Juan 10:12 - Biblia Yanowamö

¹² Ai bä lä cuinö, oweja bä nowamabeje bä ma mlai ma cui, bä dobämou bufi fa doblaonö, bä jole jole läo. Oweja cama ebämi waiquiwä cudeenö, yalo waiteli a juu dablaöje däjä, oweja bä fa dacöfälöjenö, cama bä docua ayalayou. Yalo a waitelinö, oweja ba nabä quea fa jeicunö, bä shedequea jäamaquei.

Juan 10:12 Iomraidhean Croise

Mateo 10:16

’Bämacö shömaö lä cule —Jesús a cuma—. Ji̦ima bä waiteli lä läle jamö, oweja bä shäablamou si ijejewä lä cuo weinaja, wamacö nia cuo. Olu bä moyawe lä culenaja, bä moyawäa da cuicu. Joledo bä a̦ ji̦limamou oquejewä lä culenaja, bä a̦ ca̦i oquewä cuo mö da feduo.

Mateo 7:15

Abinaja Jesús a cuma. —Yai Bada a wa̦no wäyälewä bä a̦fa jole lä jilou wei bä nija bä da moyaweicu. Cafä wamacö fe walooje däjä, oweja bä nö ishobimi lä culenaja bä mömou ma cuablalou wei ma cui, bä möla dijä. Ji̦ima bä yai lä waitelimou wei bänö täbä nabä queo si ijejewä lä culajeinaja, inaja bä bufi lä cui cäbä.

Juan 10:13

Ö̦jö bä lä cui, blada bä nowa ja bä läo bädao yalo, bä doculayou. Oweja bä yai nofimaimije —Jesús a cuma.

Juan 10:2

’Ö̦jö ma cui, bei yoca jamö a yai lä faö wei a lä cui, oweja bä lä nowamaö wei ö̦jö a yai.

Juan 10:3

Ö̦jö a faö bufio ja, yoca lä jolemabou wei a lä cuinö e yoca caloblaö showadao. ¿Ö̦jö tawä? Oweja bänö ö̦jö a wa̦ ji̦lileije. Oweja bä a̦fa jayumalanö, sibo jamö bä lululefälöö.

Hechos 20:29

’¿Ö̦jö tawä? —Pablo a cuma—. Eja ya juu mladou däjä, cafä wamacö nia yabäcaö lä juo wejei ya tä daö. Yalo bä ishou lä culenaja, bä waitelimou cuaaö fa jeicunö, Yai Bada ebä nabä nia queoje.

1 Timoteo 3:3

Shi wa̦limamodima ubä ja, cama a shi wa̦limamou lä mlai a cuobä. A waitelimou si ijejewä lä mlai, a wa̦ lä oquedio wei a yai cuobä. A wa̦ lafufou lä mlai, madofi bä ja a bufi mö blucao lä mlai a bada cuobä.

1 Timoteo 3:8

Inaja showawä, Jesucristo ebä bayeliblabeje bä bada lä cui, ö̦jö bä dodijidawä cuo mö feduobä. Bä a̦ cadidou showai bä cuobä, cama bä shi wa̦limamou lä mlai, madofi bä ja bä bufi waiyou lä mlai.

2 Timoteo 4:10

Demanö wale daa dicoquema yalo ya wa̦. Bita jamö tä bluca lä cule tä shi̦lo bufijaö fa dicoonö, Desalonicateli bä lijamö a culayoma. Clesede a ma cui, Calasia jamö a aa mö fedulayoma. Tito a ma cui, Damasiateli bä lijamö a fua mö fedulayoma.

Tito 1:7

Jesucristo ebä ca̦i yododabeje a lä cui, Yai Bada lija a ojodamou cadidia yalo, a lä bejedimou wei a nia shi̦lo cuo. Oquejewä a wa̦ lä faö wei a cuobä, a jushuo si ijejeoblou lä mlai, cama a shi wa̦limamou lä mlai, a waitelimou si ijejeoblou lä mlai, madofi bä ja a bufi waiyou lä mlai a shi̦lo bada cuobä.

1 Pedro 5:2

Cama ebä nija Yai Bada tänö wamacö li lämabou, wama ebä yai nowamabä. Ebä da nowamaje, ö̦jö lä. Wamacö mojilanö mlai, bufi ojode wamacö culanö wama ebä yai nowamabä. Yanowamö täbä nija wamacö dobämou bufi lä doblao we tänö mlai, wama ebä nia lä nowamaö wei tä ja wamacö bufi yai shaliliobä.

2 Pedro 2:3

Bä bufi waiyou dicoo yalo, jole jole wamacö nia yömölablalaö buoje, bä dobämobä. Tä a̦ bejedi lä mlai tä a̦ ja, wamacö nia mölamaöje. ¿Ö̦jö tawä? Ö̦jö bä nia lä jömaö wei a lä cui a nö daa waiquia. Yedu jamö ma cui bä nö nia bleaamaö showaoma. Bä nofi mojoduboimi.