Juan 10:16 - Biblia Yanowamö

¹⁶ ’Ai ya bä oweja ca̦i tabou, fei ya bä lä ji̦colobole mlai. Ö̦jö ya bä blacämaö mö feduobä ya. Ö̦jö bänö wale a̦ ca̦i nia ji̦liaöje. Ö̦jö ya bä fa co̦lönö, oweja moli bä nia shino yododoo. Ya bä nowamabä, moli ya nia shino läo.

Juan 10:16 Iomraidhean Croise

Génesis 49:10

U̦asi, Judawä. Cafä wa lä cui, showadi wa nö nia yai wa̦lojaö. Showadi wa bada nia läo. Afä bä nia lä nodiblou wei bä ma cui, bä nia ca̦i bada läo nomöjöo. Bä bluca bälöblawä lä yaiblai bä lä cuinö, showadi wa dobäbeje, bä nia waloo. Showadi wa nosie nia juaöje.

Mateo 17:5

A wa̦ faö showai ja, ölajashi a bada au fa itolunö, bä jo̦yablalema. Ö̦jö däjä, ölajashi jamö culanö a wa̦ bädaliyoma. —Ei Ijiluyä a, ya lä nofimaö wei. Wale bufi lä doblamabou wei a. A wa̦ da ji̦liläje —a cuma.

Lucas 15:8

’Abinaja ca̦i —Jesús a cuma—. Suwä anö blada 10 bä nowa lä bluca wei ai e nofi blada mojodumaö ja, ¿wedinaja a nia cuaaö? Cowa wacö fa yäcönö, ö̦jö wacö shi̦i ja a yafi nia jo̦waö. E dablaö mlao showao däjä a nia dayädii, ¿ö̦jö tawä?

Juan 10:11

’Oweja ya bä yai lä nowamaö wei, ei ya. Ö̦jö ya lä cuinö, oweja ya bä nowamabä, ya nia lä shämou wei tä ma cui ja, ya ojode.

Juan 10:2

’Ö̦jö ma cui, bei yoca jamö a yai lä faö wei a lä cui, oweja bä lä nowamaö wei ö̦jö a yai.

Juan 10:27

Iba oweja bä yai lä cuinö wale a̦ yai ji̦liaöje. Ya bä ca̦i daö. Camiyä nija bä ca̦i yauo.

Juan 10:3

Ö̦jö a faö bufio ja, yoca lä jolemabou wei a lä cuinö e yoca caloblaö showadao. ¿Ö̦jö tawä? Oweja bänö ö̦jö a wa̦ ji̦lileije. Oweja bä a̦fa jayumalanö, sibo jamö bä lululefälöö.

Juan 10:4

Sibo jamö, cama ebä ca̦i bluca fa falönö, a balöafälöö. A wa̦ nö fa ö̦jöböajenö, ö̦jö nija oweja bä li yauquei.

Juan 10:5

Shomi nija bä yauomi, bä shino doculayou. Shomi bä a̦ nö ö̦jöböaö malä mlajei —a cuma.

Juan 11:52

¿Ö̦jö tawä? Cama judio bä bayeliblamou ayaobä mlai. Yai Bada bei ijilubö ebä bälöblawä lä shedequeblai, bä co̦amodayobä a nia shämoma, Yai Bada bei ijilubö moli ebä cuobä.

Juan 17:20

’Fei iba bä waiquiwä lä cui, ya bä nö bayeli nacaö ayaomi —a cuma—. Cama bä a̦nö wale a̦ nia bejedi lä bufiaö wejei, ö̦jö ya bä nö ca̦i bayeli nacaö.

Juan 6:37

’Camiyä nija Fayänö bä yanowamö lä jöböaö wei bä bluca lä cui, camiyä nija ö̦jö bä nia juu. ¿Ö̦jö tawä? Camiyä nija bä lä juu wei bä lä cui, ya bä waii mlaicätä.

