Juan 10:14 - Biblia Yanowamö

^14-15 Abinaja Jesús a cuu co̦oma. —Oweja ya bä yai lä nowamaö wei, ö̦jö bei ya. Fayänö wale daö lä culenaja, cama ya ca̦i daö cuwä mö lä fedulenaja, inaja showawä, iba ya bä daö cuwä mö feduwä. Iba bä lä cuinö camiyä wale cai̦ daö mö fedua lä culajei. ¿Ö̦jö tawä? Oweja ya bä nowamabä, ya nia lä shämou wei tä ma cui ja, ya ojode.

Juan 10:14 Iomraidhean Croise

Isaías 53:11

A bufi nö ma bleaano wei ma cui, ö̦jö tä dodijidawä fa dalalönö, a bufi nia doblao fe yadio. Jeobaa a nosie fuamobä a lä cui, a lä bejedimou wei ö̦jö a. Ö̦jö a lä daö wejei bä lä cui, a daöje yalo, jai bä bejedimou waiquiwä Jeobaanö bä nofi nia bluca tabou. Bä doblou lä mlai, cama lija etä nowa nia bluca yädäo.

Juan 10:11

’Oweja ya bä yai lä nowamaö wei, ei ya. Ö̦jö ya lä cuinö, oweja ya bä nowamabä, ya nia lä shämou wei tä ma cui ja, ya ojode.

Juan 10:13

Ö̦jö bä lä cui, blada bä nowa ja bä läo bädao yalo, bä doculayou. Oweja bä yai nofimaimije —Jesús a cuma.

Juan 10:27

Iba oweja bä yai lä cuinö wale a̦ yai ji̦liaöje. Ya bä ca̦i daö. Camiyä nija bä ca̦i yauo.

Juan 17:3

Cafä Yai Bada wa bejedi cua lä ayale wa daöje ja, camiyä Jesucristo wale lä shömöleno wei wale ca̦i daö mö feduoje ja, ö̦jö tänö bä nia ba̦limi cuo.

Juan 17:8

Cama bä nija, cafä bäfä a̦no malä wäyäno wei. Wa wa̦no ji̦liamaje. Cafä nijamö ya cuoma ya lä waloqueyoluno wei tä lä cui, ö̦jö tä bejedi ca̦i daöje. Cafänö wale lä shömöleno wei tä ma cui, ö̦jö tä a̦ ca̦i bejedi bufiije.

2 Corintios 4:6

Tä mö didiobä jamö, cama a wa̦nö tä jaba lä wacacadamaleno wei a lä cuinö, ö̦jö a showawänö, yamalecö bufi malä wacacamabole. Cristonö Yai Bada tä doblao lä damalaleno weinaja, inaja showawä yama tä dablamaö cuo mö feduobä. ¿Ö̦jö tawä? Tä mö ma dödöono wei ma cui, abenaja a jaba cuu malä balöono wei. Bei. Tä da wacacablalu. Einaja a cuma.

Efesios 1:17

Fayä a lä doblaladi lija ya nacou, Bada tä Jesucristo lija a lä bufiblamou wei a lä cui. Wamacö bufi jaducämabobä ya wa̦ faö. Yai Bada wama a jaba lä dale, wama a yai daö balafälöbä.

Efesios 3:19

Cristonö bejedi lä bämalecö nofimaö fe balojowä. ¿Ö̦jö tawä? Bämalecö nofimaö fe lä balojoo wei tä ja bämacö bufi yai jaducäblou fa cunoja, bämacö bufi nö fejelobö wei. Inaja wamacö bufi jaducäwä cuobä ya wa̦ faö talei, Yai Bada tä lä culenaja wamacö bufi yai cublobä.

Filipenses 3:8

Ö̦jö lä, jödödöwä ya tä nofi jaba lä tabono wei ya tä bluca joyalema. Bada ya tä Jesucristo yai nofiaö fe balojoobä, “Tä nowa cuami waiquiwä”, ya täbä nofi bluca tabou majöa. Jesucristo ya yai tabobä, ai ya tä bluca waia waiquilema. Jai shii bä jilaa tejemi ya tä nofi tabou nomöjöa lä cule. Jesucristo lija ya fa yädäicunö, ya yai bayelio dodijiobä.

2 Timoteo 1:12

Inaja ya cuaaö cudeenö wale fe ma labou wejei ma cui, ya bufi quilijoimi. Ma. Ya bejedi lä bufibole a lä cui ya malä dale. Ya etä a̦ wäyäö cuaabä wale shimölema. Yai Bada tänö täbä jimabä etä cublou showao mlao däjä, cama etä lofotenö tä a̦ nia wäyämamou showao fe yadio. Ö̦jö ya tä daö.

