Juan 1:51 - Biblia Yanowamö

⁵¹ Abinaja Jesús a cuma. —Cafä wamacö nija ei ya wa̦ lä cui, bejedi lä ya wa̦. Judu wama mösö cacablou fa dalalönö, camiyä ya lä yanowamöblaleyoluno wei ya nija, Yai Bada wama etäbä a̦jele nia juu dablaö. ¿Ö̦jö tawä? Wama bä nia itou dablaö, wama bä nia ca̦i duo dablaö —a cuma.

Juan 1:51 Iomraidhean Croise

Génesis 28:12

Ö̦jamö a lä miono wei jamö, duomodima cäcö majali dalalema. Mashita jamö cäcö colo majali i̦taoma. Ola cäcö lä cui, judu mösö jamö cäcö fe ola wädöodayoma. Ö̦jö cäcö jamö, Yai Bada etäbä a̦jele majali juu dalalema. Bä majali ca̦i itoblaama, bä ca̦i dublaama, bä majali cuaama.

Mateo 25:31

Abinaja Jesús a cuma. —Camiyä ya lä yanowamöblaleyoluno wei ya lä cui, ya shi̦i wacacawä jamö a̦jele ya bä ca̦i lä itole däjä, ya döcäobä täcö lä doblale jamö ya nia döcäo.

Mateo 26:24

¿Ö̦jö tawä? —a cuma—. Camiyä ya lä yanowamöblaleyoluno wei ya lä cui, bejedi wale nia nomamaöje, Yai Bada etä a̦ oni jamö ya wa̦fa lä wäyämamou weinaja showawä. Ö̦jö ma cui, wale yai nia lä nomojoliaö wei a lä cui, ö̦jö a nö nia shino yai bleaaö dodijio. Bä nöönö a lä didibole jamö, a oshe wai mojodi nomaö showadao fa cunoja, etä nö shino yai doblaobö wei —a cuma.

Mateo 3:16

Jesús a fe fa ojoblamolunö, lobe a washölöblou co̦o däjä, judu mösö ca jolablalejelayoma. Mösö ca fa jolablalujulunö, Yai Bada a Bufi, jai joledo a cuwä, Jesúsnö a itou dalalema. Cama nija a loquema.

Mateo 4:11

Ö̦jö däjä, fecula badanö a fa dacöfälönö, a̦jele bänö a bayeliblaö juoyolumaje.

Mateo 8:20

Abinaja Jesús e cuu mö feduoma. —A möla dijä, ya yafibö cuami. Yalo bä bäcabö cublawä. Biyomö bä ma cui, bä yabäcabö cublawä mö feduwä. Ö̦jö ma cui, camiyä ya lä yanowamöblaleyoluno wei ya lä cui, ya yanobö cuami —e cuma.

Mateo 9:6

Camiyä ya lä yanowamöblaleyoluno wei ya lä cui, eja bita jamö ya lä cule däjä, bä doblou lä mlai bä nija ya etä nowa mladamabä ya waiquiwä. Wama tä möbä, ö̦jö lä —a cuma. Einaja a fa cunö, ö̦jö däjä a wa̦ wawäa showaquema, a lä ya̦toliböono wei a lä cui nija. —Bei. A da ubladalu. Wa lä maquele wa täcö fa jocälänö, täcö ca̦i co̦jamöö da co̦o—a cuma.

Marcos 1:10

A fe fa ojoblamolunö a washölöblou co̦o däjä, lobe judu mösö ca jolaa dalalema. Yai Bada a Bufi, jai joledo a cuwä, a itou ca̦i daa showaadalalema.

Marcos 14:62

—Awei. Ö̦jö lä ya e —Jesús e cudaliyoma—. Ya lä yanowamöblaleyoluno wei ya lä cui, Yai Bada a nö wa̦lojaö lä ayao wei boco jayu mashi jamö, wamale nia ca̦i döcäa dabladayou. Ölajashi a jamö wamale ca̦i nia itou dablaö —a cuma.

Lucas 2:13

Ö̦jö däjä, yedu a̦jele a lä cule jamö ai bä ca̦i a̦jele bluca wawälaliyoma. Yai Bada a nofi doaöje ja, abinaja bä cuma.