Hechos 15:14

Simón Pedro bäma a wa̦ ji̦lia waiquilei lä cufe, ¿ö̦jö tawä? Yai Bada tänö cama ebä tabobä, judio bä lä mlai bä jaba lä bayeliblaleno wei tä ja, bämalecö yömölalema.

Hechos 18:10

Camiyänö bäfä ca̦i malä cule. Wa nabä nia queomije. Ei a shabono ja, iba bä bluca cua malä waiquibiyei —a cuma.

Hechos 22:14

’Abinaja wale nowa taö showadaoma —a cuma—. “Camiyä bämacö nö badabö nija tä lä bufiblamono wei tä Yai Bada lä cuinö, cafä wa yailema, camanö täbä taamaö lä bufii wei wa tä dabä. Cama a nosie yai lä juaö wei a lä cui wa dablabä, a yai lä dodijaö wei a lä cui. Ö̦jö wa wa̦ yai ji̦liabä.

Romanos 11:25

Iba wamacö. Yai Bada tänö tä a̦ jo̦yabou lä balöono wei tä ja, bämacö nia mojodumaboimi. “Camiyä yai”, wamacö bufi jole cuaablalou dicoo mlaobä. Isaeli ai ebä bufi bluca ma jifuale ma cui, inaja bä bufi cuo shi wa̦libä bämi. Judio bä lä mlai, Yai Bada lija cama ai ebä bufi cuo showao mlao däjä, inaja judio bä li cuaaö balöo.

2 Tesalonicenses 2:13

Ö̦jö ma cui, cafä wamacö yai bayeliblamou yalo, Yai Bada lija yamacö bufi doblalou. Showadi yamacö bufi doblalobä tä malä cui. Iba wamacö. Bada tä lä cuinö wamacö nofimaö fe lä balojoo wei wama ecö. Wamacö fucäamobä, jaba däjä Yai Bada tänö wamacö yaia showadalema. Cama a Bufinö wamacö fa yailänö, bejedi wama tä a̦ nofi mölabou, wamacö fucäamobä.

Hebreos 13:20

Bei. Yai Bada tänö bämalecö bufi lä yanöcömabou wei a lä cui lija wamacö yai bayeliblamobä, ö̦jö lä, Bada tä Jesús a demi jocädamaö lä co̦layono wei a lä cui lija. Ö̦jö oweja bäma ecö lä cui, bämalecö yai nia lä nowamaö wei, ö̦jö a Bada. Cama i̦yäbönö bämalecö nia nowamaö shi lä wa̦lii wei tä a̦ ca̦i läa, Yai Bada tä a̦ nö wäo ja a lä cuno weinaja showawä.

1 Pedro 2:10

Jaba däjä wamacö nofi tabono ma mlai ma cui, fei däjä Yai Bada tänö wamacö nofi yai tabou majöa lä cule. Wamacö nofi jaba ojodabono ma mlai ma cui, fei däjä wamacö nofi yai ojodabou majöa.

1 Pedro 2:25

Oweja bä mojodi li mojoluu lä cuaaö weinaja, inaja showawä wamacö mojoluu cuaaö ma balöono wei ma cui, fei däjä wamacö malä co̦alaleno wei. Wamacö lä nowamaö wei a lä cui nija wamacö yai luluamobä, wamacö co̦molayoma.

1 Pedro 5:4

Ö̦jö däjä, bämalecö yai lä nowamöbole a Bada bädou däjä, wamacö nia dobämodayou. ¿Ö̦jö tawä? Wamacö nö wa̦lojaö fe yadioma yalo, doblao tä yai lä cui ja wamacö nia dobädayou, ba̦limi tä ja. Einaja bada bämacö nowa taö lä cule.

Apocalipsis 3:20

¿Ö̦jö tawä? Bei yoca lä jolele jamö ya nö dadia lä cule. Wale famabeje ya tä ca̦i cloocaö. Wale a̦ fa ji̦lilänö, ai tänö yoca caloblaö ja ya nia faö. Ö̦jö sho yafäcö nia iyalayou.