Juan 1:21 - Biblia Yanowamö

²¹ A wa̦lii co̦oje ja, abinaja bä cuma. —Ja̦o. ¿Wedi bei wa dodijiwä, ö̦jö lä? Elia a lä cuono wei, ¿ö̦jö wa tawä? —bä cuma. —Ma. Ö̦jö ya ca̦imi —Juan a cuma. —Yai Bada a wa̦no wäyälewä a nia jo̦wa lä waloono wei, ¿ö̦jö bei wa? —bä cuu nomöjöoma. —Ma —a cuma.

Juan 1:21 Iomraidhean Croise

Mateo 11:14

Ö̦jö wama tä a̦ bejedi bufibou ja, Juan wama a nö nia ö̦jöböaö showao. Elia a nia jo̦wa juu lä co̦ono wei, ö̦jö a cuoma.

Mateo 16:14

Abinaja bä cuma. —Fe ojomalewä Juan bei wa jo̦wa fa talei. Ai bä mö feduwänö, Yai Bada a wa̦no wäyälewä Elia a cuo lä balöono wei, ö̦jö wa jo̦wa bufidaö talajei. Ai bä mö feduwä lä cuinö, Jelemia wa bufiije. Ai bä a̦ showawä ja, Yai Bada a wa̦no wäyälewä ai a demi jocädou fa co̦lonö, ö̦jö bei wa jo̦wa co̦dawä fa talei —bä cuma.

Mateo 21:11

Ö̦jö däjä, bä bluca lä co̦camono wei bä a̦ nocalayoma. —¡Yai Bada a wa̦no wäyälewä, Nasaleteli fei Jesús ö̦jö lä a, Calilea tä ulifi jamö a lä bälöle! —bä cuma.

Lucas 1:17

Bada tä nijamö ijilufä a nia balöfälöö. Yai Bada a wa̦no wäyälewä Elia a bufi nö wa̦lojomabou lä cuono weinaja, inaja showawä ijilufä a bufi nö nia wa̦lojomabou cuo. Ö̦jö a wa̦ ja, bä fö̦ö ebänö bä ijilubö ebä nia nofiamaö co̦oje. Cama a wa̦ showawä ja, Yai Bada a wa̦ juaö lä mlajei bä ma cui, bä lä dodijaö wei bä bufi jaducuwä lä culenaja, bä bufi nia jaducuwä tablamaö mö feduo. Bada tä nia lä juu wei jamö a wa̦no nia taö balöablalou, a wa̦ ji̦liaö dodijidaobeje —a̦jelenö a nowa tama.

Juan 1:22

Ö̦jö däjä, abinaja a nowa tamaje. —Ja̦o. ¿Wedi bei wa, ö̦jö lä? Yamalecö lä shömöleno wejei bä nija, ¿wedinaja yama tä a̦ wäaö cuojolobä? Cafä ¿wedi bei wa wa̦fa jilou?

Juan 1:25

A wa̦lii co̦oje ja, abinaja bä cuma. —Yai Bada tänö a shömabä a lä yaileno wei a lä cui, ö̦jö wami ja, Elia wa ca̦imi ja, Yai Bada a wa̦no wäyälewä wa ca̦imi ja, ¿wedi tä tabä bei wa täbä fe li ojomaö, ö̦jö lä? —bä cuma.

Juan 6:14

Nii bä wai bolacami ma cui ja, Jesúsnö täbä bluca lä iyamaleno wei tä fa dalalöjenö, ö̦jö däjä Yai Bada e nö ö̦jöbölemaje. Abinaja bä cuma. —Yai Bada a wa̦no wäyälewä a nia jo̦wa lä juno wei, ¡fei ö̦jö lä a waiquiwä! —bä cuma.

Juan 7:40

Jesús a wa̦ ji̦liaöje däjä, abinaja ai bä cuma. —Yai Bada bäma a wa̦no wäyälewä nö lä dabole, fei a waiquiwä —ai bä cuma.