2 Timoteo 2:19

Ö̦jö ma cui, Yai Bada tänö cama ebä lofotomabou fe yadio, dodafi bänö yano bä lofotobou lä culajeinaja showawä. Abenaja etä a̦ oni cuu. Bada tänö cama ebä daö waiquiwä. Einaja tä a̦ cuu. Abenaja ca̦i. Bada ebä a̦fa lä jilou wei bänö, wa̦lidiwä tä taö mladobeje, ö̦jö bä li waiquiwä.

1 Juan 5:20

Yai Bada a lä cui, ö̦jö a shino yai bejedimou. Ö̦jö bäma a dabä, bei Ijilubö e fa itoliyonö bämalecö bufi jaducumabou lä cule. Bä Ijilubö Jesucristo nija bämacö cua lä cule, a yai lä bejedi wei a lä cui nija. A bufiblamobä ö̦jö a shino yai bejedi cua ayaa. Ba̦limi bämacö cuobä, ö̦jö a waiquiwä.

Apocalipsis 2:13

Sadanasi a bälöo lä dodijio wei jamö, iba Becamoteli bä bälöa, fecula bada a lä döcäo wei etäcö lä cule jamö. Ö̦jamö ya bä bälöa nofi jaducubou. Wale a̦ cadidibou lojodoa fe yadiaje. Ö̦jamö lä wale a̦fa wäyäö lä shaliliono wei a shälemaje, Sadanasi a lä bälöle jamö. A ma shäleno wejei ma cui, iba bä lä cuinö wale nofi mölabou fe yadio showaomaje. A lä shäleno wejei a lä cui, Adiba a wa̦fa cuoma. Showadi a bejedimoma.

Apocalipsis 2:19

’Iba Diadilateli bä lä cuaaö wei ya tä daö —a cuma—. Bä lä nofimayou wei tä ca̦i. Bä lä bejedimou wei tä ca̦i. Bä lä bayeliblayou wei ya tä ca̦i daö. Bä nö wa̦lojaö fe lä yadio wei tä ca̦i. Bä jaba lä cuaano weinaja bädawä mlai, fei däjä bä yai shino dodijaö.

Apocalipsis 2:2

Iba Efesoteli bä lä cuaaö wei ya tä daö. Bä cadidou si ijejeobä tä cua ma mlai ma cui, bä dodijaö fe yadio. Bä ma yabäcamou wei ma cui bä waiquidoimi. Bä doblou lä mlai bä lä cui bä a̦ ji̦liaimije. “Jesucristo ya wa̦fa wäyäö cuaabä yale shömölema”, bä lä cuno wei bä lä cui, bä bejedimou fa wabajenö bä jolemou dalalemaje.

Apocalipsis 2:9

’Iba Eminateli bä lä cui, bä nö lä bleaamaö wejei ya tä daö. Madofi bä ja bä nö jo̦lili ca̦i bleaaö ma cui, tä nowa yai lä bluca wei tä tabou fe balojooje. Judio bänö iba bä a̦fa lä taö wejei ya bä a̦ ca̦i daö. Judio ö̦jö bä a̦fa yai ma jilou wei ma cui bä jolemou. Sadanasi a nofi yai shino yododoaöje.

Apocalipsis 3:1

Ya tä lä möno wei, abinaja a cuu nomöjöoma. —Bei. Sadi jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Yai Bada etä a̦ juamobä ebä 7 yai lä cui, camiyänö ya ebä juwäbou. Shidicali 7 bä lä cui ya bä ca̦i showabou. Ö̦jö ya lä cui, wale wa̦no nia oniblaö. ’Iba Saditeli bä lä cuaaö wei ya tä daö. Bä mömou dodijidawä cudeenö bä a̦fa demi taö ma cujei bä demimi. Bä nomawä.

Apocalipsis 3:15

’Iba Laodiseateli bä lä cuaaö wei ya tä daö —a cuma—. Wale a̦ waibou cadidio ma mlajei ma cui, wale a̦ juaö ca̦i shaliliomije. Jole jole wale a̦ shi̦lo ji̦liaö bädaoje. Inaja bä cuaaö mlao fa cunoja tä nö doblaobö wei.

Apocalipsis 3:8

’Iba Filadefiateli bä lä cuaaö wei ya tä daö. Bä a̦fa lojode wäyäö lä mlajei, ya bä a̦ ca̦i daö. Ö̦jö ma cui, wale a̦ nofi cadidibouje. Wale a̦ nofi ca̦i jole mojoduboimije. ¿Ö̦jö tawä? Ö̦jö bä mö lä yaile jamö, ya yoca calobou lä cule, yoca laaö dao lä mlajei.