wedi cafä bei wa? —bä cuma.

Juan 10:31

Einaja a lä cuu wei a wa̦ ja, judio bänö maa mabä ya̦caa co̦alalemaje, Jesús a shäyäbeje.

Juan 10:33

Abinaja bä cuma. —Wa tä dodijidawä lä wawämaleno wei tä nowa ja mlai, Yai Bada wa tä nö lä waiblaö wei tä nowa ja, bäfä nia yai shäyäö. Yanowamö wa mö feduwä ma cui, cafä Yai Bada wa wa̦fa jilou nofi jushuaö cudeenö, wa nia shäyämou —bä cuma.

Juan 16:25

Abinaja Jesús a cuma. —Cafä wamacö nija ya tä a̦ wäyäö däjä, ya wa̦ faö yaclämou talei. Ö̦jö ma cui, ya wa̦ faö yaclämou mlai ja, wawädowä ya wa̦ nia lä faö wei tä cublou ajedewä waiquiwä. Fayä ya wa̦fa nia wawädowä wäaö.

Juan 8:25

Abinaja cama nija bä cuma. —Cafä ¿wedi bei wa dodijiwä? Abinaja Jesúsnö bä nowa tama. —Ya wa̦fa jaba da wäyämoblei däjä, bämacö nowa da tableinaja, ö̦jö ya waiquiwä.

Juan 8:53

Bämacö nö badabö Ablaamö a ma cui, a nomalayoma. ¿Cafä wa shino yai lojode ayawä daanö? Yai Bada a wa̦no wäyälewä bä ma cui, bä ca̦i nomalaliyoma. Cafä ¿wedi bei wa wa̦fa yai li jilou? —bä cuma.

Juan 9:22

Judio bä nija cäcöbö quilima yalo cäcöbö a̦ li cuoma. ¿Ö̦jö tawä? Judio bada bä a̦ wayou malä waiquiono wei. “Yai Bada tänö a shömabä a lä yaileno wei, ö̦jö Jesús a waiquiwä”, wawädowä bä lä cuu wei, bä nia joyamaje. Judio bä yododabä yafi jamö, bä nia coyocomabou co̦daanomije.

2 Corintios 3:12

Ö̦jö tä a̦ ja yamacö mölaö yalo, wawädowä yamacö a̦ faö.