Juan 1:34 - Biblia Yanowamö

³⁴ ¿Ö̦jö tawä? Ö̦jö ya dalalema. Ya fa dalalönö, Yai Bada bei ya e a̦fa Ijilubö wäyäö malä cui. Ö̦jö a waiquiwä —Juan a cuma.

Juan 1:34 Iomraidhean Croise

Mateo 11:27

’Jödödöwä täbä nija ya Bada läobä, Fayänö wale tablamalema —a cuu nomöjöoma—. ¿Ö̦jö tawä? Yanowamö täbänö wale daimije. Fayä a lä culadinö, bä Ijilubö ya e lä cui wale shino daö ayawä. Inaja showawä, Fayä a daö ma mlajei ma cui, camiyä bä Ijilubö ya enö ya shino daö ayawä. Fayä ya dablamaö bufi lä doblao wei bä lä cui nija ya fa damalalönö, ö̦jö bä ma cuinö a daö mö feduweje.

Mateo 16:16

Pedro a wa̦ juoma. —Yai Bada tänö a shömabä a lä yaileno wei, ö̦jö cafä bei wa dodijiwä. Yai Bada a demi cua shi lä wa̦lile, ö̦jö bei wa Ijilubö —bei e cuma.

Mateo 17:5

A wa̦ faö showai ja, ölajashi a bada au fa itolunö, bä jo̦yablalema. Ö̦jö däjä, ölajashi jamö culanö a wa̦ bädaliyoma. —Ei Ijiluyä a, ya lä nofimaö wei. Wale bufi lä doblamabou wei a. A wa̦ da ji̦liläje —a cuma.

Mateo 26:63

Jesús a wa̦ juo mlai ja, mamicai a ubladioma. Ö̦jö däjä, nofi bäyäalewä bada a lä cui, abinaja a cuu nomöjöoma. —A wa̦ nö da wäicu, Yai Bada a demi shi lä wa̦lile a malä cule. Yai Bada tänö a shömabä a lä yaileno wei, ¿ö̦jö lä cafä bei wa e waiquiwä tawä? ¿Yai Bada wa etä Ijilubö dodijiwä tawä? A wa̦ nö da wäbo —a cuma.

Mateo 27:40

Abinaja ebä cuma. —¡Bei tawä! ¡Wa nö nia jo̦wa lä wa̦lojano wei! Yai Bada wa etä yafi fa wa̦lialönö, bolacabö tä mö didi fa cublalunö, ¡wa etä yafi nia i̦tamaö lä co̦ono wei, wa nofi lä cui! ¡Cafä a yai da bayeliblamolu, ö̦jö lä! Yai Bada wa Ijilubö waiquiwä ja, wa ma basule ma cui, ¡a da itolu! —ebä cuma.

Mateo 27:43

Yai Bada a jo̦wa bufiblaö. Yai Bada tänö a bufii ja lä, fei däjä a noshi yai umabobä, ö̦jö lä. “Yai Bada bei Ijilubö ya e”, a mada cublei —bä cuma.

Mateo 27:54

Jesús a nofi lä läbono wejei bä sodado lä cuinö, mashita a bada blösö blösömou fa dalalöjenö, bä quilia fe balojolaliyoma. ¿Ö̦jö tawä? Sodado 100 bä ca̦i lä cuono wei a bada ma cuinö, cama ebä ma cuinö, tä bluca lä cublaliyono wei tä dalalemaje. Ö̦jö tä ja, bä quilia fe fa balojolalunö, abinaja bä cudaliyoma. —Bejedi lä, quiji a lä cui, ¡Yai Bada tä Ijilubö e cuo dodijioma!

Mateo 3:17

Ö̦jö däjä, fedu jamö tä a̦ fa bädaludunö, abinaja Yai Bada a cuma. —Ijiluyä ya nofimaö lä dodijile, miji a. Cama nija bejedi lä ya bufi yai doblalou dodijio —a cuma.

Mateo 4:3

Ö̦jö däjä, yabäcalewä e waloqueyoluma, fecula bada a lä cui. Abinaja e cuma. —Yai Bada wa Ijilubö ja lä, ei maa mabä da nosiema, nii bä cublobä —e cuma.