Lucas 2:9

Bada tänö a̦jele e fa shömöludunö, ö̦jö bä nija a fa bädalunö, Bada etä shi̦i fe fa̦yoblaliyoma. ¡Bejedi lä bä quilia dodijilaliyoma!

Lucas 22:43

Ö̦jö däjä Yai Bada etä a̦jele fa wawäblaliyonö, a bufi lojodoblamalema.

Lucas 22:69

Ö̦jö ma cui, ya fe fa weyadalunö, camiyä ya lä yanowamöblaleyoluno wei ya lä cui, Yai Bada tä nö wa̦lojaö lä ayao wei boco jayu mashi jamö ya nia döcöodayou —a cuma.

Lucas 24:4

Ö̦jö tä ja, bä bufi wedinajamou yaio däjä, yedu bolacabö täcöbö damolaliyoma. Täcöbö camishibö mömou shi wacalaoma.

Lucas 3:21

Juan a fe lao showao mlao däjä, bluca bä fe lä ojomano wei däjä, Jesús a ma cui a fe ca̦i ojoblamolayoma. A fe fa ojoblamolunö, Yai Bada nija a wa̦ faö showao däjä, judu mösö ca jolablaliyoma. Mösö ca fa jolablalunö,

Juan 1:50

Abinaja Jesús a cuma. —“Ico fi cotä jamö bäfä dalalema”, ya cuu ja, ö̦jö tä wai bädawä ma cuinö, ¿wale a̦ nia bejedi bufii tawä? Tä yai lä lojode wei, wa tä nia bluca dablaö —a cuma.

Juan 10:1

Jesús a wa̦ faö co̦oma. —Cafä wamacö nija ei ya wa̦ lä cui, bejedi lä ya wa̦. Oweja bä lä ji̦colobou wejei yoca jamö bä faö lä mlai, casö jamö bä lucäö lä ja̦too wei bä lä cui, bä lä tomömou wei ö̦jö bä li. Shomi bä madofibö lä lämaö wejei, ö̦jö lä bä showawä.

Juan 10:7

Tä a̦ ji̦liaö möblanomi cudeejenö, abinaja Jesús a cuma. —Cafä wamacö nija ei ya wa̦ lä cui, bejedi lä ya wa̦. Oweja bä lä faö wei, camiyä bei ya yoca.

Juan 13:16

’Cafä wamacö nija ei ya wa̦ lä cui, bejedi lä ya wa̦ —bä nowa tama—. Bada a lä cui a nofi tabou mlaoje däjä, cama ebä nofi nia tabou ayaomi. Inaja showawä, bä lä shömaö wei a lä cui a nofi tabou mlaoje däjä, bä lä shömamou wei bä nofi tabou ayao mlajeicätä.

Juan 13:38

Abinaja Jesús e cuma. —¿Bei wa shämou ojode daanö? Cafä nija ei ya wa̦ lä cui, bejedi lä ya wa̦. Cadala a wa̦ faö showao mlao däjä, 3 wale nofi nia jole jole mojodubou cuo —e cuma.

Juan 14:12

’Cafä wamacö nija ei ya wa̦ lä cui, bejedi lä ya wa̦ —a cuu co̦oma—. Wale a̦ bejedi lä bufii wejei bä lä cuinö, Yai Bada ya mayo wawämaö lä cuaaö weinaja bä nia cuaaö mö feduo. ¿Ö̦jö tawä? Fayä nija ya co̦o yalo, bä nia yai cuaaö.

Juan 16:20

Cafä wamacö nija ei ya wa̦ lä cui, bejedi lä ya wa̦. Wamacö bufi nia jo̦liblou. Cafä wamacö lä cui, wamacö nia yai ma ö̦cöö wei ma cui, yanowamö täbä bufi nia bluca doblalou. ¿Ö̦jö tawä? Wamacö bufi ma jo̦liblaliyo wei ma cui, wamacö bufi nia dodijidablou co̦o.

Juan 16:23

’Ö̦jö däjä camiyä nija wamacö nia nacoimi —a cuma—. Cafä wamacö nija ei ya wa̦ lä cui, bejedi lä ya wa̦. Inaja tä cublou däjä, Fayä nija, camiyä ya wa̦nö wamacö nö bayeli nacao lä bädao wei tä ma cui ja, wamacö nia dobämou.

