Juan 10:18 - Biblia Yanowamö

¹⁸ ¿Ö̦jö tawä? Cama bä lojodenö wale nia shäimije. Camiyä ya shämou li fa ojodaonö, ya nia li shämou. Ya shämou ojodaobä, Fayänö wale nö li wa̦lojomabou. Ya demi nia ca̦i jocädou lä co̦o wei, inaja showawä —Jesús a cuma.

Juan 10:18 Iomraidhean Croise

Juan 10:11

’Oweja ya bä yai lä nowamaö wei, ei ya. Ö̦jö ya lä cuinö, oweja ya bä nowamabä, ya nia lä shämou wei tä ma cui ja, ya ojode.

Juan 10:17

’Iba ya bä bayeliblabä, ya shämou ojode yalo, Fayänö wale nofimaö. Ya demi nia jocädou co̦o cudeenö, ya shämou ojode.

Juan 14:31

Fayänö wale lä nosiemaö wei tä ja ya li yai cadidou, yanowamö täbä bufi jaducublobä. Fayänö wale lä nofimaö wei tä dablabeje. ¿Ö̦jö tawä? Bei. Bämacö da jufälö —a cuma.

Juan 15:10

Wamale a̦ nofi cadidibou ja, bämacö lä nofimale tä ja wamacö nia yanöcöo. Fayä ya wa̦ nofi cadidibolanö, camanö wale lä nofimale tä ja ya e yanöcöwä lä culenaja showawä.

Juan 19:11

Jesús abinaja e cuma. —Camiyä wale nia lä taamaö wejei tä ja, wa lä läle wa lä cui, Yai Bada tänö wa lämabou mlao fa cunoja, wa nö läobö mlai. ¿Ö̦jö tawä? Cafänö wale shämaö ja, cafä nija tä nowa nia ma shadio wei ma cui, cafä nija wale lä jöböano wei a lä cui, ö̦jö etä nowa nia shino yai cuo —a cuma.

Juan 5:26

Ba̦limi bä cuobä Fayänö bä lä taamaö weinaja, bei Ijilubö ya e ma cui, inaja showawä ya e ca̦i cuaaö mö feduobä wale malä tablamaleno wei.

Juan 5:30

Abinaja Jesús a cuma. —Camiyä ya cuaaö bufi lä doblao wei tänö ya cuaaimi. Fayä ya wa̦ fa ji̦linö, ya bä yanowamö li jömaö. Camiyä ya cuaaö bufi lä doblao weinaja mlai, wale lä shömöleno wei a lä cuinö wale yai taamaö bufi lä doblao weinaja, ya li cuaaö. Ö̦jö cudeenö, ya bä jömaö ja ya bejedimou showadawä.

Juan 6:38

Fedu jamö culanö ya lä itolayono wei ya lä cuinö, camiyänö ya tä taö lä bufii wei ya tä tabä, ya itono malä mlai. Wale lä shömöleno wei a lä cuinö, ö̦jönö tä tamaö lä bufii wei ya tä yai tabä, ya malä itolayono wei.

Hechos 2:24

Ö̦jö ma cui, a ma shäleno wejei ma cui, Yai Bada tänö a jucäa fe yadilema. A ca̦i demi jocädamaö co̦layoma. A nomaö shi wa̦lijiobä a cuono malä mlai.

Hechos 2:32

Ö̦jö Jesús a lä cui, Yai Bada tänö a demi jocädamaö co̦layoma. Camiyä bluca yamacö mamocunö, yama a demi daa co̦lalei cublelei.

Hechos 3:15

¿Ö̦jö tawä? —a cuma—. Täbä lä demidamaö wei, wama a shäa dicomalema. Wama a ma shämaleno wei ma cui, Yai Bada tänö a demi jocädamaö co̦layoma. Camiyä yamacönö, yama a demi daa co̦lalema.

Tito 2:14

Wa̦lidiwä tä ja bämalecö fucäabä, Jesucristo a jibämoquema. A nomaa lälayoma. Dodijidawä tä ja bämacö shi jalimobä bämalecö bufi aublalema, cama dodijidawä bäma ecö yaiobä.

Hebreos 2:9

Jesús bäma a daö, a lä yanowamöblaleyoluno wei a lä cui. A̦jele bä ba̦limi lä culenaja a jaba ma cuono wei ma cui, yanowamö bämacö ba̦limi lä mlainaja a li cublou majölayoma. Yai Bada tänö bämalecö nofi lä ojodabole jamö, a nia nomamaö fa läonö, a li yanowamöblamalema. A nomaö däjä a nö ninili bleaama yalo, dodijidawä fe balojowä a tabou majöadayoa. Wawädowä a nofi yai tabou.