Mateo 4:6

abinaja a nowa tama. —Bei. Yai Bada wa Ijilubö ja lä, a da quelufälö. Abinaja tä a̦ oni malä cuu wei. Cafä nija a̦jele etäbä nia läamaö. ’Einaja tä a̦ oni cuu. Abinaja ca̦i. Dodijidawä wa nia ya̦caaöje, maa mabä ja wa mamicö shäo mlaobä. ’Einaja tä a̦ cuu —fecula badanö a nowa tama.

Mateo 8:29

Jesús nija bä a̦ i̦cali falayoma. —Yai Bada wa Ijilubö lä cuinö, ¿wedinaja yamalecö taamabä, bei wa li waloo cuboyoi? Yamalecö nabä jubä tä cubloimi ma showai, ¿wedi tä tabä yamalecö nö nia bleaamaö dicoa cule? —bä fecula cudaliyoma.

Marcos 1:1

Ei Jesucristo dodijidawä etä a̦ colo, Yai Bada bei Ijilubö e lä cui.

Marcos 1:11

Ö̦jö däjä, fedu jamö tä a̦ fa bädaludunö, abinaja Yai Bada a cuma. —Ijiluyä bäfä nofimaö lä dodijile, cafä wa. Cafä nija bejedi lä ya bufi yai doblalou dodijio —a cuma.

Lucas 1:35

Ö̦jö däjä, abinaja a̦jele e cuma. —Yai Bada tä Bufinö wa fe walou däjä, Yai Bada tä Bada lä ayai tä lojodenö wa nia jo̦yablaö. Ö̦jö cudeenö ijilufä a nia yaio. Yai Bada Ijilubö e a̦fa nia jilamou.

Lucas 3:22

Yai Bada tä Bufi, jai joledo a cuwä, Jesús nija a itolayoyoluma. Ö̦jö däjä, fedu jamö culanö a wa̦ bädaliyoma. —Ijiluyä bäfä nofimaö lä dodijile, cafä wa. Cafä nija ya bufi yai doblalou dodijia —a cuma.

Juan 1:18

Yanowamö bämacö nija Yai Bada tä dablamoimi. Tä dablamou ma mlai ma cui, bä Ijilubö moli e lä cuinö, bä Fö̦ö e nija a lä ajedelenö, ö̦jönö tä damalalema.

Juan 1:49

Nataniel abinaja e cuma. —Tä a̦ wäyäle. Cafä Yai Bada wa e Ijilubö waiquiwä. Isaeli bäma ecö nija wa Bada nia lä läo wei, ¡ö̦jö wa dodijiwä!

Juan 10:30

Fayä sho, ö̦jö yafäcö waiquiwä —a cuma.

Juan 10:36

¿camiyä bei wamale nia li bufiblaimi, eja, bita jamö Fayänö wale shömabä, wale lä yaileno wei ya lä cui? Yai Bada ya a̦fa Ijilubö jilou yalo, ¿wedi tabä “Yai Bada wa tä nö waiblaö”, wamale nowa li taö dicoo?

Juan 11:27

Abinaja Marta e cuma. —Awei, bada tä. Bäfä a̦ bejedi bufii. Yai Bada tänö a shömabä a lä yaileno wei a lä cui, ö̦jö cafä wa waiquiwä. Yai Bada tä Ijilubö wa e, bita jamö wa wa̦fa juu lä wäyäno wejei —e cuma.

Juan 19:7

Judio bä a̦ juo ja, abinaja Bilado a nowa tamaje. —Camiyä yamacönö, Moisesi yama etä a̦ tabou. Yama tä a̦ daö. Miji a lä cui, Yai Bada bei tä a̦fa Ijilubö jilou yalo, a nomabä a waiquiwä—a nowa tamaje.

Juan 20:28

Tomás abinaja e cuu mö feduoma. —¡Bada tä! Cafä bäfä shino yai bufiblabä wa.

Juan 20:31

Ö̦jö ma cui, Jesús wama tä a̦ bejedi bufibä, ya tä a̦ oni taaö lä cule. “Yai Bada tänö a shömabä a lä yaileno wei, ö̦jö Jesús a waiquiwä”, wama a nofi yai tabobä. “Yai Bada bei Ijilubö e”, wama a nofi ca̦i tabobä. Inaja wama a nofi tabolanö, cama a wa̦nö ba̦limi wamacö cuobä.