Juan 21:18

¿Ö̦jö tawä? Cafä nija ei ya wa̦ lä cui, bejedi lä ya wa̦. Wa osheo däjä, camishi wa cäcö fa a̦yolänö, wa juu lä ojode wei jamö wa juma. Ö̦jö ma cui, wa wa̦lobadao däjä, wa bococu nia leleo. Cafä nija ai anö täcö fa o̦cacönö, wa juu ojode lä mlai jamö wa nia öböafälöö —e cuma.

Juan 3:3

Abinaja Jesús e cuma. —Cafä nija ei ya wa̦ lä cui, bejedi lä ya wa̦. A tablamou co̦o lä mlai a lä cuinö, Yai Bada tänö cama ebä nia ca̦i lä cuo wei tä nia dablaimi —e cuma.

Juan 3:5

Abinaja Jesús e cuma. —Cafä nija ei ya wa̦ lä cui, bejedi lä ya wa̦. Mau u ma cuinö, Yai Bada tä Bufi ma cuinö, ö̦jö tänö a tablamou co̦o lä mlai a lä cui, Yai Bada tänö cama ebä ca̦i cuobä jamö a cuo daomi.

Juan 5:19

Abinaja Jesúsnö bä nowa tama. —Cafä wamacö nija ei ya wa̦ lä cui, bejedi lä ya wa̦. Yai Bada bei Ijilubö ya e lä cui, camiyä ya cuaaö bufi lä doblao wei tänö ya cuaaimi. Fayä a lä cuaaö wei ya tä möö yalo, inaja camiyä ya e ca̦i cuaaö mö fedua. Fayänö tä lä taö wei, bä Ijilubö ya enö ya tä cai̦ taö mö fedua. ¿Ö̦jö tawä?

Juan 5:27

Ya täbä dobloimi jömabä wale ca̦i lämabou, ya lä yanowamöblaleyoluno wei ya waiquiwä cudeenö.

Juan 6:26

Jesúsnö abinaja bä nowa tama. —Cafä wamacö nija ei ya wa̦ lä cui, bejedi lä ya wa̦. Yai Bada ya e nö ö̦jöböamobä, tä nö lä quilijii ya tä ma wawämano wei ma cui, ö̦jö tänö wamacö bufi fa jaducublalunö wamale dayäimi. Ma, nii bänö wamacö bädölayoma yalo wamale li dayäaö. ¿Ö̦jö tawä?

Juan 6:32

Ö̦jö däjä, abinaja Jesús e cuma. —Cafä wamacö nija ei ya wa̦ lä cui, bejedi lä ya wa̦. Fedu jamö bä nii lä bläläno wei bä ja bä lä iyamano wei a lä cui, Moisesi a cuonomi. Ö̦jö lä Fayä a yai li cuoma, fedu jamö culanö, nii cäcö yai ja wamacö dobäö lä showale a lä cui.

Juan 6:47

’Cafä wamacö nija ei ya wa̦ lä cui, bejedi lä ya wa̦ —a cuma—. Wale a̦ bejedi lä bufii wejei bä lä cui, ba̦limi bä cuobä bä li waiquiwä.

Juan 6:53

Ö̦jö cudeenö, abinaja Jesúsnö bä nowa tama. —Cafä wamacö nija ei ya wa̦ lä cui, bejedi lä ya wa̦. Ya lä yanowamöblaleyoluno wei ya lä cui, wamale ya̦ji waimi ja, wamale i̦yäbö coaimi ja, ba̦limi wamacö nia cuomi.

Juan 8:34

Abinaja Jesúsnö bä nowa tama. —Cafä wamacö nija ei ya wa̦ lä cui, bejedi lä ya wa̦. Wa̦lidiwä tä lä taö wejei bä lä cui, wa̦lidiwä tä ja, bä li nosiemamou waiquiwä. Ö̦jö lä wa̦lidiwä tänö bä yai tabou. ¿Ö̦jö tawä?

Juan 8:51

Cafä wamacö nija ei ya wa̦ lä cui, bejedi lä ya wa̦. Wale a̦ nofi lä cadidibou wejei bä lä cui, bä nomaö mlaicätä —a cuma.

