Juan 1:42 - Biblia Yanowamö

⁴² Ö̦jö däjä, Jesús nija Simón a ca̦i juma. Ö̦jö nija Jesús a mamo fa showaicunö, a wa̦ ca̦i fama. —Jonasi bä ijilubö Simón wa e. ¿Ö̦jö tawä? Sefa wa wa̦fa ca̦i nia yädäo —a cuma. ¿Ö̦jö tawä? “Sefa”, a lä cudaliyono wei, “Pedro”, a yai cuma.

Juan 1:42 Iomraidhean Croise

2 Reyes 5:4

Naamana a lä cuinö, suwäjälö a wa̦no ji̦lilema cudeenö, bada a lija tä a̦ wäyäö nomöjöobä a lucälayoma. Bada a lija abenaja a cuma. —Isaeli ebä ulufibö jamö, yama a wai suwäjälö lä däleno wei, abenaja a suwäjälö cublaloma —a fa cunö, tä a̦ bluca wäyäma.

Mateo 10:2

Jesucristonö bä lä shömöleno wei, ei bä li cuoma. Simón balöwä, Pedro a wa̦fa ca̦i lä cule. Bä fääshä Andrés e ca̦i. Sebedeo bä ijilubö Santiago e ca̦i, ö̦jö bä fääshä Juan e ca̦i.

Marcos 3:16

Bä lä shömöleno wei, ei bä li cuoma. Simón a cuoma, Jesúsnö Pedro a wa̦fa ca̦i jilaa lä yädäqueno wei a lä cui.

Lucas 5:8

Simón Pedro a lä cuinö, yuli bä bluca lä ya̦calöfe tä fa dalalönö, Jesús cotä jamö a quilili diyäliquema. A fa diyäliicunö, e a̦ fama. —Bada tä. Camiyä nija a ajedo dijä. Ya doblou malä mlai —a cuma.

Lucas 6:14

Abinaja bä a̦fa lä cule bä cuoma. Simón a cuoma, Pedro a wa̦fa ca̦i lä jilaqueno wei. Ö̦jö bä fääshä Andrés e ca̦i. Santiago a ca̦i, Juan sho. Felipe a ca̦i. Badolomei a ca̦i.

Juan 13:18

’Cafä bluca bämacö a̦fa wayoaimi —Jesús a cuu co̦oma—. Iba ya bä lä yaileno wei, ya bä daö. Tä nia lä cublou wei tä lä cui, Yai Bada etä a̦ bejedi wawäblou bufio yalo, tä nia li cublou. Abinaja tä a̦ oni cuu. Camiyä nija a showadi lä iyano wei a lä cuinö wale nomojoliaö nomöjöa lä cule. ’Einaja tä a̦ cuu. ¿Ö̦jö tawä?

Juan 21:2

Cama ebä lä nocamabono wei, ei 7 ebä li cuoma. Simón Pedro a cuoma, Tomás a ca̦i, Cäcöbö lä e̦lequeblaliyono wei a, a wa̦fa ca̦i lä jilamou wei a lä cui. Canaateli Nataniel a wa̦fa lä cule a ca̦i. Sebedeo bä ijilubö ecöbö ca̦i. Jesúsnö bä lä nocamabono wei ai ecöbö ca̦i.

Juan 4:16

Jesús abinaja e cuma. —Bei. Fe̦yalofä a da nacajalu, äyämö wa ca̦i juu co̦ima —e cuma.

1 Corintios 1:12

¿Ö̦jö daanö? Abenaja wamacö jo̦wa cuadalou dicoo. “Pablo ya wa̦ shi̦lo yai ji̦liabä”, ai wamacö cuu. “Ma, Abolo ya wa̦ nia yai ji̦liaö”, ai wamacö cuu mö feduo. “Ma, Pedro a wa̦ yai”, ai wamacö jo̦wa cuu. “Ma, Jesucristo ya wa̦ yai ji̦liabä”, ai wamacö jo̦wa cuu mö feduwä showawä. Inaja wamacö jo̦wa bluca cuu majöablalou dicoo.

1 Corintios 15:5

Pedro lija a jaba fa damolalunö, cama ebä lä nocamabono wei bä bluca lija a damoa nomöjölaliyoma.

1 Corintios 3:22

Camiyä Pablo ya ma cui, Abolo a ma cui, Pedro a ma cui, wamacö bayeliblamobä yamacö bluca. Jödödöwä täbä lä cublai, cafä wamacö befi bluca. Wamacö lä demöo wei tä ma cui ja, wamacö lä mladou wei tä ma cui ja, Yai Bada tänö wamacö nia bayeliblaö shi wa̦lii. Fei däjä tä lä cule tä ma cui, tä nia obi lä cublou wei tä ma cui, cafä wamacö befi tä bluca showawä.

1 Corintios 9:5

Camiyä yamacönö ¿suwä yama bä lulubobä tä cuaami daanö?”, ya cuu. Jesucristonö bä lä shimöleno wei ai bä mö feduwä lä cuinö, bä suwäbö bä ca̦i malä fuu wejei. Inaja showawä, Bada tä Jesucristo bä fääshä ebä ma cuinö, Pedro a ma cuinö, bä suwäbö bä ca̦i fuu mö malä feduo wejei.

Gálatas 1:18

Camiyä lija Jesucristo a wawäa waiquilayono wei ja, lasha 3 a cuo däjä, Jelusale jamö ya̦cumö ya alayoma, Pedro ya möbä. Ö̦jö lijamö ya cua showalanö, 15 ya fe didi cublaliyoma.

Gálatas 2:11

Ö̦jö ma cui, Adioquiateli bä lijamö Pedro a fa waloicunö, judio bä lä mlai bä lijamö bejedi lä ya nowa taö dodijioma. A shominajaaö fa dicoonö wawädowä ya nowa talalema.

Gálatas 2:9

¿Ö̦jö tawä? Santiago, Pedro, Juan bä lä cuinö, bä a̦fa yai bada lä jilabono wejei bänö, Yai Bada tänö wale lä bayeliblaö wei tä nö ö̦jöbölemaje. Ö̦jö däjä, —Awei, tä dodijidawä waiquiwä —wawädowä Benabei sho yafälecö nowa talemaje. Judio bä lä mlai yafä bä yömölabä wawädowä yafälecö shimölemaje. Cama bä mö feduwänö judio bä yömölaö mö feduobeje.