Juan 6:69

Camiyä yamacönö bäfä a̦ li bejedi bufii waiquiwä. Yamacö bufi ca̦i jaducublaliyoma. Yai Bada tänö a lä yaileno wei, ö̦jö cafä bei wa dodijiwä —e cuma.

Romanos 1:4

Bada tä Jesucristo lä cui, Yai Bada Ijilubö e. A demi lä jocädamaleno wei tänö, Yai Bada tä Bufi lofotenö bä Ijilubö e wawädowä nö ö̦jöbömalema.

2 Corintios 1:19

Yai Bada bei Ijilubö Jesucristo e lä cui a bufi majöablalono malä mlai. Sibano, Timoteo sho yamacö lä cuinö, cafä wamacö lija Jesucristo yama a wa̦fa lä wäyäle a lä cui a bufi yai shalilioma. “Awei”, a bufi cuu waiquilanö, “Ma”, a jole cunomi.

Hebreos 7:3

Mequisedeco bä fö̦ö e ma cui, bä nöö e ma cui, bei tä a̦ oni jamö cäcöbä a̦fa ca̦i cuami. Cama bä nö badabö cuo lä balöono wei bä ma cui, inaja showawä. A oshe lä cublono wei tä ma cui, a bufi lä mlaqueno wei tä ma cui, tä a̦fa oni ca̦i cuami. Yai Bada tä Ijilubö e lä culenaja a cuwä. Täbä nofi bäyäbou shi wa̦lii.

1 Juan 2:23

Yai Bada bei Ijilubö e lä waii wejei bä lä cuinö, bä Fö̦ö e ma cui e taboimije. “Ö̦jö lä a waiquiwä”, Jesús a nofi tabolajenö, a nofi lä mölabou wejei bä lä cuinö, Jesús, bä Fö̦ö sho cäcöbä tabou bolacaaje.

1 Juan 3:8

Wa̦lidiwä tä lä taö wejei, fecula bada ö̦jö ebä li. Jaba däjä ma cui, ö̦jönö tä wa̦lidiwä taö malä showadaono wei. ¿Ö̦jö tawä? Fecula badanö tä lä taö wei etä wa̦liabä, Yai Bada bei Ijilubö e wawälayoyoluma.

1 Juan 4:9

Yai Bada tänö bä Ijilubö moli e lä cui, bita jamö a shömöledayoma, cama nija bämacö ba̦limi cuobä. Ö̦jö tänö, bämalecö yai lä nofimaö wei tä damalalema.

1 Juan 5:20

Yai Bada a lä cui, ö̦jö a shino yai bejedimou. Ö̦jö bäma a dabä, bei Ijilubö e fa itoliyonö bämalecö bufi jaducumabou lä cule. Bä Ijilubö Jesucristo nija bämacö cua lä cule, a yai lä bejedi wei a lä cui nija. A bufiblamobä ö̦jö a shino yai bejedi cua ayaa. Ba̦limi bämacö cuobä, ö̦jö a waiquiwä.

2 Juan 1:9

Jesucristonö tä a̦ lä wäyäno wei tä a̦ jamö, shomi tä a̦ coyocobou lä dicoo wejei bänö Yai Bada tä taboimije. Jesucristonö tä a̦ yai lä wäyäno wei tä a̦ jamö bä lä cadidou wei bä lä cuinö, bä Fö̦ö e ma cui, bä Ijilubö e ma cui, ö̦jö lä cäcöbö tabou bolacaaje.

Apocalipsis 2:18

Ya tä lä möno wei, abinaja a cuu nomöjöoma. —Bei. Diadila jamö, iba bä lä yododaö wei bä nija a lä läle a lä cui nija, wa etä a̦ ca̦i nia oni shömaö. Yai Bada ya e Ijilubö. Cowa wacö lä culenaja ya mamocu mömou nö quilijiwä cuwä. Duo shibä shi de̦lelewä lä culenaja ya mamicö cuwä. Ö̦jö ya lä cui, wale wa̦no nia oniblaö.