Juan 1:9 - Biblia Yanowamö

⁹ Jödödöwä täbä bufi nia lä wacacamabou wei tä shi̦i bejedi lä cui, ö̦jö Jesús a li cuoma. Bita jamö a juu waiquiimama, yanowamö täbä nijamö.

Juan 1:9 Iomraidhean Croise

Mateo 6:23

Ö̦jö ma cui, wamacö mamocu wa̦lidiwä dicowä ja, wama täbä nia dablaimi. ¿Ö̦jö tawä? “Tä shi̦i lä cule jamö camiyä ya cua waiquia lä cule”, wamacö bufi jole cuu bädao ja, wamacö bufi mö didi fe balojowä —Jesús a cuma.

Lucas 11:36

Ö̦jö cudeenö, wama täbä bluca wawädoablabä wamacö waiquiwä ja, mö didi wama tä coyocomaboimi ja, ¡bejedi lä wama täbä nia bluca wawädobou! Cowa wacö shi̦i cuobä jamö, wamacö wawädowä juu lä cuaaö weinaja showawä.

Juan 1:4

Täbä lä ba̦limiblamaö wei, ö̦jö a cuoma. Ö̦jö ba̦limiblamodima tä shi̦i lä cuinö, täbä bufi nia bluca wacacamaboma.

Juan 1:7

Ö̦jö tä shi̦i a̦fa wäyäbä Juan a waloquema, ba̦limiblamodima tä shi̦i a̦fa yai wäyäö shaliliobä. Yanowamö täbä bluca lä cuinö tä a̦ bejedi bufibeje.

Juan 12:46

Cowa wacö shi̦i lä culenaja ya shi̦i cuobä, bita jamö ya waloqueyoluma, wale a̦ bejedi lä bufii wejei bä bluca lä cui, tä mö didiobä jamö bä shi wa̦lio mlaobä.

Juan 14:6

Abinaja Jesús a cuma. —Camiyä ö̦jö ya yoca waiquiwä. Bejedi tä lä cui, ö̦jö ya ca̦i. Täbä ba̦limi cuobä, ö̦jö ya showawä. Camiyä nija bä juu lä mlai, Fayä nija bä waloo daomi.

Juan 15:1

Jesús a wa̦ faö co̦oma. —Fayä ficali etäca jamö, camiyä too bei ya toto colo yai. Uba comi bä lalobä, too totobä lä dodijidablaö wei, ö̦jo Fayä bei a.

Juan 6:32

Ö̦jö däjä, abinaja Jesús e cuma. —Cafä wamacö nija ei ya wa̦ lä cui, bejedi lä ya wa̦. Fedu jamö bä nii lä bläläno wei bä ja bä lä iyamano wei a lä cui, Moisesi a cuonomi. Ö̦jö lä Fayä a yai li cuoma, fedu jamö culanö, nii cäcö yai ja wamacö dobäö lä showale a lä cui.

Juan 7:12

Bluca bänö a wa̦fa wajado wayoaö cuaamaje. —A dodijaö —ai bä cuma. —Ma. Täbä mölamaö dicoo talei —ai bei bä cuu mö feduoma.

1 Juan 1:8

“Iba tä cuami”, bämacö cuu ja, camiyä bämacö mölamamou bädaquei. Bejedi tä a̦ lä cui bäma tä a̦ taboimi.

1 Juan 2:8

Ö̦jö ma cui, ei ya tä a̦ lä oniblale, tä a̦ jaba cuo ma balöono wei ma cui, tä a̦ ca̦i dude showawä. Ö̦jö tä a̦ ja, Jesucristo a cadidou. Cafä wamacö ma cui wamacö ca̦i cadidou. Mö didi tä lä cui tä malä mlaaimadi. Bejedi tä shi̦inö wamacö wacacamabou malä nomöjöle.

1 Juan 5:20

Yai Bada a lä cui, ö̦jö a shino yai bejedimou. Ö̦jö bäma a dabä, bei Ijilubö e fa itoliyonö bämalecö bufi jaducumabou lä cule. Bä Ijilubö Jesucristo nija bämacö cua lä cule, a yai lä bejedi wei a lä cui nija. A bufiblamobä ö̦jö a shino yai bejedi cua ayaa. Ba̦limi bämacö cuobä, ö̦jö a waiquiwä.