Juan 10:10 - Biblia Yanowamö

¹⁰ Bä lä tomömou wei bä lä cui, ö̦jö bä li tomömou mö juu. Bä shäö mö juuje. Bä mö watäblaö mö juuje. Camiyä ya lä cui, bä ba̦limi cuobä ya li waloquema, bä yai dodijidawä cudiobä.

Juan 10:10 Iomraidhean Croise

Mateo 18:10

Abinaja Jesús a cuma. —Ei iba ai a wai lä cui, a nofi wa̦libo dijejä. Bämacö nowa taö lä cule. Ö̦jö bä nija Yai Bada tänö a̦jele ebä malä lämabole. Ö̦jö bä a̦jele lä cui bä a̦ nö wäobä, Fayä a lä culadi nija bä malä ajedeladi.

Mateo 20:28

camiyä ya lä cuaaö weinaja showawä. Camiyä ya lä yanowamöblaleyoluno wei ya ma cui, ya nosiemobä ya junomi. Ya bä yai bayeliblabä, ya li waloqueyoluma. Yanowamö ai ya bä nowa ca̦i bluca co̦amabä, ya jöböamou mö juma —bä nowa tama.

Mateo 21:13

Abinaja bä nowa tama. —Bei. Abinaja Yai Bada etä a̦ oni cuu. Iba yafi a lä cui, Täbä nö bayeli nacaobä, a wa̦fa yafi nia shino yai jilamou. ’¿Ö̦jö tawä? Einaja tä a̦ cuu ma cui, täbä lä tomömou wei bei wama tä yafi li tablaö bashiblalayoma —bä nowa tama.

Mateo 23:13

Abinaja Jesúsnö bä nowa taö nomöjöoma. —Ö̦jö ma cui, Moisesi tä a̦ ja wama täbä lä damaö wei wamacö lä cui, faliseo wamacö ca̦i lä cui, wamacö nö bluca bleaaö dodijiobä wamacö. Jole jole wamacö dodijaö bäa. Yanowamö bä nija Yai Bada a dablamou bufi ma doblao wei ma cui, wama bä bufi jaducublamaimi. Yai Bada cafä wamacönö wama a daimi waiquiwä. Ai bänö a daö bufi ma doblao wejei ma cui, cafä wamacö a̦nö wama bä doblamaimi.

Marcos 11:17

Ö̦jö däjä, Yai Bada tä a̦ wäyäö ja, abinaja bä nowa tama. —Abinaja Yai Bada etä a̦ oni cuu. Iba yafi a lä cui, jödödöwä bä bälöblawä lä yaiblai bä nö bayeli nacaobä, a wa̦fa yafi nia shino yai jilamou. ’¿Ö̦jö tawä? Einaja tä a̦ cuu ma cui, täbä lä tomömou wei bei wama a yafi li tablaö bashiblalayoma —bä nowa tama.

Lucas 19:10

Camiyä ya lä yanowamöblaleyoluno wei ya lä cuinö, bä lä mojoluu wei ya bä dayäabä ya malä waloqueyoluno wei, ya bä co̦ablaö co̦obä —a nowa tama.

Juan 10:1

Jesús a wa̦ faö co̦oma. —Cafä wamacö nija ei ya wa̦ lä cui, bejedi lä ya wa̦. Oweja bä lä ji̦colobou wejei yoca jamö bä faö lä mlai, casö jamö bä lucäö lä ja̦too wei bä lä cui, bä lä tomömou wei ö̦jö bä li. Shomi bä madofibö lä lämaö wejei, ö̦jö lä bä showawä.

Juan 10:11

’Oweja ya bä yai lä nowamaö wei, ei ya. Ö̦jö ya lä cuinö, oweja ya bä nowamabä, ya nia lä shämou wei tä ma cui ja, ya ojode.

Juan 12:47

’Ai bänö wale a̦ ma ji̦liaö wejei ma cui, wale a̦ nofi cadidiboimije ja, ö̦jö bä lä cui ya bä nia jömaö showadaomi. Yanowamö ya täbä jömaö showadaobä, bita jamö ya juno malä mlai. Ya täbä jucäabä, ya yai juma.

Juan 12:6

Inaja a lä cuno wei a lä cui, bä lä jo̦li wei bä nofi jalujubou yalo a wa̦ cuonomi. Showadi a tomömoma yalo a wa̦ li cuoma. Cama bä bladabö talö yefiboma yalo, bä shino doaö ja̦tooma.

Juan 3:17

Yai Bada tänö bita jamö bä Ijilubö wale lä shömöleno wei ya lä cui, yanowamö ya täbä nö bleaamabä wale shömano malä mlai. Ya täbä yai jucäabä wale shömölema.

Juan 5:40

Ö̦jö ma cui, wamacö ba̦limi cuobä, camiyä nija wamacö juu moji dicowä.

Juan 6:33

Yai Bada tänö cäcö nii lä jöböaö wei cäcö lä cui, fedu jamö cäcö cuoma cäcö itolayoma. Yanowamö täbä ba̦limi cuobä, ö̦jö cäcö nii yai —Jesús e cuma.

Juan 6:51

Bä ba̦limi cuobä cäcö nii lä cui, ö̦jö bei ya waiquiwä, fedu jamö culanö ya lä itolayono wei ya lä cui. Camiyä ya cö nii lä cui ja bä lä iyaö wei bä lä cui, ba̦limi bä nia cuo. ¿Ö̦jö tawä? Yanowamö täbä ba̦limi cuobä ya cö nii lä jöböaö wei, bei ya ya̦ji nia jöböamou —a cuma.

Romanos 2:21

Ja̦o. Ai wama bä jo̦wa lä damaö wei wamacö lä cui, ¿wedi tabä cafä wamacö yai li damamoimi, ö̦jö lä? “Wamacö nia tomömoimi”, wama bä nowa lä taö wei wamacö lä cui, ¿inaja cafä wamacö cuaaimi?

1 Timoteo 1:15

Ei tä a̦ bejedi, tä a̦ nofi mölabobeje cä tä a̦. Wa̦lidiwä talewä täbä bayeliblabä, Jesucristo a yanowamöblaleyoluma. Wa̦lidiwä talewä bluca bä cua ma cule, camiyä ya nofi shi̦lo yai jushuaö dodijioma.

Hebreos 6:17

Inaja showawä Yai Bada a ma cui, a cuaama. Ablaamö lija a wa̦ nö wäo däjä, cama Yai Bada tä shi̦lo Bada lä ayai a wa̦fa wäamoma, a bejedimou dablamobä. Ablaamö a ma cuinö, camiyä nodiwä bäma ecö ma cuinö, bäma a wa̦ nofi mölabobä.

Hebreos 7:25

Ö̦jö cudeenö, Jesús a lä cuaano wei tänö, Yai Bada lija bä lä ajedou wei bä lä cui bä nia nowamaö. Bä nowamabä ö̦jö Jesús a waiquiwä. Showadi bä bayelimaö bufibä a ba̦limi cua malä waiquiladi.

2 Pedro 1:11

Ö̦jö däjä bufi doblalanö Yai Bada tänö wamacö nia waloamadayou. Bufi lämou mlai ja dodijidawä wamacö nia waloamadayou, Jesucristo a dodijidawä bälöa shi lä wa̦liladi jamö. Bämalecö yai lä jucäaö wei, ö̦jö Bada tä Jesucristo waiquiwä.