Juan 10:20 - Biblia Yanowamö

²⁰ Abinaja ai bä cuma. —Fecula a lä bälömabole, a wa̦. A wa̦ faö nofi malä mojodi wei. ¿Wedi tabä bei wama a wa̦ li ji̦lidii?

Juan 10:20 Iomraidhean Croise

Isaías 53:8

A nö bleaamabeje etä cuono ma mlai ma cui, a jimabeje etä cuo ma mlaono wei ma cui, a nomamabeje a öböa fe yadilefälömaje. Bä bufi jaducäa mlalanö a shämalemaje. Camiyäteli bämacö doblou lä mlai tä nowanö, a shämou läoma.

Mateo 10:25

Tä a̦ lä wäyäö wei a wa̦ ji̦liaö lä mlajeinaja, inaja showawä cama ebä lä nocao wei bä a̦ nia ji̦liaimi cuo mö feduoje. Bada a nofi tabou lä mlajeinaja, inaja showawä cama ebä nofi nia taboimi cuo mö feduoje. Inaja lä waiquiwä. Bä ca̦i lä cule a bada lä cui, a wa̦fa Sadanasi taö waiquiweje yalo, cama ebä lä cule bei ebä a̦fa wayobou dodijia yaiqueije.

Mateo 11:18

’¿Ö̦jö tawä? —Jesús a cuma—. Cafä wamacö ma cui, inaja showawä wamacö cuaaö. Wamacö a̦ juomi fe balojowä. Fe ojomalewä Juan a lä cui, ö̦jö wama a wa̦ juano malä mlai. Ö̦jö a fa waloiquiyonö, a iyaö wasöoma. Nashiwä toubä ca̦i coanomi. A waiyoma cudeenö, “A li feculabö”, wama a nofi li taboma.

Mateo 9:34

Ö̦jö ma cui, faliseo bä bada lä cui, abinaja ö̦jö bä cuma. —Ma. Fecula bada tä lojodenö bä li fecula yashuu buo —bä cuma.

Marcos 3:21

Cama ebä mashinö, ö̦jö tä a̦ fa ji̦liläjenö, a co̦abeje ebä waloquema. A shi a̦fa wa̦lii malä wäyäno wejei.

Juan 7:20

Abinaja bä cuma. —¡Jolemou dijä! Fecula wa tabou yalo, wa wa̦ li faö mojodi. ¿Wedi jamö a lä cuinö wa li shäö bufi doblao? —bä cuma.

Juan 8:52

Jesús nija abinaja judio bä cuma. —Ei malä cui, ¡fecula wa malä bälömabole! Ablaamö a ma cui, a nomalayoma. Yai Bada a wa̦no wäyälewä bä ma cui, inaja showawä. Ö̦jö ma cui, “Wale a̦ nofi lä cadidibou wejei bä nomaö mlaicätä”, bei wa li cuu.

Hechos 26:24

Inaja Pablo a nofi bäyäo showai ja, Fedo a wa̦ i̦cali falayoma. —¡Pablo, wa shi wa̦lii! Oni wa sibä showadi mödii ja, wa shi wa̦lijou.