Juan 1:24 - Biblia Yanowamö

²⁴ ¿Ö̦jö tawä? Faliseo bä bada nija ö̦jö bä shömamoma.

Juan 1:24 Iomraidhean Croise

Mateo 23:26

Faliseo wamacö. ¡Cafä wamacö yai jubäbö! ¡Ji̦shima a mö yalublaö da balöloje! ¡Ca̦ö fesi ca̦i! Ö̦jö däjä, dodijidawä wamacö yai nia shino auo.

Lucas 11:53

Ö̦jö däjä, Jesús a aa lä co̦layofälöno wei däjä, Moisesi tä a̦ ja täbä lä damaö wejei bä ma cuinö, faliseo bä bada ma cuinö, a nofi jaba wawädowä wa̦libomaje. Bluca tä ma cui ja, showadi a wa̦lii fe blacäjomaje.

Lucas 16:14

Jesús nija faliseo bä bada yömöca ma daono wei ma cui, blada bä nofi yaibou waiquiaje cudeenö, a wa̦ nö waiblamaje.

Lucas 7:30

Ö̦jö ma cui, faliseo bä bada lä cui bä fe ojoblamonomi. Moisesi tä a̦ ja täbä lä damaö wejei bä ma cui, inaja showawä. Yai Bada tänö bä taamaö lä bufino wei tä a̦ wailemaje.

Juan 1:23

Ö̦jö däjä, abinaja Juan a cuma. —Yai Bada a wa̦no wäyälewä Isaia a lä cuinö wale a̦fa wäyäö lä balöono wei, ö̦jö ya. Ulifi bloque jamö a wa̦ nia jo̦wa lä lojodoano wei, ei ö̦jö lä ya wa̦. Abinaja ya nia jo̦wa lä cuno wei. “¡Bada tä juu lä cuimi! A nia lä juu wei jamö, e yo shaliliblamaö da balöloje.” Einaja ya nia jo̦wa lä cuno wei ya wa̦ —Juan a cuma.

Juan 1:25

A wa̦lii co̦oje ja, abinaja bä cuma. —Yai Bada tänö a shömabä a lä yaileno wei a lä cui, ö̦jö wami ja, Elia wa ca̦imi ja, Yai Bada a wa̦no wäyälewä wa ca̦imi ja, ¿wedi tä tabä bei wa täbä fe li ojomaö, ö̦jö lä? —bä cuma.

Hechos 23:8

Saduseo bänö, nomawä bä demi nia jocädou lä co̦o wei, tä a̦ bejedi bufii malä mlajei. Yai Bada a̦jele etäbä lä culadi bä ma cui, yai ai täbä lä cublai bä ma cui, bä a̦fa cuami taö jödödöweje. Ö̦jö ma cui, faliseo bänö ö̦jö bä a̦fa bluca cua taöje.

Hechos 26:5

Faliseo bä nija ya yädäblaliyoma, judio yamacö nö badabö tä a̦ nofi lä yaibolajei bä bada lä cui nija. Yai Bada nija bä cadidou bufi lä doblao weinaja, ya cuaaö mö lä feduo wei, tä ca̦i daöje. Yedu ja ma cui, tä daö showaomaje. Bä a̦ faö ojode ja, wale a̦fa nia bejedi taöje.