Juan 8:58

Abinaja Jesús e cuma. —Cafä wamacö nija ei ya wa̦ lä cui, bejedi lä ya wa̦. Ablaamö a cua showaa mlai ja, ya cuo lä balöono wei, ei ya —e cuma.

Hechos 10:11

Tä fa mödalönö, judu mösö ca jolaa dalalema. Ö̦jamö lä, jai acadafu sicö bada cuwä, tä itolayoma. Sicö casö jududuoma. Sicö fa itoimadunö, mashita jamö sicö blaaliyoma.

Hechos 7:56

Ö̦jö tä fa dalalönö, abinaja Esteban a cuma. —Bei. ¡Quiji tä da möje! Judu mösö ca fa jolablalunö, Yai Bada jayu boco mashi jamö, a lä yanowamöblaleyoluno wei bei ya ublaa dablaö lä cule —a cuma.

2 Tesalonicenses 1:7

Bada tä Jesús lä cuinö, cama a̦jele ebä nö ca̦i wa̦lojowä wawäblodayou däjä, cowa wacä bä bada lä wao waomou wei wacä bä ca̦i bada wawäblodayou wä. Ö̦jö däjä cafä wamacö nö lä bleaale wamacö sho, bämalecö bluca bälöa yanöcömaquedayou.

2 Tesalonicenses 1:9

Ö̦jö däjä bä nö nia bleaaö shi wa̦lii cuquei. Bä fa waimolunö, Bada tä Jesús a cuobä jamö bä nia icuomi. A nofi nia lofote lä doamou wei jamö bä nia cuomi.

1 Timoteo 3:16

Yai Bada tä a̦ lä wawäblaliyono wei, bäma tä a̦fa bejedi wäyäö. Bejedi fe balojowä lä tä a̦. Abenaja tä a̦ cuu. Jesucristo a yanowamöblaleyoluma. Yai Bada tä Bufinö a bejedi jimöquema. A̦jele bä lä doblaladi bä lija a damolaliyoma. Bluca täbä caficö a̦ ja, a wa̦fa wäyämou cuaama. Yanowamö täbä lä bälöblai bänö a bejedi bufibomaje. Fedu tä lä doblale jamö a co̦molayoma. Ö̦jö lä bäma tä a̦ wäyäö.

Hebreos 1:14

Ma. A̦jele bä lä cui, yai cäbä lä tablaleno wei, ö̦jö cäbä bädawä. Yai Bada tä a̦ fuabeje bä li bluca. Täbä nia lä fucäamou wei bä bayeliblayolubeje, bä shimadayou.

Judas 1:14

Enocö a ma cuinö, inaja bä lä cuaaö wei tä a̦fa ca̦i wäyäö balöo showaoma. Ö̦jö Enocö a lä cui, Adana bä ijilubö ebä nodiwä bälöablalou fa cuaanö a bälöo nomöjöo nodioma. Tä nia lä cublou wei tä a̦fa wäyäö ja, abinaja Enocö a cuma. ¡Bei! Bada tä juu lä cuimi. A̦jele ebä lä doblaladi, bluca dodijiwä täbä ca̦i juu lä cuimi,

Apocalipsis 19:11

Ö̦jö däjä ya mamo showao däjä, fedu jamö judu mösö caloblaliyoma. ¿Ö̦jö tawä? Mösö fa caloblalunö, cabayo au ya dalalema. Ö̦ja a lä döcäono wei a lä cui, Tä a̦fa bejedi wäyäö lä shalilio wei, bei a wa̦fa cua. Täbä dobloimi jömaö ja a wa̦ cadidou showadao. A bejedimolanö a ishou.

Apocalipsis 4:1

Ö̦jö ya tä daa fa balölalönö, ai ya tä möö co̦oma. ¿Ö̦jö tawä? Fedu jamö ya yoca caloa dalalema. Amowa fibä jolaöje däjä fibä a̦ nacläaö lä culenaja, ya wa̦ jaba lä ji̦lileno wei a lä cui, abinaja a cuma. —Jabo. Fäyämö a da juoquibiyolu. Obi tä nia lä cublou wei, cafä nija ya tä wawämabä —a cuma.